ჯავშნების თვიურად გაფორმების კუთხით შემოღებული სიახლეების სარგებელი მასპინძლებისთვის

მსოფლიოს სხვადასხვა კუთხიდან სტუმრობის მრავალი მსურველი Airbnb‑ს მეშვეობით გრძელვადიან ჯავშნებს აფორმებს. კერძოდ, 5‑დან თითქმის 1 ღამე 28 ან მეტი ღამის ხანგრძლივობის სტუმრობის ფარგლებში იჯავშნება.* ჩვენ მიერ დანერგილი უახლესი ფუნქციები უმარტივებს სტუმრობის მსურველებს თვიურად ხელმისაწვდომი საცხოვრებლების პოვნასა და დაჯავშნას.

Airbnb‑ს 2023 წლის ზაფხულის განახლების ფარგლებში შემოთავაზებულ სიახლეებს შორისაა:

• უფრო ეფექტური ძიება თვიურად: ჩანართიდან „თვიურად“ უფრო მარტივადაა შესაძლებელი გრძელი ვადით ხელმისაწვდომი საცხოვრებლების პოვნა. სტუმრობის მსურველებს შეუძლიათ საწყისი თარიღის ჩასწორება, შემდეგ კი სტუმრობის ხანგრძლივობის (1‑დან 12 თვემდე) არჩევა ციფერბლატის მეშვეობით.
• საცხოვრებლების გამორჩეული მახასიათებლების გამოყოფა ძიებისას: საგულისხმო საყოფაცხოვრებო პირობები, მაგალითად, სწრაფი Wi‑Fi, სამუშაო სივრცე, ელექტრომობილის დამტენი და ბავშვებისთვის განკუთვნილი ნივთები (ჩვილის საწოლები, სკამ‑მაგიდები, სათამაშოები და ა.შ.) ძიების შედეგებში გამოყოფილი იქნება განცხადების სათაურის ქვემოთ.
• მომსახურების შემცირებული გადასახადები: მათთვის, ვინც გრძელვადიან ჯავშნებს აფორმებს, ჩვენი მომსახურების გადასახადი შემცირდება სტუმრობის მეოთხე თვიდან.
• ყოველთვიური გადახდის გრაფიკი: გრძელვადიანი ჯავშნის გაფორმებისას სტუმარი იხდის პირველი 30 ღამის ღირებულებას, დარჩენილ თანხას კი — ნაწილ‑ნაწილ, ყოველთვიურად. ანგარიშსწორებისას სტუმრებისთვის მომზადდება გრაფიკი, რომელშიც მითითებული იქნება, როდის და რამდენის გადახდა მოუწევთ. ამგვარად, ისინი სათანადოდ იქნებიან ინფორმირებული სტუმრობასთან დაკავშირებული ხარჯების თაობაზე.
• ფასდაკლებები ბანკის მეშვეობით გადახდისას: აშშ‑ის რეზიდენტები ისარგებლებენ ფასდაკლებით, თუ საერთაშორისო მასშტაბით 28 ან მეტი ღამის ხანგრძლივობის ჯავშანს გააფორმებენ, ხოლო მის ღირებულებას აშშ‑ში მდებარე ბანკის წინასწარ მიბმული ანგარიშით გადაიხდიან. ამასთან, ჯავშანი უნდა გაფორმდეს დაბინავების დაგეგმილ თარიღამდე მინიმუმ შვიდი დღით ადრე.

ახალი ფუნქციები არ აისახება მასპინძელთა შემოსავალზე — ისინი არც გრძელვადიანი ჯავშნებისთვის კუთვნილი ანაზღაურების მიღების განრიგს შეცვლის.

სტუმრობის მსურველები ჯავშნების გაფორმებით რომ დააინტერესოთ, შეგიძლიათ ფასდაკლების დაწესება ერთ თვეზე, ასევე, საცხოვრებელში არსებული საყოფაცხოვრებო პირობების შესახებ უახლესი ინფორმაციის მითითება განცხადებაში. გრძელი ვადით სტუმრობის მსურველებს შორის მოთხოვნადი საყოფაცხოვრებო პირობები ავტომატურად გამოიყოფა განცხადებათა გვერდების ზედა ნაწილში.

მაგალითად, სტუმრობის მსურველს, რომელიც სამი თვით ეძებს საცხოვრებელს სან‑ფრანცისკოს ყურის ტერიტორიაზე, შესაძლოა, შეხვდეს განცხადება, რომელშიც საგანგებოდ იქნება გამოყოფილი შემდეგი ინფორმაცია:

• თვიურად გადახდა. თანხას ნაწილ‑ნაწილ, ყოველთვიურად დაფარავთ.
• იდეალური ვარიანტი დისტანციური მუშაობისთვის. სწრაფი Wi‑Fi კავშირი (350 მბიტი/წმ), პლუს სამუშაო სივრცე.
• ყველაფერი აუცილებელი ყოველდღიურობისთვის. საცხოვრებელი მომზადებულია გრძელვადიანი სტუმრობისთვის — აქვს სამზარეულო, სარეცხი მანქანა, საშრობი და უფასო საპარკინგე ადგილი.

თუ ახალბედა მასპინძელი ხართ და გრძელვადიან სტუმრობებთან დაკავშირებით ინდივიდუალური დახმარება გჭირდებათ, დააწკაპუნეთ აქ — ჩვენ მოგამაგრებთ ბრენდის ელჩ სუპერმასპინძელს.

*Airbnb‑ს მიერ საერთაშორისო მასშტაბით შეგროვებული შიდა მონაცემების მიხედვით, მინიმუმ 28 ღამის ხანგრძლივობის ჯავშნებზე მოდიოდა 2022 წელს დაჯავშნილი ღამეების 21%, ხოლო 2023 წლის პირველ სამ თვეში — 18%.

სტატიაში მოცემული ინფორმაცია, შესაძლოა, შეცვლილიყო მისი გამოქვეყნების შემდეგ.