ეს სახლი 11 წლის წინ ვიყიდეთ და მას შემდეგ ყოველთვის გვყავს მდგმურები. ეს ჩვენი ცხოვრების წესის ნაწილია, მით უმეტეს, რომ გვაქვს თავისუფალი საძინებელი, რომელსაც იშვიათად ვიყენებთ. ჯერჯერობით ძალიან კმაყოფილი ვართ. ჩვენს სახლს თითქმის მთელი მსოფლიოდან სტუმრობენ. ამასთანავე, შესანიშნავი საშუალებაა, მაქსიმალურად ვისარგებლოთ იმით, რაც გვაქვს — ჩვენი სახლით.

როცა სტუმრების ჩამოსვლისას ვმუშაობ, დაბინავების საკითხს ჩემი შვილი აგვარებს. ეს მისთვის ერთგვარი სამუშაოა, რომელიც ძალიან მოსწონს. დახვედრის ასეთი ფორმით სტუმრებისთვისაც სრულიად ნათელი ხდება, რომ ოჯახს ესტუმრნენ.

ბავშვები სტუმრებს ურჩევენ კიდეც, „ამ რესტორანში ნამდვილად უნდა წახვიდეთ. ამ ყავახანას ეწვიეთ. ეს ბურგერი აუცილებლად დააგემოვნეთ“. სტუმრების უმეტესობა ამით ნამდვილად მადლიერი რჩება. ისინი გრძნობენ, რომ მათზე ვზრუნავთ და უკეთ იგებენ, რას ნიშნავს სამხრეთ ლონდონში ცხოვრება.

სამზარეულოში უზადო სისუფთავე მაქვს (მარტივი არ არის ორი ბავშვის პირობებში!) და სახლის წინ გაშენებულ ბაღსაც ვუვლი, რომ მოწესრიგებული და მიმზიდველი იყოს.

საყიდლებისთვის ადგილობრივ და ფერმერების ბაზრებს ვირჩევთ. ასე რომ, კარგი და ახალი ორგანული პროდუქტებით ვიკვებებით, რასაც, ალბათ, ვერ გავწვდებოდით, Airbnb-ს მეშვეობით რომ არ გვემასპინძლა.

ეს ძალიან მნიშვნელოვანი მომენტია, განსაკუთრებით მაშინ, როცა ორი ბავშვი გყავს. ყველას თავისი საქმე აქვს, დაკავებული ვართ და ზოგჯერ მარტო დარჩენა გვინდა. შესანიშნავია, რომ თვითონვე ვწყვეტთ, როდის გვსურს მასპინძლობა.

უმეტესად სტუმრები ამას მიესალმებიან და ხვდებიან: დაჯავშნისას ეცნობიან აღწერილობას, რომელშიც მითითებულია, რომ აქ ოჯახიც ცხოვრობს. თუ ბავშვებთან ურთიერთობა სურთ, მით უკეთესი. როგორც წესი, ეს იმას ნიშნავს, რომ ზოგჯერ სამზარეულოში ერთად მივირთმევთ ჩაის, ვყვებით, როგორ გავატარეთ დღე, შემდეგ კი ჩვენ ჩვენს საქმეს ვუბრუნდებით. ამგვარი ურთიერთობა საკმაოდ სასიამოვნოა.