რატომ უნდა განათავსოთ საცხოვრებელი Airbnb‑ზე?

რა მიზნებიც არ უნდა გქონდეთ დასახული, Airbnb მათი მიღწევის სახალისო და მოქნილ პირობებს გთავაზობთ. სტუმრობის მსურველთა მასპინძლობა შეგიძლიათ ნებისმიერი ტიპის საცხოვრებელში, მსოფლიოს ნებისმიერ წერტილში და სასურველი სიხშირით.

მიღებული შემოსავლით შეგიძლიათ გადაიხადოთ კომუნალური გადასახადები, დაზოგოთ თანხა ცხოვრების მნიშვნელოვანი მომენტებისთვის ან მოიწყოთ დასვენება. დამატებითი შემოსავლის მიღების გარდა, მასპინძლობა მსოფლიოს სხვადასხვა კუთხიდან ჩამოსულ საინტერესო სტუმრებთან კომუნიკაციისა და ადგილობრივებისთვის სარგებლის მოტანის საშუალებას მოგცემთ.

თქვენ თავად წყვეტთ, როდის და რა სიხშირით უმასპინძლოთ სტუმრებს Airbnb‑ს მეშვეობით. სტუმრობის მსურველთათვის შესაძლებელია როგორც ცალკე, ისე საზიარო ოთახის შეთავაზება და არც იმას აქვს მნიშვნელობა, იქვე ცხოვრობთ თუ სხვაგან.

ზოგისთვის სტუმარ‑მასპინძლობა ბიზნესია, სხვები კი საქმეს უფრო მარტივად უდგებიან. მაგალითად, შეგიძლიათ მასპინძლობა მხოლოდ მაშინ სცადოთ, როცა ახლომახლო განსაკუთრებული ღონისძიება იმართება ან თავად მიემგზავრებით დასასვენებლად.

„მომწონს, რომ საკუთარი თავის უფროსი ვარ. ასე უფრო თავისუფლად ვცხოვრობ, ბავშვებზე ზრუნვასაც ვახერხებ და დამატებითი სამუშაოებისთვისაც მრჩება დრო“, — ამბობს მაგალი, სუპერმასპინძელი ისტ‑უენატჩიდან (ვაშინგტონი).

ბოლოდროინდელი გამოკითხვიდან გაირკვა, რომ მრავალი მასპინძელი Airbnb‑ზე საცხოვრებელს შემოსავლის მისაღებად ათავსებს. დამატებითი შემოსავლით ზოგიერთი მათგანი ფარავს მზარდ ყოველდღიურ ხარჯებსა და კომუნალურ გადასახადებს, ზოგი კი თანხას, უბრალოდ, თავის გასანებივრებლად იყენებს.

„მასპინძლობა მაშინ დავიწყე, როცა ჩემს საკუთარ სახლში გადმოვედი საცხოვრებლად“, — აღნიშნავს იუანი, სუპერმასპინძელი სინგაპურიდან, და დასძენს: „Airbnb‑ზე თავისუფალი საძინებელი განვათავსე, რამაც სტაბილური შემოსავალი მომცა. ეს თანხა ყოველდღიური ხარჯების დაფარვაში მეხმარება, რადგან სწავლას დავუბრუნდი და სრულ განაკვეთზე ვერ ვმუშაობ“.

2021 წელს ახალბედა მასპინძლებმა მსოფლიო მასშტაბით ჯამში 1,8 მილიარდ აშშ დოლარზე მეტი შემოსავალი მიიღეს, რაც 2019 წლის მაჩვენებელს 30%‑ზე მეტით აღემატება. 2021 წელს აშშ‑ში მასპინძლების მედიანური შემოსავალი 13 800 აშშ დოლარი იყო, რაც 2019 წლის მაჩვენებელს 85%‑ით აღემატება. Airbnb‑ს მეშვეობით მასპინძლობა შესაძლებელია როგორც მთელი წლის განმავლობაში, ისე პერიოდულად (მაგალითად, შაბათ‑კვირას თვეში ერთხელ), 2022 წელს კი ამ კუთხით უფრო მეტი საშუალება გაჩნდა.

„არასდროს გვინანია, რომ Airbnb‑ზე განცხადება გამოვაქვეყნეთ. თვიდან თვემდე საცხოვრებელი უწყვეტად გვეჯავშნება, მასპინძლობიდან მიღებული შემოსავალი კი, პენსიასთან და სხვა ინვესტიციებთან ერთად, გვეხმარება, რომ ცხოვრება კარგად მოვიწყოთ“, — გვიყვება რობინი, სუპერმასპინძელი მაუნტ‑ბარკერიდან (ავსტრალია).

სტუმრობის მსურველებისთვის საცხოვრებლის შეთავაზება მხოლოდ შემოსავლის წყარო არ არის. მასპინძლების თქმით, არანაკლებ მნიშვნელოვანია ის, რომ მათ მიეცათ შესაძლებლობა, სარგებელი მოეტანათ ადგილობრივებისთვის და გაეცნოთ საინტერესო ადამიანები, რომლებსაც სხვა შემთხვევაში ვერასდროს შეხვდებოდნენ.

ჯეიმზი და როქსანა, სუპერმასპინძლები ჰოულტაუნიდან (ბარბადოსი), სტუმრებს ადგილობრივ პროდუქციას ახვედრებენ —მაგალითად, ცხელ‑ცხელ ფხვიერ ნამცხვრებს, რომლებსაც სტუმრებისთვის ტუმბოზე აწყობენ და საცხოვრებელთან ახლოს, პატარა მაღაზიაშიც ჰყიდიან. „სტუმრები ჯერ თავიანთ ოთახში აგემოვნებენ ადგილობრივი ყავას Cane Dog Coffee, შემდეგ კი ჩვენგან მეტს ყიდულობენ ხოლმე“, — აღნიშნავს ჯეიმზი.

სუპერმასპინძელი ბრაიანი, რომელსაც სტუმრებისთვის შეთავაზებული აქვს ჰოსტელი Hello House ლას‑პალმას‑დე‑გრან‑კანარიაში (ესპანეთი), გვიყვება, რომ მასპინძლობა სახლიდან გაუსვლელად მოგზაურობის განცდის გამოსაცდელად დაიწყო. „შესანიშნავი სტუმრები გვყავს“, — აღნიშნავს ის და დასძენს: „ძალიან მოგვწონს, როცა თავიანთ ამბებს გვიზიარებენ და ხელახლა გვსტუმრობენ“.

Airbnb‑საცხოვრებლად თითქმის ყველაფერი შეგიძლიათ გარდაქმნათ. ამასთან, რა მიზეზითაც არ უნდა გეგმავდეთ მასპინძლობას, პირველი ნაბიჯების გადადგმა მარტივია.

• შეიტყვეთ, რა ოდენობის შემოსავლის მიღება შეგიძლიათ თქვენს რეგიონში, ან დარეგისტრირდით, რომ საცხოვრებელი რთულ ვითარებაში აღმოჩენილ ადამიანებს შესთავაზოთ
• Airbnb სტარტერი დაგეხმარებათ, მარტივად ადაპტირდეთ Airbnb‑ზე: თქვენ მიიღებთ ინდივიდუალურ რჩევებს სუპერმასპინძლისგან, ოპერატიულ მხარდაჭერას საგანგებოდ მომზადებული სპეციალისტებისგან და შესაძლებლობას, რომ პირველად გამოცდილ სტუმარს უმასპინძლოთ
• შეიტყვეთ, როგორ გიცავთ „AirCover მასპინძლებისთვის“

Airbnb‑ზე საცხოვრებლის განთავსება საშუალებას მოგცემთ, მიაღწიოთ ფინანსური კუთხით დასახულ მიზნებს, გაიცნოთ ადამიანები მთელი მსოფლიოდან და გახდეთ მეწარმე თქვენი პირობებით. როცა სტუმრობის მსურველთათვის საცხოვრებლის შესათავაზებლად მზად იქნებით, ჩვენ ყველა ეტაპზე გედგებით გვერდში.

დაიხმარეთ ჩვენი გზამკვლევი დამწყები მასპინძლებისთვის