სტუმრობის მსურველთა დაინტერესება სწრაფი, საიმედო Wi‑Fi კავშირის მეშვეობით

სწრაფი ინტერნეტი ბევრ სტუმარს სჭირდება. ის განსაკუთრებით მნიშვნელოვანია მათთვის, ვინც სტრიმინგით უყურებს ვიდეოკონტენტს ან დისტანციურად მუშაობს. ცნობისთვის, სტუმრობის მსურველები Wi‑Fi კავშირს იმაზე უფრო ხშირად ეძებენ, ვიდრე ნებისმიერ სხვა საყოფაცხოვრებო პირობას Airbnb‑ზე.*

განცხადებაში სწრაფი Wi‑Fi კავშირის შესახებ ინფორმაციის მითითება ხელს შეუწყობს მის მოხვედრას ძიების შედეგებში. Wi‑Fi კავშირის სიჩქარის შემოწმება შესაძლებელია საგანგებო ხელსაწყოს მეშვეობით.

Wi‑Fi კავშირის სიჩქარე რომ შეამოწმოთ, სტუმრებისთვის შეთავაზებულ საცხოვრებელში უნდა იმყოფებოდეთ. დაუკავშირდით Wi‑Fi ქსელს და შედით თქვენს ანგარიშში Airbnb‑ს აპიდან iOS‑ ან Android‑მოწყობილობაზე.

გადადით „განცხადებების“ ჩანართზე, შემდეგ კი აირჩიეთ შესაბამისი განცხადება. შეხებით აირჩიეთ „საყოფაცხოვრებო პირობები“, შემდეგ კი:

• შეხებით აირჩიეთ პლუსი (+), Wi‑Fi კავშირი საყოფაცხოვრებო პირობების სიას რომ დაამატოთ, ან შეხებით აირჩიეთ ჩასწორება, თუ Wi‑Fi კავშირი უკვე მითითებული გაქვთ.
• შეხებით აირჩიეთ შემოწმების დაწყება (შესაძლოა, დაგჭირდეთ ქსელზე წვდომის ნებართვის გაცემა).
• შედეგის მიღების შემდეგ შეხებით აირჩიეთ განცხადებაში დამატება, Wi‑Fi კავშირის შესახებ ინფორმაცია თქვენს განცხადებაში რომ ასახოთ.

როცა განცხადებაში Wi‑Fi კავშირის სიჩქარეს მიუთითებთ, სტუმრობის მსურველები დაინახავენ, რომ საცხოვრებელში არის ეს საყოფაცხოვრებო პირობა. თუ მისი სიჩქარე იქნება 50 მბიტი/წმ ან მეტი, განცხადების ზედა ნაწილს, ასევე, დაერთვება აღნიშვნა „სწრაფი Wi‑Fi“.

Wi‑Fi კავშირის სიჩქარის საზომი ერთეულია მეგაბიტი წამში. ქვემოთ გთავაზობთ შემოწმების სხვადასხვა შედეგის განმარტებას.

• 50 მბიტი/წმ ან მეტი: სწრაფი Wi‑Fi. სტუმრები შეძლებენ 4K‑ხარისხის ვიდეოების ჩატვირთვასა და ვიდეოზარებში ჩართვას ერთდროულად რამდენიმე მოწყობილობიდან.
• 25‑49 მბიტი/წმ: საკმაოდ სწრაფი Wi‑Fi. სტუმრები შეძლებენ 4K‑ხარისხის ვიდეოების ჩატვირთვასა და ვიდეოზარებში ჩართვას.
• 7‑24 მბიტი/წმ: სტაბილური Wi‑Fi. სტუმრები შეძლებენ HD‑ხარისხის ვიდეოების ჩატვირთვას.
• 1‑6 მბიტი/წმ: ჩვეულებრივი Wi‑Fi. სტუმრები შეძლებენ შეტყობინებების შემოწმებასა და ვებსაიტების დათვალიერებას.
• შედეგის გარეშე: Wi‑Fi კავშირი არ გაქვთ, ან ქსელთან დაკავშირება ვერ ხერხდება. სცადეთ, გადატვირთოთ როუტერი, ან საცხოვრებელში სხვა ადგილას გადაინაცვლოთ.

ვრცლად ინტერნეტის სიჩქარის შემოწმების შესახებ

* ეფუძნება 2024 წლის 1 იანვრიდან 31 დეკემბრამდე მსოფლიო მასშტაბით სტუმრების მიერ ყველაზე ხშირად მოძიებული საყოფაცხოვრებო პირობების შესახებ Airbnb‑ს მიერ შეგროვებულ შიდა მონაცემებს.

სტატიაში მოცემული ინფორმაცია, შესაძლოა, შეცვლილიყო მისი გამოქვეყნების შემდეგ.