თანამასპინძელთა ახალი ნებართვები და მარტივი ანაზღაურება

რედაქტორის შენიშვნა: სტატია გამოქვეყნდა Airbnb‑ს 2023 წლის ზაფხულის განახლების ფარგლებში. ინფორმაცია, შესაძლოა, შეცვლილიყო მისი გამოქვეყნების შემდეგ. შეიტყვეთ ვრცლად ჩვენი პროდუქტის უახლესი ვერსიის შესახებ.

თანამასპინძლის ყოლას მასპინძლობის პროცესის საგრძნობლად შემსუბუქება შეუძლია. ამ როლის შეთავაზება შეგიძლიათ მეზობლისთვის, ოჯახის წევრისთვის, მეზობლისთვის ან დაქირავებული სპეციალისტისთვის. თანამასპინძლებს შეუძლიათ თქვენი დახმარება კალენდრის მართვის, განცხადების ჩასწორების ან სტუმრებთან მიმოწერის კუთხით.

მასპინძლებისგან შევიტყვეთ, რომ გსურდათ, პირდაპირ Airbnb‑დან შეგძლებოდათ თანამასპინძლების ნებართვებისა და მათი კუთვნილი ანაზღაურების განსაზღვრა. სწორედ ამიტომ, ამ კუთხით რამდენიმე სიახლე მოგიმზადეთ.

„თანამასპინძლების“ ახალი ჩანართი მობილურ მოწყობილობებზე მოცემული იქნება განცხადებისა და დაჯავშნის პარამეტრების ჩანართების მარჯვენა ნაწილში. დესკტოპ‑კომპიუტერებზე მისი მდებარეობა არ შეცვლილა.

აღნიშნული ჩანართიდან საშუალება გექნებათ, გაეცნოთ ინფორმაციას თქვენი თანამასპინძლების შესახებ, დაუწესოთ მათ ნებართვები და განსაზღვროთ მათი ანაზღაურება. ამას გარდა, ახალი თანამასპინძლების მოწვევასაც შეძლებთ. მოწვევაზე თანხმობის განსაცხადებლად მათ Airbnb‑ზე ანგარიში დასჭირდებათ.

თანამასპინძლის მოწვევისას დაგჭირდებათ, მიუთითოთ, რომელ ფუნქციებზე წვდომა ექნება მას. ამ კუთხით სამი არჩევანი გექნებათ:

• სრული წვდომა — თანამასპინძელი შეძლებს კალენდრისა და განცხადების მართვას, სხვა თანამასპინძლების ნებართვების განსაზღვრას/გაუქმებას, სტუმრებთან მიმოწერასა და ანაზღაურების/ტრანსაქციების ისტორიის გაცნობას
• კალენდარსა და შემომავალ შეტყობინებებზე წვდომა — თანამასპინძელი შეძლებს კალენდრის მართვასა და სტუმრებთან მიმოწერას
• კალენდარზე წვდომა — თანამასპინძელი შეძლებს კალენდრისა და სტუმრობათა დაწყების/დასრულების შესახებ ინფორმაციის გაცნობას

თქვენი ყველა თანამასპინძელი მითითებული იქნება „თანამასპინძლების“ სექციაში განცხადების გვერდზე. აღნიშნული არ ვრცელდება თანამასპინძლებზე, რომლებსაც მხოლოდ კალენდარზე აქვთ წვდომა. თანამასპინძლებს, რომლებსაც სრული წვდომა აქვთ, შეუძლიათ თავიანთი თავის დანიშვნა ძირითად მასპინძლად, ან ეს სტატუსი თავად შეგიძლიათ მიანიჭოთ მას.

ყველა არსებულ თანამასპინძელს სრული წვდომა ექნება თქვენს განცხადებაზე, მათი ნებართვების შეცვლას კი ნებისმიერ დროს შეძლებთ.

თანამასპინძელთან შეგიძლიათ თითოეული ჯავშნიდან მიღებული შემოსავლიდან პროცენტული წილის ან ფიქსირებული თანხის გაყოფა. როგორც კი ანაზღაურების პარამეტრებს დააყენებთ, ხოლო თანამასპინძელი მათ დაეთანხმება, ის დაიწყებს შესაბამისი თანხის მიღებას ყოველი ახალი სტუმრის დაბინავების შემდეგ. ზოგიერთ რეგიონში თანამასპინძლებთან ანაზღაურების გაყოფაზე გარკვეული შეზღუდვები მოქმედებს. ვრცლად.

თანამასპინძლობასთან დაკავშირებული ახალი ფუნქციები შემოთავაზებულია Airbnb‑ს 2023 წლის ზაფხულის განახლების ფარგლებში, რომელიც მასპინძელთათვის 25 სიახლეს მოიცავს. მოითხოვეთ ადრეული წვდომა, რომ დღესვე დაიწყოთ ახალი ხელსაწყოებით სარგებლობა.