ოჯახების მასპინძლობა
მთელ მსოფლიოში ბევრი ოფისი, სკოლა და საბავშვო ბაღია დახურული, ამიტომ მშობლებს ახლა მეტი არჩევანი აქვთ საცხოვრებელი და სამუშაო ადგილის კუთხით. ბევრ მათგანს უფრო ხშირად მოგზაურობა სურს და მზადაა, ოჯახთან ერთად დროებით საცხოვრებლადაც კი გადავიდეს ბუნების წიაღში მდებარე, დიდი სივრცის მქონე საცხოვრებელში.
უნდა აღინიშნოს, რომ ზოგიერთ საცხოვრებელში ბავშვების მიღება, შესაძლოა, არ იყოს უსაფრთხო. აი, რა უნდა იცოდეთ, სანამ მათ მასპინძლობას გადაწყვეტთ:
წინასწარ მოემზადეთ ოჯახების მასპინძლობისთვის
თუ ბავშვიანი სტუმრების მასპინძლობა ჯერ არ გადაგიწყვეტიათ, რამდენიმე ნაბიჯის გავლა თავდაჯერებულობას შეგმატებთ.
წინასწარ გააცანით სტუმრებს, რას სთავაზობთ საცხოვრებელში და რას — არა.
დაეხმარეთ მშობლებს, რომ მხოლოდ საჭირო ნივთები წამოიღონ. ამისთვის დეტალურად უნდა აღწეროთ ყველა პირობა, რომელსაც ოჯახებს უკვე სთავაზობთ. ამას გარდა, გზამკვლევში შეგიძლიათ მიუთითოთ რეკომენდაციები, თუ სად შეიძინონ ბავშვიანმა სტუმრებმა საჭირო ნივთები მარაგის შესავსებად.
Updating your listing
მიიღეთ უსაფრთხოების ელემენტარული ზომები, რომ დაიცვათ როგორც სტუმრები, ისე თქვენ მიერ მათთვის შეთავაზებული საცხოვრებელი.
- სტუმრები უფრო მშვიდად რომ იყვნენ, დაამონტაჟეთ კვამლის/მხუთავი აირის დეტექტორები და ცეცხლმაქრი გაზქურის/ელექტროღუმელის სახურავთან.
- არ დაგავიწყდეთ ზემოაღნიშნული საყოფაცხოვრებო ნივთების განცხადებაში მითითება და მათი ბატარეების რეგულარულად გამოცვლა
- შეიტანეთ გადაუდებელი დახმარების ადგილობრივი სამსახურების ნომრები სტუმრის ცნობარში და სტუმრებისთვის დატოვებულ ბარათში
იცოდეთ, როგორ მოიქცეთ, თუ პრობლემა წარმოიქმნება.
რაც არ უნდა კარგად მოემზადოთ, გაუთვალისწინებელი შემთხვევებისგან არავინაა დაზღვეული, თუმცა არსებობს რამდენიმე საშუალება იმისთვის, რომ უფრო მეტად იყოთ დაცული Airbnb‑ს მეშვეობით მასპინძლობისას.
- მოითხოვეთ თანხა საკითხების გადაწყვეტის ცენტრის საშუალებით: საკითხების გადაწყვეტის ცენტრი დაგეხმარებათ დაკარგულ ან დაზიანებულ ნივთებთან, დამატებით მომსახურებასა თუ სტუმრობასთან დაკავშირებული სხვა ისეთი საკითხების მოგვარებაში, როგორიცაა, მაგალითად, სახლის გასაღების დაკარგვა. ამას გარდა, შეგიძლიათ სტუმარს საკომპენსაციო თანხაც გაუგზავნოთ, თუ, მაგალითად, დაბინავებისას საცხოვრებელი მზად არ იყო.
- AirCover მასპინძლებისთვის: AirCover მასპინძლებისთვის მოიცავს მასპინძელთა ზარალისგან დაცვასა და საცხოვრებლის შეთავაზებისას წარმოშობილი პასუხისმგებლობის დაზღვევას. ის უფასოდ მოჰყვება ყველა ჯავშანს.