ვარიანტების გასაცნობად დაიწყეთ საძიებო მოთხოვნის აკრეფა. ნავიგაციისთვის გამოიყენეთ კლავიშები ზემოთ ან ქვემოთ მიმართული ისრებით. ასარჩევად გამოიყენეთ კლავიში Enter. არჩეული ფრაზა საძიებო ველს დაემატება, ბმულის არჩევის შემთხვევაში კი ბრაუზერში შესაბამისი გვერდი გაიხსნება.
ინსტრუქცია

უსაფრთხოებასთან დაკავშირებული რჩევები საცხოვრებლის არჩევისთვის

ნებისმიერი ტიპის სტუმრობა, როგორც წესი, დაკავშირებულია დროისა და თანხის ხარჯვასთან, ამიტომ მნიშვნელოვანია, იპოვოთ საცხოვრებელი, რომელიც შეესაბამება თქვენს საჭიროებებს. გთავაზობთ რამდენიმე რჩევას, რომ სწორი არჩევანი გააკეთოთ და სტუმრობისას მშვიდად იყოთ.

იპოვეთ შესაფერისი ვარიანტი

თქვენი საჭიროებების შესაბამისი საცხოვრებლის საპოვნელად, პირველ რიგში, ისარგებლეთ ჩვენ მიერ შემოთავაზებული მრავალი საძიებო ფილტრით. საინტერესო ვარიანტის პოვნის შემდეგ გაეცანით მასპინძლის პროფილს და საცხოვრებლის აღწერილობას — განსაკუთრებული ყურადღება მიაქციეთ საყოფაცხოვრებო პირობებს, სახლის წესებს, ასევე, ჯავშნის გაუქმების წესებს.

წაიკითხეთ შეფასებები და მიმოხილვები

გირჩევთ, ყოველთვის წაიკითხოთ სხვა სტუმრების მიერ დატოვებული გამოხმაურება — ეს თქვენთვის შესაფერისი ვარიანტის შერჩევის ერთ‑ერთი საუკეთესო ხერხია. ჩვენი პლატფორმის მეშვეობით სტუმრები აფასებენ საცხოვრებლის სისუფთავეს, აღწერილობის სიზუსტესა და სხვა მახასიათებლებს, ასევე, წერენ დეტალურ მიმოხილვებს. მიმოხილვის დატოვება შესაძლებელია მხოლოდ სტუმრობის დასრულების შემდეგ, ამიტომ იცოდეთ, რომ სტუმრების კომენტარები მათ რეალურ შთაბეჭდილებებს ეფუძნება.

გაითვალისწინეთ უსაფრთხოების საშუალებები

კარგი იქნება, თუ განცხადებაში შეამოწმებთ „საყოფაცხოვრებო უსაფრთხოების“ სექციას, რომელშიც მითითებულია, არის თუ არა საცხოვრებელში კვამლის ან მხუთავი აირის დეტექტორი.

კვამლისა და მხუთავი აირის დეტექტორების შესახებ ვრცლად შეგიძლიათ შეიტყოთ დახმარების ცენტრის ამ სტატიიდან.

მიიღეთ საჭირო პასუხები

ჩვენ გთავაზობთ შეტყობინებების მიმოცვლის უსაფრთხო და მარტივ ხელსაწყოს, რომლის მეშვეობითაც, ჯავშნის გაფორმებამდე, მარტივად დაუსვამთ მასპინძელს ნებისმიერ შეკითხვას საცხოვრებელთან დაკავშირებით. ჯავშნის გაფორმების შემდეგ კი შეგიძლიათ შეუთანხმოთ მასპინძელს დაბინავების დეტალები, დაუსვათ დამატებითი შეკითხვები და იქონიოთ კონტაქტი მთელი სტუმრობის განმავლობაში.

კომუნიკაცია და გადახდის ოპერაციები ყოველთვის აწარმოვეთ Airbnb‑ს პლატფორმის მეშვეობით

დაიცავთ საკუთარი თავი, საგადახდო ოპერაციები და პერსონალური ინფორმაცია — არ იკონტაქტოთ ჩვენი პლატფორმის გვერდის ავლით. გამოიყენეთ Airbnb მიმოწერისთვის, ჯავშნების გაფორმებისა და გადახდისთვის. სხვა არავის აქვს უფლება, მოგთხოვოთ თანხის გადარიცხვა, საკრედიტო ბარათის მონაცემები ან მასპინძელთან პირდაპირი ანგარიშსწორება. მსგავსი მოთხოვნების შემთხვევაში დაუყოვნებლივ გვაცნობეთ.

შეამოწმეთ უსაფრთხოება

დაბინავების შემდეგ იპოვეთ უსაფრთხოებასთან დაკავშირებული ინფორმაცია და შესაბამისი საშუალებები (მაგ., ცეცხლმაქრი ან პირველადი სამედიცინო დახმარების ნაკრები). თუ ზუსტად არ იცით, სად რა ინახება, აუცილებლად ჰკითხეთ მასპინძელს. უმჯობესია, მომზადებული იყოთ.

გაეცანით ადგილობრივ გაფრთხილებებსა და რეკომენდაციებს მოგზაურებისთვის

მნიშვნელობა არ აქვს, კონკრეტული სტუმრობის დროს Airbnb‑ს მომსახურებით სარგებლობთ თუ არა, კარგი იქნება, თუ დანიშნულების ადგილის შესახებ წინასწარ მიიღებთ ინფორმაციას და ადგილობრივ საელჩოში დააზუსტებთ, ხომ არ არსებობს რაიმე სახის გაფრთხილებები თუ მოთხოვნები მოგზაურებისთვის. მაგალითად, აშშ‑დან გამგზავრების მსურველებმა სავიზო ინფორმაცია და გაფრთხილებები უნდა დააზუსტონ აშშ‑ის სახელმწიფო დეპარტამენტში.

გაეცანით დამატებით ინფორმაციას მასპინძლებისა და სტუმრების უსაფრთხოების გვერდზე.

ჩვენ მზად ვართ თქვენ დასახმარებლად

საგანგებო ვითარების დროს დაუკავშირდით გადაუდებელი დახმარების ადგილობრივ სამსახურს ან სამართალდამცავ ორგანოებს.

უსაფრთხოებასთან დაკავშირებული პრობლემების შემთხვევაში დღე‑ღამის ნებისმიერ მონაკვეთში დაგეხმარებით. დახმარების ცენტრში გთავაზობთ დამატებით ინფორმაციას, თუ როგორ დაგვიკავშირდეთ.

გახსოვდეთ: საგანგებო ვითარებაში, ან თუ საფრთხე გემუქრებათ, დაუყოვნებლივ დაუკავშირდით ადგილობრივ პოლიციას ან გადაუდებელი დახმარების სამსახურს.

დაგეხმარათ ეს სტატია?

დაკავშირებული სტატიები

მიიღეთ დახმარება ჯავშნებთან, ანგარიშთან და სხვა საკითხებთან დაკავშირებით.
შესვლა ან რეგისტრაცია