შემოთავაზებულ შედეგებზე წვდომისთვის გადადით წინ
    ეს კონტენტი თქვენ მიერ არჩეულ ენაზე მიუწვდომელია, ამიტომაც ამჟამად იმ ენაზე გთავაზობთ, რომელიც მასთან ყველაზე ახლოსაა.

    პასუხები მოგზაურების შეკითხვებზე COVID‑19‑ის შესახებ

    შეიტყვეთ, როგორ გეხმარებით დაჯავშნის მოქნილი პირობების, განსაკუთრებულად დასუფთავებული საცხოვრებლებისა და სხვა ვარიანტების შემოთავაზების მეშვეობით.
    ავტორი: Airbnb (10 მარ, 2020)
    4-წუთიანი საკითხავი
    განახლების თარიღი: 25 ივნ, 2021

    COVID‑19‑ის შესახებ საკმარისი ინფორმაცია ჯერ კიდევ არ არის, ამიტომ უცნობია, აისახება თუ არა ის თქვენს სამოგზაურო გეგმებზე მომდევნო რამდენიმე თვის განმავლობაში. მოგზაურთა მხარდაჭერის მიზნით, ჩვენ ვაგროვებთ თქვენს შეკითხვებს და რამდენიმე მათგანზე პასუხს ამ სტატიაში გთავაზობთ. სტატიას რეგულარულად განვაახლებთ, ამიტომ პერიოდულად შეამოწმეთ ხოლმე ის.

    ჯავშნის გაუქმება მსურს. რა ვარიანტები მაქვს?
    გაუქმების წესებს მასპინძლები ადგენენ და ისინი, შესაძლოა, განსხვავდებოდეს. ამა თუ იმ საცხოვრებლის ჯავშნის გაუქმების შესახებ დეტალური ინფორმაცია მითითებული იქნება განცხადების მთავარ გვერდზე, ხოლო დადასტურებული ჯავშნების შემთხვევაში — Airbnb‑ს ვებსაიტის ან აპის „სტუმრობების“ სექციაში.

    სტუმრებს, რომლებმაც ჯავშნები 2020 წლის 14 მარტის შემდეგ გააფორმეს და COVID‑19‑ის გამო უწევთ გაუქმება, საპატიო მიზეზების დებულების შესაბამისად თანხის დაბრუნება მხოლოდ იმ შემთხვევაში ეკუთვნით, თუ COVID‑19‑ით არიან ინფიცირებული. შეიტყვეთ ვრცლად საპატიო მიზეზების დებულების შესახებ.

      ჯავშნის გაფორმება მსურს, მაგრამ არ ვიცი, როგორ განვითარდება მოვლენები COVID‑19‑თან და საერთაშორისო შეზღუდვებთან დაკავშირებით. როგორ მოვიქცე?
      თქვენი ყოყმანი საფუძვლიანია. გირჩევთ, ყურადღებით გაეცნოთ გაუქმების წესებს და შეარჩიოთ ის ვარიანტები, რომლებიც ნაკლებად მკაცრ პირობებს გთავაზობთ. ჩვენ დავამატეთ ფილტრი, რომელიც გაუქმების მოქნილი წესების მქონე საცხოვრებლების პოვნაში დაგეხმარებათ. ამას გარდა, მოგიმზადეთ ეს რესურსი, რომელიც შეიცავს ინფორმაციას სხვა კომპანიების მიერ შემოთავაზებული სამოგზაურო დაზღვევების შესახებ. სტუმრებს, რომლებმაც ჯავშნები 2020 წლის 14 მარტის შემდეგ გააფორმეს და COVID‑19‑ის გამო უწევთ გაუქმება, საპატიო მიზეზების დებულების შესაბამისად თანხის დაბრუნება მხოლოდ იმ შემთხვევაში ეკუთვნით, თუ COVID‑19‑ით არიან ინფიცირებული.

      როგორ ვიპოვო საცხოვრებლები, რომლებიც სტუმრებს გაუქმების მოქნილ პირობებს სთავაზობს?
      ჩვენ დავამატეთ საძიებო ფილტრი, რომელიც გაუქმების მოქნილი წესების მქონე საცხოვრებლების პოვნას გაგიმარტივებთ. შეიტყვეთ ვრცლად ფილტრის შესახებ. გაითვალისწინეთ, რომ გაუქმების წესებს მასპინძლები ადგენენ და ისინი, შესაძლოა, განსხვავდებოდეს. დეტალური ინფორმაცია მითითებული იქნება განცხადების მთავარ გვერდზე.

      სად ვიპოვო დამატებითი ინფორმაცია ადგილობრივი სამოგზაურო შეზღუდვებისა და რეკომენდაციების შესახებ?
      მრავალ რეგიონში მოქმედებს ადგილობრივი წესები მოგზაურობასთან დაკავშირებით, მათ შორის, დროებითი შეზღუდვები სტუმრების განთავსებაზე (მოკლევადიანი სტუმრობების ჩათვლით). თუ სტუმრობას აპირებთ, გაეცანით სამოგზაურო შეზღუდვებისა და რეკომენდაციების გვერდებს.

      მასპინძლის მიერ დადგენილი გაუქმების წესების თანახმად, თანხის დაბრუნება არ მეკუთვნის. რატომ?
      Airbnb აერთიანებს სტუმრებსა და მასპინძლებს, რომლებიც ერთმანეთთან ჩვენი პლატფორმის მეშვეობით ურთიერთქმედებენ. მასპინძლები თავად ადგენენ ფასებს, საცხოვრებლებთან დაკავშირებულ კონკრეტულ წესებსა და გაუქმების პირობებს. ამა თუ იმ საცხოვრებლის ჯავშნის გაუქმების შესახებ დეტალური ინფორმაცია მითითებული იქნება განცხადების მთავარ გვერდზე, ხოლო დადასტურებული ჯავშნების შემთხვევაში — Airbnb‑ს ვებსაიტის ან აპის „სტუმრობების“ სექციაში. ხშირ შემთხვევაში, Airbnb არის მასპინძლების შემოსავლის ძირითადი წყარო, რის გამოც თავიანთი წესებიდან გამონაკლისების დაშვება უჭირთ.

      მასპინძელმა ჯავშანი გამიუქმა. როგორ მოვიქცე?
      გვესმის, რომ გაუქმების შემთხვევები არასასიამოვნოა, თუნდაც ამას საფუძვლიანი მიზეზი გააჩნდეს. გაითვალისწინეთ, რომ მრავალ მასპინძელს, რომელსაც ჯავშნის გაუქმება უწევს, შესაძლოა, COVID‑19 შეხებოდა ან ისინი თავიანთი ახლობლების დაცვას ცდილობენ.

      მასპინძლის მიერ გაუქმების შემთხვევაში შესაძლებელია, რომ თანხის სრულად დაბრუნება გეკუთვნოდეთ. დასაბრუნებელი თანხის შესახებ დეტალური ინფორმაციისთვის შეამოწმეთ „სტუმრობების“ სექცია Airbnb‑ს ვებსაიტის ან აპის მეშვეობით.

      თუ სტუმრობა თქვენთვის მნიშვნელოვანია, იმედი გვაქვს, ახალი ჯავშნის გასაფორმებლად კვლავ Airbnb‑ს აირჩევთ.

      ჯანდაცვასთან, უსაფრთხოებასთან და დასუფთავებასთან დაკავშირებული რა ზომები უნდა მიიღონ საცხოვრებლების სტუმრებმა და მასპინძლებმა?
      ჩვენი გაერთიანების წევრების უსაფრთხოება უაღრესად მნიშვნელოვანია, ამიტომ ჯანდაცვის მსოფლიო ორგანიზაციისა და აშშ‑ის დაავადებათა კონტროლისა და პრევენციის ცენტრების რეკომენდაციების საფუძველზე Airbnb საცხოვრებლების მასპინძლებისა თუ სტუმრებისთვის შევიმუშავეთ COVID‑19‑თან დაკავშირებული უსაფრთხოების ზომები, რომელთა მიღებაც სავალდებულოა. მსოფლიოს სხვადასხვა კუთხეში მცხოვრები მასპინძლები ზრუნავენ თქვენს სიმშვიდეზე სტუმრობისას — ისინი ასრულებენ განახლებულ მითითებებს უსაფრთხოებისა და დასუფთავების საკითხებთან დაკავშირებით COVID‑19‑ის პირობებში. შეიტყვეთ ვრცლად.

      სულ ახლახან ჩვენ გავაუქმეთ საერთაშორისო მოთხოვნა ნიღბების ტარებასთან და სოციალური დისტანციის დაცვასთან დაკავშირებით. სანაცვლოდ, მასპინძლებსა და სტუმრებს ვთხოვთ, იმოქმედონ ადგილობრივი კანონებისა და წესების შესაბამისად, რადგან Airbnb‑ზე წარმოდგენილი საცხოვრებლები მდებარეობს სხვადასხვა ქვეყანასა თუ რეგიონში, რომლებიც COVID‑19‑თან ბრძოლის განსხვავებულ ეტაპებზეა. გირჩევთ, გაეცნოთ ზოგად მითითებებს COVID‑19‑ის პირობებში ჯანმრთელობისა და უსაფრთხოების საკითხებთან დაკავშირებით, ასევე, მუდმივად ამოწმოთ ოფიციალური შეზღუდვები თუ რეკომენდაციები მოგზაურთათვის, ხოლო სტუმრობისას დაიცვათ ქვეყნისა თუ რეგიონის მასშტაბით მოქმედი ყველა წესი.

      ფიზიკურად მსურს Airbnb შთაბეჭდილების მიღება. რა უნდა გავითვალისწინო?
      Airbnb შთაბეჭდილების ფიზიკურად მიღება კვლავ შესაძლებელია რეგიონებში, სადაც აღნიშნული ოფიციალურად დაშვებულია. ამას გარდა, მასპინძლებისა თუ სტუმრებისთვის შევიმუშავეთ ჯანმრთელობასა და უსაფრთხოებასთან დაკავშირებული მითითებები, რომელთა მიხედვითაც აუცილებელია სახის დამცავი საშუალების ტარება და სოციალური დისტანციის დაცვა, როცა აღნიშნულს ადგილობრივი კანონები თუ წესები მოითხოვს. თუ ოფიციალური შეზღუდვები შეიცვლება, შესაძლოა, კვლავ მოგვიწიოს შთაბეჭდილებების შეთავაზების შეჩერება. ამ შემთხვევაში აუცილებლად შეგატყობინებთ. სტუმრები, რომლებსაც დაჯავშნილი ჰქონდათ ფიზიკური მონაწილეობით შეთავაზებული Airbnb შთაბეჭდილება, რომელიც შეჩერდა, მიიღებენ 25 აშშ დოლარის ღირებულების ვაუჩერს, რომლის მეშვეობითაც შთაბეჭდილების სხვა ჯავშნის გაფორმებას შეძლებენ. შეიტყვეთ ვრცლად შთაბეჭდილებების შეთავაზების აღდგენის შესახებ.

      თუ შთაბეჭდილების ფიზიკურად მიღება მხოლოდ თქვენიანებთან ერთად გირჩევნიათ, დაჯავშნეთ ის კერძო ჯგუფისთვის. თუ შთაბეჭდილებების ფიზიკურად შეთავაზება თქვენთან ჯერ კიდევ შეჩერებულია, შეარჩიეთ ონლაინ-შთაბეჭდილებები. ახალი უნარების ასათვისებლად, მეგობრების გარემოცვაში დროის მხიარულად გასატარებლად ან თანამშრომლებთან ერთად ერთ გუნდად შეკვრისთვის სახლიდან გასვლა სულაც არ არის აუცილებელი. აღმოაჩინეთ ილუზიონისტთა საიდუმლოებები, დაესწარით მაროკოული ოჯახის კულინარიის გაკვეთილს, დაკავდით მედიტაციით ბუდისტ ბერთან ერთად ან მიიღეთ მონაწილეობა სხვა მრავალ საინტერესო ღონისძიებაში ონლაინ.

      უნდა მიიღონ თუ არა სტუმრებმა COVID‑19‑თან დაკავშირებული უსაფრთხოების ზომები?
      პანდემია გრძელდება, ამიტომ მნიშვნელოვანია, ყველამ საკუთარი წვლილი შევიტანოთ COVID‑19‑ის გავრცელების პრევენციაში. აქედან გამომდინარე, უსაფრთხოების სავალდებულო ზომები შევიმუშავეთ. მათი დაცვა Airbnb‑ს გაერთიანების თითოეულ წევრს მოეთხოვება და ისინი აშშ‑ის დაავადებათა კონტროლისა და პრევენციის ცენტრების მსგავსი კომპეტენტური ორგანოების რეკომენდაციებს ეფუძნება. მჭიდრო კონტაქტისას როგორც სტუმრებს, ისე მასპინძლებს უნდა ეკეთოთ ნიღაბი/პირბადე და დაცული იყოს სოციალური დისტანცია, თუ ამას ადგილობრივი კანონები ან წესები მოითხოვს.

      Airbnb‑ს მეშვეობით საცხოვრებელი დავჯავშნე ღონისძიებისთვის, რომელიც გაუქმდა. შემიძლია თუ არა ჯავშნის გაუქმება?
      ვიცით, რომ მრავალი სტუმარი Airbnb‑ს მეშვეობით ჯავშნის საცხოვრებლებს, როცა ღონისძიებები იმართება. თუ ღონისძიება, რომელზე დასწრებასაც აპირებდით, გაუქმდა, ხოლო თქვენს ჯავშანზე საპატიო მიზეზების დებულება არ ვრცელდება, შეამოწმეთ გაუქმების მოქმედი წესები. ამას გარდა, შეგიძლიათ პირდაპირ მასპინძელს დაუკავშირდეთ.

      რა არის საპატიო მიზეზების დებულება?
      Airbnb‑ს საპატიო მიზეზების დებულება სტუმრებსა და მასპინძლებს საშუალებას აძლევს, უსასყიდლოდ გააუქმონ ჯავშანი სერიოზული ტრავმის ან ავადმყოფობის, სტიქიური უბედურებების, მოგზაურობაზე დაწესებული შეზღუდვებისა და სხვა გაუთვალისწინებელი შემთხვევის დროს. სტუმრებს, რომლებმაც ჯავშნები 2020 წლის 14 მარტის შემდეგ გააფორმეს და COVID‑19‑ის გამო უწევთ გაუქმება, საპატიო მიზეზების დებულების შესაბამისად თანხის დაბრუნება მხოლოდ იმ შემთხვევაში ეკუთვნით, თუ COVID‑19‑ით არიან ინფიცირებული. ჯავშნის გაუქმების ხელმისაწვდომი ვარიანტების გასაცნობად ეწვიეთ Airbnb‑ს ვებსაიტის ან აპის „სტუმრობების“ სექციას.

      Airbnb Luxe საცხოვრებელი დავჯავშნე. ვრცელდება თუ არა ჩემზე საპატიო მიზეზების დებულება?
      საპატიო მიზეზების დებულება არ ვრცელდება Airbnb Luxe ჯავშნებზე, რადგან მათ შემთხვევაში მოქმედებს Airbnb Luxe სტუმრებისთვის თანხის დაბრუნების წესები.

      არსებობს თუ არა დამატებითი რესურსები, რომლებიც მოგზაურობისას დამეხმარება?
      სამოგზაურო შეზღუდვებისა და მითითებების შესახებ უახლესი ინფორმაციისთვის გაეცანით ამ რესურსს.

      COVID‑19‑ის გავრცელების პრევენციისთვის ჩამოტვირთეთ ტელეფონზე აპები, რომლებიც ინფიცირებულებთან კონტაქტის შესახებ შეგატყობინებენ. მსგავსი აპები შემუშავებულია Google‑ისა და Apple‑ის მიერ ჯანდაცვის უწყებებთან თანამშრომლობით. შეიტყვეთ მეტი აღნიშნული აპების, მათი გამოყენებისას კონფიდენციალურობისა და გაფრთხილებების მიღების წესის შესახებ.

      შეკითხვები დამრჩა. ვის მივმართო?
      COVID‑19‑მა სერიოზული ზიანი მიაყენა მოგზაურობის სფეროს საერთაშორისო მასშტაბით, ამიტომ ჩვენი გაერთიანების წევრების მხარდაჭერის გუნდი უჩვეულოდ ბევრ ზარსა და შეტყობინებას იღებს. თუ გადაუდებელი დახმარება გჭირდებათ, დაგვიკავშირდით პირდაპირ აპის მეშვეობით.

      ამას გარდა, მრავალ შეკითხვაზე პასუხების პოვნა შეგიძლიათ რესურსებში, რომლებიც საგანგებოდ დახმარების დამოუკიდებლად მისაღებად მოგიმზადეთ. შეზღუდვების შესახებ უახლესი ინფორმაციისთვის დაიხმარეთ ეს გვერდი, ხოლო სხვა მასალები და ინფორმაცია ხელმისაწვდომია დახმარების ცენტრში.

      კარგად გვესმის, რამდენად უარყოფითად აისახება COVID‑19 მოგზაურობაზე, ამიტომ მზად ვართ თქვენ დასახმარებლად. გმადლობთ თანამშრომლობისთვის და ჩვენი გაერთიანების წევრებზე ზრუნვისთვის.

      სტატიაში მოცემული ინფორმაცია, შესაძლოა, შეცვლილიყო მისი გამოქვეყნების შემდეგ.

      Airbnb
      10 მარ, 2020
      სასარგებლო იყო?

      სხვა საინტერესო

      სხვა საინტერესო

      გაეცანით სხვა თემებს