დისკრიმინაციასთან ბრძოლა და მოგზაურობის საყოველთაო ხელმისაწვდომობაზე ზრუნვა

მომენტალური დაჯავშნის ფუნქცია სტუმრობის მსურველებს საშუალებას აძლევს, დაჯავშნონ საცხოვრებელი დაჯავშნის მოთხოვნის მასპინძლის მიერ დადასტურების საჭიროების გარეშე. ეს მეთოდი ამცირებს დისკრიმინაციის ალბათობას და მეტ ობიექტურობას უწყობს ხელს. ახლახან რამდენიმე ცვლილება შევიტანეთ, რომ Airbnb‑ზე „კარგი ისტორიის“ განსაზღვრება უფრო მეტი ასპექტის მომცველი ყოფილიყო. აღნიშნულის წყალობით, მომენტალური დაჯავშნის ფუნქცია სტუმრობის მეტი მსურველისთვის გახდა ხელმისაწვდომი.

ჯავშნების წარმატებით გაფორმების მაჩვენებელზე დადებითად აისახება ახალი ფუნქციებიც, რომლებიც ეხმარება მასპინძლებს, დროულად გამოეხმაურონ დაჯავშნის მოთხოვნებს. კერძოდ, დაჯავშნის მომლოდინე მოთხოვნები ამიერიდან უფრო შესამჩნევადაა წარმოდგენილი მასპინძლებისთვის. აღნიშნულმა შეამცირა დაჯავშნის იმ მოთხოვნების რაოდენობა, რომლებიც ადრე გამოხმაურების გარეშე რჩებოდა, წარმატებით გაფორმებული ჯავშნების რიცხვი კი გაიზარდა.

ამასთან, ისიც გაირკვა, რომ სტუმრებს, რომლებსაც მიღებული აქვთ მიმოხილვები, ჯავშნების წარმატებით გაფორმების უფრო მაღალი მაჩვენებლები აქვთ. სტუმრებს საგრძნობლად გავუმარტივეთ Airbnb‑ზე ანგარიშების მქონე თანმხლები პირების დაფიქსირება თავიანთ ჯავშნებში. ამგვარად, სტუმრობის შემდეგ მიმოხილვას მიიღებენ ისინიც, ვისაც ჯავშანი უშუალოდ არ გაუფორმებია.

მასპინძლებსა და სტუმრებს ამიერიდან შეუძლიათ, ოფიციალური სახელის დადასტურების შემდეგ, თავიანთ პროფილებში მიუთითონ სხვა სასურველი სახელები. ჩვენ, ასევე, ვაუმჯობესებთ მიმოხილვებში არასწორი ნაცვალსახელებით მოხსენიების შესახებ შეტყობინების პროცესს როგორც მასპინძლებისთვის, ისე სტუმრებისთვის. თუ მასპინძელი ან სტუმარი შეგვატყობინებს აღნიშნულის შესახებ, ნაცვალსახელი ჩანაცვლდება მომხმარებლის სასურველი სახელით.

დაჯავშნის მოთხოვნის უარყოფისას მასპინძელი ამიერიდან უფრო მკაფიოდ იღებს ინფორმაციას იმის შესახებ, თუ რომელი მიზეზებია მისაღები და რომელი — არა. ამას გარდა, ვიზრუნეთ ანტიდისკრიმინაციული პოლიტიკის ეფექტურობის გაზრდასა და კასტების მიხედვით ადამიანების დისკრიმინაციისგან დაცვის გაძლიერებაზე. დაბოლოს, ვაპირებთ, მივიღოთ გარკვეული ზომები, რომ უფრო სამართლიანი იყოს არსებული ჯავშნის გაუქმება მასპინძლის მხრიდან.

თავის საქმიანობას აფართოებს Airbnb Entrepreneurship Academy, რომლის მიზანიცაა, ჩვენი პლატფორმის მეშვეობით მასპინძლობის უპირატესობებით სარგებლობა შეძლონ სხვადასხვა წარმომავლობის ადამიანებმა, მათ შორის, მათ, ვინც ისტორიულად მიეკუთვნება საზოგადოებრივ ცხოვრებაში ნაკლებად წარმოდგენილ უმცირესობებს. ამ კუთხით ვთანამშრომლობთ სხვადასხვა ორგანიზაციასთან, რომელთა შორისაა Hispanic Wealth Project, Brotherhood Crusade და United Spinal Association. ამას გარდა, კვლავ ვმონაწილეობთ Operation HOPE‑ის ინიციატივაში „1 Million Black Businesses“ (1MBB), რომელიც გვერდში უდგას შავკანიან მეწარმეებს ბიზნესის დაწყების, განვითარებისა და მასშტაბირების საკითხებში.

ძიების შედეგების ადაპტირებული პირობების მიხედვით გაფილტვრის შესაძლებლობა უმარტივებს სტუმრობის მსურველებს მათი საჭიროებების შესაბამისი საცხოვრებლების პოვნას. ჩვენ ყურადღებით ვაკონტროლებთ, რომ ადაპტირებული პირობების შესახებ წარმოდგენილი ინფორმაცია უტყუარი იყოს.