საცხოვრებლის (და სტუმრების) მომზადება ძლიერი ხანძრებისთვის

მასპინძლებისა და სტუმრების უსაფრთხოებას მთელი სერიოზულობით ვეკიდებით. სწორედ ამიტომ, ჩვენი ნდობისა და უსაფრთხოების საკითხებზე საკონსულტაციო კოალიცია თანამშრომლობს სახანძრო სამსახურების ხელმძღვანელთა საერთაშორისო ასოციაციასთან (IAFC). ამჯერად კი გვსურს, გაგიზიაროთ ინფორმაცია მისი პროგრამიდან „Ready, Set, Go!“.

მართალია, პროგრამა აშშ‑ისთვის შემუშავდა, თუმცა რეკომენდაციები გამოდგება მსოფლიოს მრავალი რეგიონისთვის, რომლებისთვისაც ძლიერი ხანძრები უცხო არ არის. წინამდებარე სტატიაში შემოგთავაზებთ IAFC‑ის რამდენიმე რჩევას რისკების შემცირებასა და ძლიერი ხანძრების დროს თავდაცვის შესახებ სტუმრების ინფორმირებასთან დაკავშირებით.

სათანადოდ მომზადება მეტად დაგიცავთ როგორც თქვენ, ისე სტუმრებსა და საცხოვრებელს. IAFC გირჩევთ:

• სახლიდან, ავტოფარეხიდან და საცხოვრებლის ტერიტორიაზე არსებული სხვა ნაგებობებიდან 9 მეტრის რადიუსში მოაშოროთ ჭარბი მცენარეულობა, რომ ერთგვარი დამცავი სივრცე შექმნათ.
• ფუნდამენტის გაყოლებაზე დააგოთ 1,5 მეტრი სიგანის მყარი ზედაპირი (მაგალითად, ბეტონით, ქვით ან საკირწყლავი ფილებით).
• სახლთან ახლოს რაიმეს დათესვისას უპირატესობა მიანიჭოთ ცეცხლგამძლე, დაბალ, ბალახოვან მცენარეულობას.
• მოჭრათ დაბალი ტოტები, რომ ბალახს, ბუჩქებსა და უფრო მაღალ ხეებს შორის მანძილი მინიმუმ 2 მეტრი იყოს.

მუდამ ინფორმირებული რომ იყოთ, გამოიწერეთ საგანგებო გაფრთხილებები იმ ტერიტორიის შესახებ, სადაც საცხოვრებელი მდებარეობს. ეს მომსახურება, როგორც წესი, შემოთავაზებულია სახელმწიფო ორგანოების მიერ ადგილობრივ, რეგიონულ და ქვეყნის დონეზე. დეტალური ინფორმაციისთვის გაეცანით ოფიციალურ ვებსაიტებს.

სტუმრები იმ რეგიონებიდან, რომლებსაც ძლიერი ხანძრები არ შეხებია, შესაძლოა, სათანადოდ ვერ აცნობიერებდნენ საფრთხეს. IAFC გირჩევთ, მოამზადოთ ისინი. კერძოდ:

• დაამატეთ სახლის წესებს ინფორმაცია იმის შესახებ, რომ თქვენს რეგიონში არსებობს სეზონური ძლიერი ხანძრების ალბათობა და ცეცხლის დანთება ყოველთვის დაშვებული არ არის.
• დატოვეთ გადაუდებელი დახმარების ადგილობრივი სამსახურების საკონტაქტო ნომრები შესამჩნევ ადგილას საცხოვრებელში, მაგალითად, მაცივარზე ან ჟურნალების მაგიდაზე.
• მიაწოდეთ სტუმრებს ადგილობრივი რუკა, რომელზეც მკაფიოდ არის აღნიშნული საცხოვრებლის მისამართი, ახლომდებარე გზების სახელწოდებები, რამდენიმე საევაკუაციო მარშრუტი და პოტენციურად უსაფრთხო ადგილები. დაურთეთ უბნის სახელწოდებაც.
• ურჩიეთ სტუმრებს, გამოიწერონ საგანგებო გაფრთხილებები ადგილობრივი ხანძრების შესახებ იმ შემთხვევაშიც კი, თუ საცხოვრებელთან სიმშვიდეა.
• შეატყობინეთ სტუმრებს, რომ მათ არ სჭირდებათ ევაკუაციის შესახებ ბრძანების ლოდინი, რადგან უცნობ ადგილებში ორიენტირებისთვის მათ დამატებითი დრო სჭირდებათ.

ძლიერი ხანძრებისთვის მზადყოფნის შესახებ დამატებითი ინფორმაციისთვის მიმართეთ ადგილობრივ სახანძრო სამსახურს. ამას გარდა, თუ აშშ‑ში იმყოფებით, გაეცანით პროგრამას „Ready, Set, Go!“ — ის დაგეხმარებათ, უფრო ვრცლად შეიტყოთ ძლიერი ხანძრების შესახებ და სამოქმედო გეგმა შეიმუშაოთ.

ჯავშნის გაუქმების შემთხვევაში სტუმრისთვის დასაბრუნებელი თანხის ოდენობა, როგორც წესი, განისაზღვრება გაუქმების თქვენ მიერ დადგენილი წესების მიხედვით, თუ სტუმართან სხვაგვარად არ შეთანხმდებით. თუ მასშტაბური ადგილობრივი ინციდენტის გამო, სტუმრობის დასრულება ვერ მოხერხდება ან უკანონო აღმოჩნდება, შესაძლოა, ამოქმედდეს Airbnb‑ს „მნიშვნელოვნად შემაფერხებელი გარემოებების დებულება“.

„მნიშვნელოვნად შემაფერხებელი გარემოებების დებულების“ მოქმედების შემთხვევაში, ჯავშნის გაუქმებას შეძლებთ გადასახადისა თუ სხვა სახის სანქციების გარეშე, ხოლო შესაბამისი თარიღები დაბლოკილი დარჩება განცხადების კალენდარში. აღნიშნულ შემთხვევაში სტუმრებიც შეძლებენ ჯავშნების გაუქმებასა და თანხის სრულად დაბრუნებას. თუ თქვენ ან სტუმრები გააუქმებთ ჯავშანს, რომელსაც დებულება ითვალისწინებს, ანაზღაურება არ გერგებათ.