სტუმრებისგან მიღებული მიმოხილვების გათვალისწინება

დადებითი შეფასებები და მიმოხილვები, შესაძლოა, მეტი ჯავშნისა და შემოსავლის მიღებაში დაგეხმაროთ. ამ სტატიიდან შეიტყობთ, როგორ გააუმჯობესოთ გაწეული მასპინძლობის ხარისხი მიმოხილვების მეშვეობით.

აგრძნობინეთ სტუმრებს, რომ ცვლილებებისთვის მზად ხართ — სთხოვეთ მათ, გამოგეხმაურონ.

• გაგზავნეთ დაგეგმილი შეტყობინება სტუმრობის დასრულებისას — სთხოვეთ სტუმრებს, დაგიტოვონ პირადი გამოხმაურება, მათ შორის, აღნიშნონ, კონკრეტულად რას შეეძლო გაეუმჯობესებინა სტუმრობა.

• მიმოიხილეთ სტუმრები — ამით მათაც შეახსენებთ, რომ საჯარო მიმოხილვა დაგიტოვონ. ერთმანეთის მიმოხილვისთვის სტუმრობის დასრულებიდან 14 დღე გაქვთ.

შეიმუშავეთ მარტივი პროცედურა იმის განსასაზღვრად, თუ რომელი შემოთავაზებების გათვალისწინება ღირს.

• გაეცანით თითოეულ მიმოხილვას: გადაუხადეთ სტუმრებს მადლობა თავიანთი მოსაზრებებისთვის, შემდეგ კი დაფიქრდით, მიღებული ინფორმაციიდან რა გამოგადგებათ პირადად თქვენ, ასევე, საცხოვრებელსა და მომავალ სტუმრებს.
• დააკვირდით ვარსკვლავებით დაფიქსირებულ შეფასებებს: სტუმრებს საშუალება აქვთ, კონკრეტული კატეგორიების მიხედვით დაგიტოვონ შეფასება, ასევე, აღნიშნონ, განსაკუთრებით რა მოეწონათ და რის გაუმჯობესებას ისურვებდნენ. შეეცადეთ, დაადგინოთ გარკვეული კანონზომიერება — მაგალითად, გამუდმებით ხომ არ ირჩევენ სტუმრები „ზედმეტ ნივთებს“ სისუფთავის შეფასებისას, ან „ბუნდოვან ინსტრუქციაზე“ ხომ არ ჩივიან დაბინავების კუთხით.

სტუმრებისთვის გარკვეული საკითხების უკეთესობისკენ შეცვლა ყოველთვის შესაძლებელია.

• გამოეხმაურეთ მიმოხილვებს: როცა სტუმარი რაღაცას შემოგთავაზებთ, უპასუხეთ მას — გადაუხადეთ მადლობა და მიიღეთ ნათქვამი მხედველობაში. ეს იქნება იმის ერთგვარი დემონსტრირება, რომ მიღებულ გამოხმაურებას სერიოზულად ეკიდებით. სტუმრის მიერ დატოვებულ მიმოხილვაზე საჯაროდ გამოხმაურების შემთხვევაში თქვენი პასუხი პირდაპირ მის ქვემოთ აისახება.
• კონცენტრირდით პრობლემების გადაჭრის გზებზე: თუ რაიმე სირთულე წარმოიქმნება, დაადგინეთ მისი პირველმიზეზი და დაფიქრდით, როგორ აიცილოთ ის მომავალში. მაგალითად, ბნელი ოთახს განათება შესაძლებელია სანათების, მცენარეებისა და სარკეების მეშვეობით.
• გაუზიარეთ გამოხმაურება მათ, ვინც გეხმარებათ: ზოგჯერ, შესაძლოა, საჭირო გახდეს დამატებითი მითითებების მიცემა თანამასპინძლებისა და დამლაგებლებისთვის. მაგალითად, თუ სტუმრები მუდამ პოულობენ ნამცეცებს დივანში, შეატყობინეთ ამის შესახებ ყველას, ვინც დასუფთავებაში გეხმარებათ.
• ჩაასწორეთ განცხადება: მიმოხილვები, როგორც წესი, ასახავს იმას, თუ რამდენად ამართლებს საცხოვრებელი სტუმრების მოლოდინს. დარწმუნდით, რომ საყოფაცხოვრებო პირობების ჩამონათვალი, ფოტოები და საცხოვრებლის აღწერილობა შეესაბამება ამჟამინდელ სიტუაციას.

სტატიაში მოცემული ინფორმაცია, შესაძლოა, შეცვლილიყო მისი გამოქვეყნების შემდეგ.