სახლის სასარგებლო წესების შედგენა

სახლის წესები სტუმრობის მსურველებს გარკვეულ წარმოდგენას უქმნის საცხოვრებლისა და მასპინძლობის თქვენეული სტილის შესახებ. ზოგიერთ შემთხვევაში, სტუმრობის მსურველები სწორედ წესების საფუძველზე წყვეტენ, შესაფერისია თუ არა მათთვის ესა თუ ის საცხოვრებელი.

მასპინძლებს სტანდარტული წესების არჩევა შეუძლიათ შემდეგი განყოფილებებიდან:

• შინაური ცხოველები
• ღონისძიებები
• მოწევა, ვეიპინგი და ელექტროსიგარეტები
• სიმშვიდის საათები
• შესვლისა და გასვლის საათები
• სტუმრების მაქსიმალური რაოდენობა
• კომერციული ფოტო‑ და ვიდეოგადაღება

სახლის წესები წარმოდგენილია ოთხ შესამჩნევ ადგილას: განცხადების გვერდზე, საცხოვრებლის დაჯავშნის დადასტურების ეკრანზე, ასევე, ჯავშნის დამადასტურებელ ელწერილსა და დაბინავების გზამკვლევში, რომელიც სტუმრობამდეა ხელმისაწვდომი.

ჩვენს პლატფორმაზე

სტუმრებისთვის ძირითადი წესების

შემოღების შემდეგ, მათ მეტი პასუხისმგებლობა მოეთხოვებათ სახლის სტანდარტული წესების დაცვის კუთხით. თუ სტუმარი სახლის რომელიმე წესს დაარღვევს, ჯერ შეეცადეთ, საკითხი უშუალოდ მასთან გაარკვიოთ. თუ ვერ შეთანხმდებით, მიმართეთ გაერთიანების მხარდაჭერის გუნდს.

თუ განსაკუთრებული მოთხოვნები გაქვთ, რომლებიც სახლის სტანდარტულ წესებში არ არის შეტანილი, დაურთეთ ისინი დამატებითი წესების სახით. კარგი იქნება, თუ სტუმრებს ზედმეტად ბევრი წესით არ დათრგუნავთ, თუმცა შეგიძლიათ მიაწოდოთ მათ მნიშვნელოვანი ინფორმაცია როგორც ადგილობრივი წეს‑ჩვეულებების, ისე ჯანდაცვისა და უსაფრთხოების საკითხების შესახებ. გთავაზობთ რამდენიმე მაგალითს:

• „გარეთ ტროტუარები არ გვაქვს — ტალახია, ამიტომ სტუმრებს ვთხოვთ, სახლში შესვლისას ფეხზე გაიხადონ, რადგან ხალიჩები აფენია“, — გვიზიარებს ჯულიეტი, მრჩეველ მასპინძელთა საბჭოს წევრი ნაირობიდან (კენია).
• „გთხოვთ, დახუროთ და ჩაკეტოთ ყველა ფანჯარა და კარი, სანამ საცხოვრებლიდან გახვალთ“, — აღნიშნავენ დეივი და დები, მასპინძლები ედმონტონიდან (კანადა).
• „ნუ შეინახავთ საჭმელს საძინებელში“, — ამბობს მომი, მასპინძელი ჰონოლულუდან (აშშ).

ყველა დამატებითი წესი თანხვედრაში უნდა იყოს Airbnb‑ს წესებთან და პირობებთან (მათ შორის, მომსახურების პირობებთან და ანტიდისკრიმინაციულ პოლიტიკასთან).

სტატიაში მოცემული ინფორმაცია, შესაძლოა, შეცვლილიყო მისი გამოქვეყნების შემდეგ.