როდესაც ჩემი შვილი სასწავლებლად საზღვარგარეთ გაემგზავრა, მარტო დავრჩი დიდ ბინაში უამრავი ხარჯის ამარა. გადასვლაზე ვფიქრობდი, თუმცა ბოლოს გადავწყვიტე, ქალიშვილის ოთახის შესახებ Airbnb-ზე გამომექვეყნებინა განცხადება და მენახა, რა მოხდებოდა.

უნდა იყოთ სტუმართმოყვარე და ხელგაშლილი, ასევე, უნდა გსიამოვნებდეთ სტუმრების უპრობლემოდ დაბინავებაზე ზრუნვა. უპირველეს ყოვლისა, უნდა შეგეძლოთ მათთვის სასარგებლო ზოგადი და სამოგზაურო რჩევების მიცემა. აი, ამით განვსხვავდებით სასტუმროსგან. ეს უბრალოდ შემოსავლის მიღებაზე მეტად საყურადღებოა.

რამდენიმე დღით ადრე დეტალურ ინფორმაციას ვუგზავნი დაბინავების შესახებ და ვაცნობ, როგორ მივიდნენ სახლამდე აეროპორტიდან ან რკინიგზის სადგურიდან. შემდეგ ვამოწმებ, რომ საძინებელი და სააბაზანო უზადოდ სუფთაა და ადგილზეა ყველაფერი, რაც საჭიროა (პირსახოცები, შხაპის გელი, შამპუნი და სხვა). შემდეგ თვალსაჩინო ადგილას ვტოვებ Wi-Fi-ს კოდს და პარიზისა და მეტროს რუკებს, ასევე, სხვა ბროშურებს.

სტუმრებთან შეხვედრა და საუბარი! შეძლებისდაგვარად დახმარებით მათ მოგზაურობას ბედნიერებითა და დაუვიწყარი შთაბეჭდილებებით აღსავსეს გახდით.

ყოველთვის მსურდა, სახლი სუფთა, მოწესრიგებული და მიმზიდველი ყოფილიყო. მასპინძლობამ შესაძლებლობა მომცა, ბინა მომეწესრიგებინა და მისთვის კარგად მიმეხედა.

ერთ დღეს შინ სტუმარი შემხვდა, რომელსაც იმ ღამით ვმასპინძლობდი. ჩემ დანახვაზე შეკრთა და ვინაობა მკითხა. მეგონა, სწორად ვერ გავუგე და კითხვა გავამეორებინე. შემდეგ ვუთხარი, რომ მასპინძელი ვიყავი. მკითხა, „ყოველდღე აქ იქნებით?“ ვუპასუხე, „დიახ, აქ ვცხოვრობ“. ეგონა, რომ ბინა მთლიანად ჰქონდა დაჯავშნილი. ბოლოს ამაზე ბევრი ვიცინეთ და სტუმრობითაც ძალიან კმაყოფილი დარჩა.