გზამკვლევის შექმნა ადგილობრივი რჩევების გასაზიარებლად

მასპინძლები ხშირად ურჩევენ სტუმრებს ისეთ საინტერესო ადგილებს, როგორიცაა, მაგალითად, ადგილობრივების საყვარელი კაფეები ან რესტორნები დაუვიწყარი კერძებით. თითოეული სტუმრისთვის რჩევების ცალ‑ცალკე მომზადება დროსა და ძალისხმევას მოითხოვს. საქმე რომ გაიმარტივოთ, შეგიძლიათ ყველა რეკომენდაციას ერთად მოუყაროთ თავი ციფრულ Airbnb გზამკვლევში.

გზამკვლევი მოცემული იქნება „სტუმრობების“ ჩანართში და განცხადების გვერდზე. მის გაზიარებას მიმოწერის დროსაც შეძლებთ რეკომენდაციების გაზიარების ხელსაწყოს მეშვეობით. შეიტყვეთ, როგორ შექმნათ საინტერესო გზამკვლევი, რომელიც სტუმრებს ახლომდებარე ადგილებით დააინტერესებს და ადგილობრივი ცხოვრების უნიკალურ ხიბლს გამოაცდევინებს.

გზამკვლევის მეშვეობით შეგიძლიათ სტუმრებს განსაკუთრებული სტუმართმოყვარეობა აგრძნობინოთ და ადგილობრივი შეთავაზებები გააცნოთ. Airbnb საშუალებას გაძლევთ, შექმნათ პერსონალური გზამკვლევი, რომლითაც სტუმრები მარტივად ისარგებლებენ.

1. სასურველია, ტექსტი იყოს მოკლე. თქვენს რჩევებს ყველა მარტივად რომ გაეცნოს, მოკლედ გადმოეცით თითოეული რეკომენდაცია. მთავარია, აღწეროთ, რას სთავაზობს და რით დააინტერესებს სტუმრებს ესა თუ ის ადგილი ან აქტივობა.
2. გააზიარეთ, რაც თავად გამოგიცდიათ. საუკეთესო რეკომენდაციები პირად ცოდნასა და გამოცდილებას ეფუძნება. უმჯობესია, თუ სტუმრებს მხოლოდ იმ ადგილებს ურჩევთ, რომლებიც პირადად თქვენ სასიამოვნოდ დაგამახსოვრდათ.
3. ახსენეთ განსაკუთრებული მახასიათებლები. არ გამოგრჩეთ ისეთი გამორჩეული თუ საყურადღებო დეტალების აღნიშვნა, როგორიცაა, მაგალითად, რესტორნის ლამაზი გარე პატიო ან ადგილობრივი პროდუქტების სპეციალური სექცია მაღაზიაში.
4.დაურთეთ ფოტოები. გზამკვლევი ვიზუალურად უფრო საინტერესო რომ გამოვიდეს, შეძლებისდაგვარად, ატვირთეთ ფოტო თითოეული რეკომენდაციისთვის.
5.რეგულარულად განაახლეთ. დაამატეთ გზამკვლევს დროდადრო ახალი რჩევები და საჭიროებისამებრ განაახლეთ ძველი ინფორმაცია.

ინდივიდუალური გზამკვლევის შექმნის წესი

გზამკვლევები დაკავშირებულია მასპინძლობისთვის გამოყენებულ ანგარიშთან და არა ცალკეულ განცხადებასთან, რაც სასარგებლოა მათთვის, ვინც სტუმრებს რამდენიმე საცხოვრებელს სთავაზობს. „ახლა შემიძლია ჩემი სამივე განცხადებისთვის ერთი გზამკვლევი შევქმნა, რადგან მდებარეობა საერთოა“, — ამბობს ენი, სუპერმასპინძელი სეჯვიკში (მენი).

გზამკვლევი მოცემული იქნება თქვენი განცხადებისა და პროფილის გვერდებზე, ჯავშნის დადასტურების შემდეგ კი ის ავტომატურად გახდება ხელმისაწვდომი სტუმრობების ჩანართში.

სტუმრებისთვის გზამკვლევის გაზიარება მიმოწერის დროსაც შეგიძლიათ. ამისთვის შეხებით აირჩიეთ რეკომენდაციების გაზიარების ხატულა მასპინძლის შემომავალ შეტყობინებებში. ამ ხელსაწყოს მეშვეობით სტუმრებს ადგილობრივი Airbnb შთაბეჭდილებებიც შეგიძლიათ ურჩიოთ.

ვიცით, რომ ყველაფერს აკეთებთ დაუვიწყარი სტუმრობისთვის. იმედი გვაქვს, ციფრული გზამკვლევი სტუმრებისთვის საოცარი ადგილობრივი აქტივობების გაცნობაში დაგეხმარებათ.