სტუმართა რჩეულების შესახებ

Airbnb‑ზე განთავსებულია 8 მილიონზე მეტი განცხადება მსოფლიოს სხვადასხვა კუთხეში მდებარე საცხოვრებლების შესახებ. თითოეული ვარიანტი უნიკალურია და სწორედ ეს არის Airbnb‑ს განმასხვავებელი ნიშანი.

როცა ადამიანმა იცის, რომელი საცხოვრებლები მოსწონთ სხვებს ყველაზე მეტად, სტუმრობისთვის შესანიშნავი ვარიანტის პოვნა საგრძნობლად მარტივდება. „სტუმართა რჩეულების“ ცნება სწორედ ამიტომ შემოვიღეთ.

სტუმართა რჩეულები აერთიანებს სტუმრების ყველაზე საყვარელ საცხოვრებლებს Airbnb‑ზე. ისინი ვლინდება ნახევარ მილიარდზე მეტი სტუმრობის შემდეგ დაფიქსირებული შეფასებებისა და მიმოხილვების, ასევე, საიმედოობის კუთხით არსებული მონაცემების საფუძველზე. სტუმართა რჩეულები ყოველდღიურად ვლინდება — თუ თქვენ მიერ განთავსებულ საცხოვრებელს ეს სტატუსი ამ ეტაპზე არ აქვს, ყველაფერი ჯერ წინაა.

სტუმართა რჩეულები ვლინდება სხვადასხვა ფაქტორის საფუძველზე. მათ შორისაა:

• ბოლო 4 წლის განმავლობაში მინიმუმ 5 მიმოხილვა სტუმრებისგან, მათ შორის, მინიმუმ 1 მიმოხილვა ბოლო 2 წლის განმავლობაში;
• ვარსკვლავებით დაფიქსირებული საერთო შეფასება, გამოხმაურება სტუმრების მიერ დატოვებულ მიმოხილვებში, ასევე, სტუმრებსა და მასპინძლებს შორის კომუნიკაცია პლატფორმის ფარგლებში;
• მაღალი შეფასებები დაბინავების, სისუფთავის, სიზუსტის, კომუნიკაციის, მდებარეობისა და ფასის ხარისხთან შეფარდების კუთხით;
• ბრწყინვალე საიმედოობა — მასპინძლის მხრიდან გაუქმების შემთხვევებისა და მხარდაჭერის გუნდისადმი ხარისხთან დაკავშირებით მიმართვიანობის 1%‑ზე დაბალი საშუალო მაჩვენებელი.

თუ ერთზე მეტი განცხადება გაქვთ, სტუმართა რჩეულების გამოვლენისას თითოეული მათგანი ცალ‑ცალკე შეფასდება კრიტერიუმებთან შესაბამისობაზე.

სტუმართა რჩეულები ვლინდება მსოფლიო მასშტაბით, Airbnb‑ზე მათი პოვნა კი მარტივია.

სტუმართა რჩეული საცხოვრებლები აღნიშნულია სპეციალური ნიშნით როგორც ძიების შედეგებში, ისე მათ შესახებ განცხადებების გვერდებზე. მათი პოვნა შესაძლებელია საგანგებო ფილტრითაც.

სუპერმასპინძლები არიან მოწინავე მაჩვენებლების მქონე მასპინძლები, რომლებიც განსაკუთრებული სტუმარ‑მასპინძლობის ისტორიით ხასიათდებიან. სუპერმასპინძლების ეფექტურობის მაჩვენებლები ყოველკვარტალურად ფასდება კონკრეტული კრიტერიუმების მიხედვით. მასპინძლები, რომლებიც აღნიშნულ კრიტერიუმებს დააკმაყოფილებენ, მიიღებენ სუპერმასპინძლის ნიშანს, რომელიც მოცემული იქნება მათი განცხადებებისა და პროფილების გვერდებზე.

თუ ხართ სუპერმასპინძელი, რომლის მიერ განთავსებული საცხოვრებელიც სტუმართა რჩეულებს შორის მოხვდა, თქვენი განცხადების გვერდზე მითითებული იქნება ორივე სტატუსი, ძიების შედეგებში კი მოცემული იქნება სტუმართა რჩეულის ნიშანი. იმ შემთხვევაში კი, თუ სუპერმასპინძელი ხართ, მაგრამ თქვენ მიერ განთავსებულ საცხოვრებელს სტუმართა რჩეულის სტატუსი ჯერ არ მოუპოვებია, მხოლოდ სუპერმასპინძლის ნიშანი გექნებათ.

სტატიაში მოცემული ინფორმაცია, შესაძლოა, შეცვლილიყო მისი გამოქვეყნების შემდეგ.