სამოქმედო რჩევები შურისმაძიებლური მიმოხილვის მიღების შემთხვევაში

მასპინძლობა მაქსიმალურად კომფორტული უნდა იყოს — მასპინძლები არ უნდა ღელავდნენ იმაზე, რომ შურისმაძიებლურ მიმოხილვას მიიღებენ. თქვენ საშუალება გაქვთ, მოითხოვოთ იმ მიმოხილვების წაშლა, რომლებიც, თქვენი აზრით, მიმოხილვის წესების დარღვევით დაიწერა, მაგალითად, ასეთია შურისმაძიებლური მიმოხილვები.

შურისმაძიებლური მიმოხილვები გულისხმობს მიკერძოებულ გამოხმაურებას, რომელსაც ზოგიერთი სტუმარი ტოვებს მას შემდეგ, რაც შეგვატყობინებთ წესების სერიოზულ დარღვევას, როგორიც არის, მაგალითად:

• მატერიალური ზიანი;
• საცხოვრებელში ჯავშნით გათვალისწინებულზე მეტი ხნით დარჩენა;
• სახლის სტანდარტული წესების დარღვევა;
• საცხოვრებელში უნებართვო წვეულების ან ღონისძიების გამართვა.

ვთქვათ, სტუმარმა საცხოვრებელში მოწია, რაც სახლის წესებით აკრძალული გაქვთ. სტუმარს ატყობინებთ, რომ მისაღებ ოთახში სიგარეტის ნამწვები იპოვეთ, შემდეგ კი მას საგულდაგულო დასუფთავების ხარჯების ანაზღაურებას სთხოვთ. სტუმარი უარს ამბობს თანხის გადახდაზე და ბრაზიან მიმოხილვას გიტოვებთ. თქვენ საშუალება გექნებათ, გაასაჩივროთ აღნიშნული მიმოხილვა, ჩვენ კი დავადგენთ, შესაძლებელია თუ არა მისი წაშლა.

ვრცლად მიმოხილვის წაშლის მოთხოვნის შესახებ

მიმოხილვის წაშლის მოთხოვნის შესაძლებლობა არ ნიშნავს, რომ ის გარანტირებულად წაიშლება. თქვენ დაგჭირდებათ იმის დემონსტრირება, თუ რა კუთხით ირღვევა მიმოხილვის წესები. ამ მხრივ, საშუალება გექნებათ, მოგვაწოდოთ დეტალური ინფორმაცია და შესაბამისი დოკუმენტაცია (მაგალითად, ფოტოები ან სტუმრებთან მიმოწერის ფრაგმენტები).

მოწოდებული დოკუმენტაციიდან მკაფიოდ უნდა ირკვეოდეს წესების დარღვევის ფაქტი. გასაგები უნდა იყოს ისიც, რომ შურისმაძიებლური მიმოხილვის სავარაუდო მიზეზი გახდა წესების დარღვევის Airbnb‑სთვის ან/და სტუმრისთვის შეტყობინება.

გირჩევთ, სტუმრებთან ნებისმიერი კომუნიკაცია „შეტყობინებების“ ჩანართიდან აწარმოოთ, რომ Airbnb‑ს მხარდაჭერის გუნდს გაუმარტივდეს მტკიცებულებების პოვნა.

მასპინძლების თქმით, ისინი უფრო თავდაჯერებულად მასპინძლობენ შურისმაძიებლურ მიმოხილვებთან დაკავშირებული წესების შემოღების შემდეგ. მაგალითად, ერთ‑ერთი მასპინძელი, ლიენი, იხსენებს, რომ მის მიერ განთავსებულ საცხოვრებელთან დაკავშირებით მიღებული შურისმაძიებლური მიმოხილვა სწრაფად შემოწმდა და წაიშალა, რამაც მას Airbnb‑ს მხრიდან მხარდაჭერა აგრძნობინა.

სტატიაში მოცემული ინფორმაცია, შესაძლოა, შეცვლილიყო მისი გამოქვეყნების შემდეგ.