ვარიანტების გასაცნობად დაიწყეთ საძიებო მოთხოვნის აკრეფა. ნავიგაციისთვის გამოიყენეთ კლავიშები ზემოთ ან ქვემოთ მიმართული ისრებით. ასარჩევად გამოიყენეთ კლავიში Enter. არჩეული ფრაზა საძიებო ველს დაემატება, ბმულის არჩევის შემთხვევაში კი ბრაუზერში შესაბამისი გვერდი გაიხსნება.
ინსტრუქცია

უსაფრთხოებასთან დაკავშირებული რჩევები საცხოვრებლის არჩევისთვის

ნებისმიერი ტიპის სტუმრობა, როგორც წესი, დაკავშირებულია დროისა და თანხის ხარჯვასთან, ამიტომ მნიშვნელოვანია, იპოვოთ საცხოვრებელი, რომელიც შეესაბამება თქვენს საჭიროებებს. გთავაზობთ რამდენიმე რჩევას, რომ სწორი არჩევანი გააკეთოთ და სტუმრობისას მშვიდად იყოთ.

იპოვეთ სათქვენო ვარიანტი

სათქვენო საცხოვრებლის საპოვნელად, პირველ რიგში, ისარგებლეთ ჩვენ მიერ შემოთავაზებული მრავალი საძიებო ფილტრით. საინტერესო ვარიანტის პოვნის შემდეგ გაეცანით მასპინძლის პროფილსა და საცხოვრებლის აღწერილობას — განსაკუთრებული ყურადღება მიაქციეთ საყოფაცხოვრებო პირობებს, სახლის წესებს, ასევე, ჯავშნის გაუქმების წესებს.

გაეცანით შეფასებებსა და მიმოხილვებს

გირჩევთ, ყოველთვის წაიკითხოთ სხვა სტუმრების მიერ დატოვებული გამოხმაურება — ეს სათქვენო ვარიანტის შერჩევის ერთ‑ერთი საუკეთესო ხერხია. ჩვენი პლატფორმის მეშვეობით სტუმრები აფასებენ საცხოვრებლის სისუფთავეს, მისი აღწერილობის სიზუსტესა და სხვა მახასიათებლებს, ასევე, წერენ დეტალურ მიმოხილვებს. მიმოხილვის დატოვება შესაძლებელია მხოლოდ სტუმრობის დასრულების შემდეგ, ამიტომ გახსოვდეთ, რომ სტუმრების კომენტარები მათ რეალურ შთაბეჭდილებებს ეფუძნება.

დამატებითი ინფორმაცია გჭირდებათ? გაეცანით სტუმრობათა მიმოხილვის პრინციპს.

დააკვირდით უსაფრთხოების საშუალებებს

კარგი იქნება, თუ საცხოვრებელში იპოვით კვამლის ან მხუთავი აირის იმ დეტექტორების მდებარეობას, რომლებიც განცხადებაში მითითებულია „საყოფაცხოვრებო უსაფრთხოების“ სექციაში.

კვამლისა და მხუთავი აირის დეტექტორების შესახებ ვრცლად შეგიძლიათ შეიტყოთ დახმარების ცენტრის ამ სტატიიდან.

მიიღეთ პასუხები მასპინძლისგან

ჩვენ გთავაზობთ მიმოწერის უსაფრთხო და მარტივ ხელსაწყოს, რომლის მეშვეობითაც, ჯავშნის გაფორმებამდე, მარტივად დაუსვამთ მასპინძელს ნებისმიერ შეკითხვას საცხოვრებელთან დაკავშირებით. ჯავშნის გაფორმების შემდეგ კი საშუალება გექნებათ, შეუთანხმოთ მასპინძელს დაბინავების საკითხი, დაუსვათ დამატებითი შეკითხვები და იქონიოთ მასთან კონტაქტი მთელი სტუმრობის განმავლობაში. შეიტყვეთ ვრცლად მასპინძლებთან კონტაქტის შესახებ.

კომუნიკაციისა და საგადახდო ოპერაციებისთვის ყოველთვის გამოიყენეთ Airbnb‑ს პლატფორმა

დაიცავთ საკუთარი თავი, საგადახდო ოპერაციები და პერსონალური ინფორმაცია — არ ეკონტაქტოთ სხვებს ჩვენი პლატფორმის გვერდის ავლით. გამოიყენეთ Airbnb მიმოწერისთვის, ჯავშნების გაფორმებისა და გადახდისთვის. სხვა არავის აქვს უფლება, მოგთხოვოთ თანხის გადარიცხვა, საბანკო ბარათის მონაცემები ან პირდაპირ მასპინძელთან ანგარიშსწორება. მსგავსი მოთხოვნების შემთხვევაში დაუყოვნებლივ გვაცნობეთ.

შეამოწმეთ უსაფრთხოება

დაბინავების შემდეგ იპოვეთ უსაფრთხოებასთან დაკავშირებული ინფორმაცია და შესაბამისი საშუალებები (მაგ., ცეცხლმაქრი ან პირველადი სამედიცინო დახმარების ნაკრები). თუ ზუსტად არ იცით, სად რა ინახება, აუცილებლად ჰკითხეთ მასპინძელს. უმჯობესია, მომზადებული იყოთ.

გაეცანით ადგილობრივ გაფრთხილებებსა და რეკომენდაციებს მოგზაურთათვის

მნიშვნელობა არ აქვს, კონკრეტული სტუმრობისას Airbnb‑ს მომსახურებით სარგებლობთ თუ არა, კარგი იქნება, თუ დანიშნულების ადგილის შესახებ წინასწარ მიიღებთ ინფორმაციას და ადგილობრივ საელჩოში დააზუსტებთ, ხომ არ არსებობს რაიმე სახის გაფრთხილებები თუ მოთხოვნები მოგზაურთათვის. მაგალითად, აშშ‑დან გამგზავრების მსურველებმა სავიზო ინფორმაცია და გაფრთხილებები უნდა დააზუსტონ აშშ‑ის სახელმწიფო დეპარტამენტში. გაეცანით დამატებით ინფორმაციას მასპინძლებისა და სტუმრების უსაფრთხოების გვერდზე.

ჩვენ მზად ვართ თქვენ დასახმარებლად

საგანგებო ვითარების შემთხვევაში დაუკავშირდით გადაუდებელი დახმარების ადგილობრივ სამსახურს ან სამართალდამცავ ორგანოებს.

უსაფრთხოების პრობლემების შემთხვევაში დღე‑ღამის ნებისმიერ მონაკვეთში დაგეხმარებით. დახმარების ცენტრში გთავაზობთ დამატებით ინფორმაციას იმის შესახებ, თუ როგორ დაგვიკავშირდეთ.

გახსოვდეთ: საგანგებო ვითარებაში, ან თუ საფრთხე გემუქრებათ, დაუყოვნებლივ დაუკავშირდით ადგილობრივ პოლიციას ან გადაუდებელი დახმარების სამსახურს.

დაგეხმარათ ეს სტატია?

დაკავშირებული სტატიები

მიიღეთ დახმარება ჯავშნებთან, ანგარიშთან და სხვა საკითხებთან დაკავშირებით.
შესვლა ან რეგისტრაცია