მნიშვნელოვანი ანალიტიკური ინფორმაციის მიღება შემოსავლის მართვის პანელის მეშვეობით
შემოსავლის დეტალებში გარკვევა მასპინძლობის კუთხით უფრო დიდი წარმატების მიღწევაში დაგეხმარებათ. შეიტყვეთ, როგორ გამოიყენოთ შემოსავლის მართვის პანელში ხელმისაწვდომი ფუნქციები.
შემოსავლის ინტერაქტიური დიაგრამა
შემოსავლის მართვის პანელის ზედა ნაწილში მოცემულ დიაგრამაზე ასახულია:
- წინა ექვსი თვიდან თითოეულის განმავლობაში თქვენ მიერ მიღებული შემოსავალი
- მიმდინარე თვეში მოცემულ მომენტამდე მიღებული შემოსავალი
- მომდევნო ხუთი თვიდან თითოეულისთვის პროგნოზირებული შემოსავალი (მომავალი ჯავშნების საფუძველზე)
გაშალეთ დიაგრამა, რომ გაეცნოთ შემოსავალს თვეების ან წლების მიხედვით. ასევე, შესაძლებელია მონაცემთა გაფილტვრა განცხადებების მიხედვით.
შემოსავლის ინტერაქტიური დიაგრამის ქვემოთ ნაჩვენები იქნება ეფექტურობის მაჩვენებლები, კერძოდ, დაჯავშნილი ღამეების რაოდენობა და სტუმრობის საშუალო ხანგრძლივობა.
შემოსავლის შეჯამებაში აისახება თქვენი მთლიანი შემოსავალი, გამოქვითვები და წმინდა ანაზღაურება მიმდინარე წლის 1 იანვრიდან.
საშემოსავლო საინფორმაციო ბარათები
როცა თქვენი კუთვნილი თანხა გაიცემა, შემოსავლის მართვის პანელში აისახება საშემოსავლო საინფორმაციო ბარათი. მასზე მითითებული იქნება:
- ანაზღაურების მიღების მეთოდი;
- ტრანსაქციის ოდენობა;
- დამუშავების სავარაუდო დრო.
უფრო ვრცელი ინფორმაციის გასაცნობად გახსენით ტრანსაქცია.
მონაცემთა გაფილტვრა შემოსავლის ტიპის მიხედვით
მომავალ ან შესრულებულ ტრანსაქციებთან დაკავშირებული მონაცემები შეგიძლიათ შემოსავლის სხვადასხვა ტიპის მიხედვით გაფილტროთ. აღნიშნულ ფილტრებს შორისაა, მაგალითად:
- საცხოვრებლები;
- შთაბეჭდილებები;
- მომსახურებები;
- ბონუსები;
- გადაწყვეტილებები.
ამას გარდა, ტრანსაქციების გაფილტვრა შესაძლებელია თარიღის, განცხადებისა და ანაზღაურების მიღების მეთოდის მიხედვით.
შემოსავლის ანგარიშები
Airbnb გიმზადებთ ყოველთვიურ და ყოველწლიურ ანგარიშებს, რომლებიც ხელმისაწვდომია იმ თვიდან, როცა მასპინძლობა დაიწყეთ. სურვილისამებრ, შეგიძლიათ ჩამოტვირთოთ ნებისმიერი ანგარიშის PDF‑ვერსია ან გაიგზავნოთ ის ელფოსტით.
ზემოაღნიშნულის გარდა, შეგიძლიათ შექმნათ ინდივიდუალური ანგარიშები ნებისმიერი განცხადებისა და პერიოდისთვის. თითოეულ ანგარიშში მოცემული იქნება შემოსავლის, გამოქვითვებისა და წმინდა ანაზღაურების სრული დეტალიზაცია.
ანგარიშს შეგიძლიათ დაურთოთ შემდეგი მონაცემები:
- ანაზღაურების მიღების მეთოდები, რომელთა შემთხვევაშიც აისახება შემოსავლის ჯამი ანაზღაურების მისაღებად გამოყენებული თითოეული ანგარიშისთვის;
- ეფექტურობის მაჩვენებლები, რომლებიც ასახავს დაჯავშნილი ღამეების რაოდენობასა და სტუმრობის საშუალო ხანგრძლივობას.
დასართავი მონაცემების არჩევის შემდეგ შეგიძლიათ ჩამოტვირთოთ ან ელფოსტით გაიგზავნოთ ანგარიშის PDF-ვერსია სამომავლო გამოყენებისთვის.
Settings and documents
შემოსავლის მართვის პანელის ზედა მარჯვენა ნაწილში მოცემული კბილანას ხატულას გამოყენებით გაიხსნება შემდეგი ინფორმაცია:
- ანაზღაურების მიღების მეთოდები და გადანაწილების წესები;
- გადასახადის გადამხდელის მონაცემები და საგადასახადო დოკუმენტები;
- შემოსავლის ანგარიშები ნებისმიერი განცხადებისა და პერიოდისთვის;
- რთულ ვითარებაში აღმოჩენილი ადამიანების დასახმარებლად Airbnb.org‑ის ფარგლებში რეგულარულად გაღებული თანხები (თითოეული ანაზღაურებიდან გამოქვითული პროცენტის სახით).
User experience may vary by location.
Information contained in this article may have changed since publication.