მოწინავე საცხოვრებლების განსაკუთრებული აღნიშვნის შესახებ

ჯავშნის გაფორმებით სტუმრები ნდობას უცხადებენ მასპინძლებს, ამიტომ მნიშვნელოვანია, რომ მათ წინასწარ იცოდნენ, ზუსტად რა არის მოსალოდნელი.

განსაკუთრებული აღნიშვნა მოწინავე განცხადებებს გამოარჩევს, რაც უმარტივებს სტუმრობის მსურველებს მათი საჭიროებების შესაბამისი საცხოვრებლის შერჩევას.

განსაკუთრებული აღნიშვნა ასახავს, როგორ შეედრება ესა თუ ის საცხოვრებელი დანარჩენებს შეფასებების, მიმოხილვებისა და საიმედოობის თვალსაზრისით. აღნიშვნის მიღება შესაძლებელი რომ გახდეს, საცხოვრებელი მინიმუმ 5‑ჯერ უნდა იყოს მიმოხილული ბოლო 2 წლის განმავლობაში.

კრიტერიუმების შესაბამისი განცხადებების მოწინავე 10%‑ს ენიჭება:

• ოქროს ტროფეი;
• „სტუმართა რჩეულის“ ოქროსფერი ნიშანი;
• წარწერა, რომელიც მიუთითებს, საცხოვრებელი პირველ 1, 5 თუ 10 პროცენტში შედის.

განსაკუთრებული აღნიშვნა მოცემული იქნება როგორც ძიების შედეგებში, ისე განცხადების გვერდზე და მიმოხილვების ზემოთ.

თუ საცხოვრებელი კრიტერიუმების შესაბამისი ვარიანტების ბოლო 10%‑ში აღმოჩნდება, სტუმრობის მსურველებს ამის შესახებაც ვამცნობთ. ბოლო 10%‑ში მოხვედრის აღნიშვნა მოცემული იქნება მიმოხილვების ზემოთ.

განსაკუთრებული აღნიშვნა რეგულარულად ახლდება ისეთი ფაქტორების გათვალისწინებით, როგორებიცაა:

• ვარსკვლავებით დაფიქსირებული საერთო შეფასება, გამოხმაურება სტუმრების მიერ დატოვებულ მიმოხილვებში, ასევე, სტუმრებსა და მასპინძლებს შორის კომუნიკაცია პლატფორმის ფარგლებში;
• ქვეკატეგორიების შეფასებები დაბინავების, სისუფთავის, სიზუსტის, კომუნიკაციის, მდებარეობისა და ფასის ხარისხთან შესაბამისობის კუთხით;
• მასპინძლის მხრიდან გაუქმების სიხშირე
• Airbnb-ს მხარდაჭერის გუნდისთვის ხარისხთან დაკავშირებით შეტყობინებული პრობლემები.

ჩვენ გაცნობებთ, როცა სტუმარი შეაფასებს და მიმოიხილავს თქვენ მიერ განთავსებულ საცხოვრებელს, ანდა შეგვატყობინებს ხარისხთან დაკავშირებული პრობლემის შესახებ. საჭიროების შემთხვევაში, საშუალება გექნებათ, შეგვატყობინოთ იმ მიმოხილვის შესახებ, რომელიც, თქვენი აზრით, ეწინააღმდეგება მიმოხილვის წესებს.

განსაკუთრებული აღნიშვნა არ არის ერთადერთი საშუალება, რომლის მიხედვითაც შესაძლებელია საცხოვრებლის შესანიშნავი ვარიანტის პოვნა. „სტუმართა რჩეულებისა“ და სუპერმასპინძლობის პროგრამები სწორედ გამორჩეული საცხოვრებლებისა და მასპინძლების აღიარებისთვისაა შექმნილი.

• „სტუმართა რჩეულები“ აერთიანებს სტუმრების ყველაზე საყვარელ საცხოვრებლებს Airbnb‑ზე. ისინი ვლინდება ნახევარ მილიარდზე მეტი სტუმრობის შემდეგ დაფიქსირებული შეფასებებისა და მიმოხილვების, ასევე, საიმედოობის კუთხით არსებული მონაცემების საფუძველზე.
• სუპერმასპინძლები განსაკუთრებული სტუმარ‑მასპინძლობის ისტორიით ხასიათდებიან. მათ განცხადებებსა და პროფილებზე მოცემულია სუპერმასპინძლის ნიშანი.

სტატიაში მოცემული ინფორმაცია, შესაძლოა, შეცვლილიყო მისი გამოქვეყნების შემდეგ.