ძირითადი წესები სტუმრებისთვის

რედაქტორის შენიშვნა: სტატია გამოქვეყნდა Airbnb‑ს 2022 წლის ზამთრის განახლების ფარგლებში. ინფორმაცია, შესაძლოა, შეცვლილიყო მისი გამოქვეყნების შემდეგ. შეიტყვეთ ვრცლად ჩვენი პროდუქტის უახლესი ვერსიის შესახებ.

2022 წელს Airbnb‑ზე გაფორმებული 10‑დან 8 ჯავშანი სტუმრებმა ხუთი ვარსკვლავით შეაფასეს. თქვენ ნამდვილად იცით, როგორ იზრუნოთ სტუმრებზე! ახლა კი გვსურს, რომ თქვენზე ზრუნვაც იგრძნოთ.

სტუმრები საცხოვრებლებს მეტად რომ გაუფრთხილდნენ, ჩვენ შევიმუშავეთ ძირითადი წესები — იმ სტანდარტების ნაკრები, რომლებიც ყველა სტუმარმა უნდა დაიცვას. აღნიშნულ წესებს, რომლებიც მარტივად და მკაფიოდაა ფორმულირებული, ჯავშნის გაფორმების თითოეული მსურველი გაეცნობა.

სახლის წესები სტუმრობის მსურველთათვის სათანადო მოლოდინის შექმნის შესანიშნავი საშუალებაა. თუ პრობლემის მოგვარება შეუძლებელია უშუალოდ სტუმართან ურთიერთობის გზით, მასპინძლის მიერ დაწესებული სახლის ნებისმიერი სტანდარტული წესის დაცვა სავალდებულოა.

მასპინძლებს სახლის სტანდარტული წესების არჩევა შეუძლიათ შემდეგი ჩამონათვალიდან:

• შინაური ცხოველები
• ღონისძიებები
• მოწევა, ვეიპინგი და ელექტროსიგარეტები
• სიმშვიდის საათები
• შესვლისა და გასვლის საათები
• სტუმრების მაქსიმალური რაოდენობა
• კომერციული ფოტო‑ და ვიდეოგადაღება

სპეციალური ინსტრუქციები, რომლებიც არ არის მოხსენიებული სახლის სტანდარტულ წესებში, მასპინძელს შეუძლია მიუთითოს დამატებითი წესების სახით განცხადების პარამეტრებში.

სახლის წესები თვალსაჩინოდაა წარმოდგენილი ოთხ ადგილას: თქვენი განცხადების გვერდზე, საცხოვრებლის დაჯავშნის დადასტურების ეკრანზე, ასევე, ჯავშნის დამადასტურებელ ელწერილსა და დაბინავების გზამკვლევში, რომელიც სტუმრობამდეა ხელმისაწვდომი.

ძირითადი წესების მიხედვით, სტუმრები ისე უნდა მოექცნენ თქვენს სახლს, როგორც საკუთარს. მათ არ უნდა დატოვონ საცხოვრებელი ისეთ მდგომარეობაში, რომ საჭირო გახდეს საგულდაგულო დასუფთავება — მაგალითად, შინაური ცხოველების მიერ ხალიჩების დაბინძურების შემთხვევაში.

თუ სტუმარი ჩვეულებრივ ცვეთაზე მეტ ზიანს მიაყენებს ნივთს, ის უნდა დაუკავშირდეს მასპინძელს და გონივრული გამოსავალი ერთად მოძებნონ. ასევე, სტუმარი, რომელიც პასუხისმგებელია ნივთის დაზიანებასა და დაკარგვაზე ან დასუფთავების გაუთვალისწინებელ ხარჯზე, ვალდებულია, გადაიხადოს ანაზღაურების დასაბუთებული მოთხოვნის შესაბამისად.

წინააღმდეგ შემთხვევაში, მასპინძელს შეუძლია, განაცხადი შეიტანოს პროგრამაზე „AirCover მასპინძლებისთვის“, რომელიც მასპინძელთა ზარალისგან დაცვას ითვალისწინებს.

თუ სტუმრები ძირითად წესებს დაარღვევენ, ამის შესახებ შეტყობინება შეგიძლიათ მიმოხილვის დროს სისუფთავის ან სახლის წესების დაცვის კუთხით სტუმრებისთვის დაბალი შეფასების მიცემით ან გაერთიანების მხარდაჭერის გუნდთან დაკავშირების გზით.

თუ, მაგალითად, თქვენი სტანდარტული წესების მიხედვით, მოწევა დაუშვებელია, სტუმარი კი მაინც მოწევს საცხოვრებელში და ამის შესახებ შეგვატყობინებთ, სტუმარი პასუხს აგებს აღნიშნულ ქმედებაზე.

იმ სტუმრების ანგარიშებს, რომლებიც რეგულარულად არღვევენ სახლის სტანდარტულ წესებს, შესაძლოა, დროებით შეუჩერდეს მოქმედება, ან ისინი წაიშალოს Airbnb‑ს პლატფორმიდან, თუ პრობლემა არ მოგვარდება. თუ სტუმარი თქვენ მიერ დადგენილ დამატებით წესებს დაარღვევს, შესაბამისი ზომების მიღებაში ჩვენ დაგეხმარებით.

თუ სტუმრისთვის სახლის წესების დარღვევის შეტყობინების შემდეგ ის შურისმაძიებლურ მიმოხილვას დაგიტოვებთ, საშუალება გექნებათ, გაასაჩივროთ აღნიშნული მიმოხილვა.

მასპინძელთა ზარალისგან დაცვა არ არის სადაზღვევო პოლისი. ის ექვემდებარება ამ პირობებს, შეზღუდვებსა და გამონაკლისებს. ის არ მოქმედებს Airbnb Travel LLC‑თი მოსარგებლე მასპინძლებისთვის, ასევე, არ ეხება იაპონიაში მოღვაწე მასპინძლებს (მათზე ვრცელდება იაპონიაში მასპინძელთა დაზღვევა). მასპინძლებისთვის, რომლებიც სტუმრებს კონტინენტურ ჩინეთში სთავაზობდნენ საცხოვრებლებს, მოქმედებს ჩინეთში მასპინძლების დაცვის გეგმა. მასპინძლები, რომლებიც ცხოვრობენ ან ახორციელებენ საქმიანობას ავსტრალიის ტერიტორიაზე, ექვემდებარებიან მასპინძელთა ზარალისგან დაცვის პირობებს ავსტრალიელი მომხმარებლებისთვის. გაითვალისწინეთ, რომ დაფარვის ყველა ლიმიტი მითითებულია აშშ დოლარში.

ვაშინგტონის შტატში განთავსებული განცხადებების შემთხვევაში, მასპინძელთა ზარალისგან დაცვის პროგრამის ფარგლებში Airbnb‑ს სახელშეკრულებო ვალდებულებებს ფარავს Airbnb‑ს მიერ შეძენილი სადაზღვევო პოლისი. მასპინძელთა ზარალისგან დაცვა არ არის კავშირში საცხოვრებლის შეთავაზებისას წარმოშობილი პასუხისმგებლობის დაზღვევასთან. მასპინძელთა ზარალისგან დაცვის ფარგლებში თქვენ აგინაზღაურდებათ სტუმრების მიერ საცხოვრებლისთვის ან მასში არსებული ნივთებისთვის მიყენებული ზიანი, თუ სტუმარი უარს იტყვის ზარალის ანაზღაურებაზე.

სტატიაში მოცემული ინფორმაცია, შესაძლოა, შეცვლილიყო მისი გამოქვეყნების შემდეგ.