Airbnb‑ს მეშვეობით მასპინძლობის საფუძვლები

შეიტყვეთ, როგორ დაიწყოთ შემოსავლის მიღება მასპინძლის სტატუსით.
ავტორი: Airbnb (20 ნოე, 2019)
2‑წუთიანი საკითხავი
განახლების თარიღი: 8 ნოე, 2023

Airbnb‑ს მეშვეობით მასპინძლობის დასაწყებად ყველას თავისი მიზეზი აქვს: ზოგს შემოსავალი სჭირდება, ზოგს კი, უბრალოდ, მსოფლიოს სხვადასხვა კუთხიდან ჩამოსული ადამიანების გაცნობა სიამოვნებს. სტუმრებისთვის შესაძლებელია ნებისმიერი ტიპის სივრცეების შეთავაზება — მაგალითად, საცხოვრებლის მთლიანად, თავისუფალი ოთახის ან საოჯახო სასტუმროს. გთავაზობთ რამდენიმე რჩევას დასაწყისისთვის.

განცხადების შექმნა

ერთ‑ერთი პირველი, რაც დაგჭირდებათ, განცხადების მომზადებაა. ზუსტად აღწერეთ საცხოვრებელი, აღნიშნეთ მისი გამორჩეული მახასიათებლები და დაეხმარეთ სტუმრობის მსურველებს მის შესახებ მკაფიო წარმოდგენის შექმნაში. ერთი სიტყვით, შეეცადეთ, დააინტერესოთ ადამიანები თქვენ მიერ განთავსებული საცხოვრებლის დაჯავშნით.

  • ფოტოები: ატვირთეთ თითოეული ოთახის სხვადასხვა რაკურსით გადაღებული ფოტოები, რომ აჩვენოთ სტუმრობის მსურველებს, რა არის მათთვის ხელმისაწვდომი. ხელოვნური ინტელექტი დაგეხმარებათ ფოტოების ოთახების მიხედვით დალაგებაში, რითაც სტუმრობის მსურველებისთვის საცხოვრებლის ვირტუალური ტური მომზადდება. დააკონკრეტეთ ინფორმაცია თითოეულ ოთახთან დაკავშირებით, მაგალითად, დაურთეთ ცნობები საძილე თუ ადაპტირებული პირობების შესახებ.

  • სათაური და აღწერილობა: შეეცადეთ, გადმოსცეთ ის, რაც სტუმრობის მსურველებმა საცხოვრებელთან დაკავშირებით უნდა იცოდნენ. გამოიყენეთ ინკლუზიური ლექსიკა, რითაც ხაზს გაუსვამთ იმას, რომ საცხოვრებლის კარი ღიაა ნებისმიერი წარმომავლობის ადამიანებისთვის.

  • საყოფაცხოვრებო პირობები: აირჩიეთ რამდენიმე შესაფერისი ვარიანტი თავდაპირველი სიიდან, განცხადების გამოქვეყნების შემდეგ კი გაეცანით საყოფაცხოვრებო პირობების სრულ ჩამონათვალს და მონიშნეთ ყველაფერი, რაც სტუმრებს საცხოვრებელში დახვდებათ. თუ საცხოვრებელში არის ადაპტირებული პირობები, აუცილებლად მიუთითეთ ისინიც.

  • სახლის წესები: სახლის წესები საშუალებას გაძლევთ, განუმარტოთ სტუმრობის მსურველებს, რას მოელით მათგან, ასევე, გაუზიაროთ მათ საგულისხმო ინფორმაცია (მაგალითად, მოწევის აკრძალვასთან დაკავშირებით) და ერთგვარი წარმოდგენა შეუქმნათ პოტენციურ სტუმრებს მასპინძლობის თქვენეული სტილის შესახებ.

ფასის დაწესება

ერთი ღამის ფასი მხოლოდ თქვენი გადასაწყვეტია. „Airbnb სტარტერის“ ფარგლებში შემოთავაზებული ფასი ეფუძნება სხვადასხვა ფაქტორს — მაგალითად, საცხოვრებლის მდებარეობასა და საყოფაცხოვრებო პირობებს, ასევე, არსებულ მოთხოვნასა და მსგავს ვარიანტებს. სურვილისამებრ, შეგიძლიათ შეინარჩუნოთ შემოთავაზებული ფასი ან სხვა ოდენობა მიუთითოთ. ფასის შეცვლას ნებისმიერ დროს შეძლებთ.

ადგილობრივ დონეზე არსებულ მოთხოვნაში გარკვევა დაგეხმარებათ, კონკურენტუნარიანი ფასი შეარჩიოთ. ახლომახლო დაჯავშნილი მსგავსი საცხოვრებლების საშუალო ფასების გაგება პირდაპირ კალენდრიდან შეგიძლიათ. ამას გარდა, შეგიძლიათ მოსინჯოთ გონივრული ფასწარმოქმნის ხელსაწყო, რომელიც ავტომატურად ჩაასწორებს ხოლმე ერთი ღამის ფასს არსებული მოთხოვნის შესაბამისად.

ფასდაკლებები და პრომოაქციები კონკრეტულ სიტუაციებში დაგეხმარებათ სტუმრობის მსურველთა დაინტერესებაში. მაგალითად, შესაძლებელია ფასდაკლების შეთავაზება მათთვის, ვინც ერთი ან რამდენიმე კვირითა თუ თვით აპირებს საცხოვრებლის დაჯავშნას, პრომოაქცია „ახალი განცხადება“ კი, რომლის ფარგლებშიც პირველი სამი ჯავშნისთვის 20%‑იანი ფასდაკლება იმოქმედებს, ახალბედა მასპინძლებს შეუწყობს ხელს პირველი ჯავშნების მიღებაში.

ანაზღაურების მიღების ხერხები და ვადები

Airbnb დაბინავებამდე აკისრებს სტუმრებს ჯავშნის ღირებულების გადახდას. მასპინძლობისთვის კუთვნილი ანაზღაურება გაიცემა სტუმრის დაბინავების დაგეგმილი დროიდან დაახლოებით 24 საათში, თქვენს ანგარიშზე თანხის ასახვის ზუსტი დრო კი დამოკიდებულია ანაზღაურების მიღების მეთოდზე.

ანაზღაურების მიღების მეთოდების (მაგალითად, საბანკო გადარიცხვის, PayPal‑ის, Western Union‑ისა და სწრაფი ჩარიცხვის) ხელმისაწვდომობა დამოკიდებულია თქვენს მდებარეობაზე. სურვილისამებრ, შეგიძლიათ ახლავე მიუთითოთ ანაზღაურების მიღების მეთოდი. მის შეცვლას ნებისმიერ დროს შეძლებთ. შეიტყვეთ ვრცლად მასპინძლობისთვის კუთვნილი ანაზღაურების მიღების შესახებ.

პირველი სტუმრების მასპინძლობისთვის მომზადება

სტუმრები მოელიან სუფთა საცხოვრებელს ელემენტარული პირობებით. ამას გარდა, მათ თქვენგან სასარგებლო ინფორმაციის მიღების მოლოდინიც აქვთ. ამ კუთხით გირჩევთ, გაითვალისწინოთ შემდეგი:

  • აარიდეთ სტუმრებს ზედმეტი დაბრკოლებები: მოუმზადეთ მათ დაბინავებისა და საცხოვრებლიდან გასვლის მკაფიო, დეტალური ინსტრუქცია დაბინავების პროცესის ამსახველი ფოტოებით.

  • შეეხმიანეთ სტუმრებს მნიშვნელოვან ეტაპებზე: დროულად დაუგზავნეთ სტუმრებს დაგეგმილი შეტყობინებები სასარგებლო ინფორმაციით, რომელიც მათ უნდა იცოდნენ ჯავშნის გაფორმების შემდეგ, დაბინავებამდე, სტუმრობისას და წასვლისას.

  • იზრუნეთ სისუფთავეზე: მოამზადეთ საკონტროლო სია და მიჰყევით მას საცხოვრებლის დასუფთავების დროს. განსაკუთრებული ყურადღება მიაქციეთ სივრცეებს, რომლებიც ხშირად გამოიყენება. აუცილებლად შემოიარეთ ყველა ოთახი და მოაშორეთ იქაურობას ლაქები, თმები თუ ჭუჭყი.

  • მოიმარაგეთ სტუმრებისთვის ყველაზე აუცილებელი ნივთები და პროდუქტები: სტუმრები მოელიან, რომ საცხოვრებელში მათ დახვდებათ საპონი, საწოლის თეთრეული, პირსახოცი და სხვა ელემენტარული პირობები.

  • დაამატეთ რაიმე განსაკუთრებული: სტუმრებს განწყობა რომ აუმაღლოთ, მოუმზადეთ მათ პატარა საჩუქარი ან დაახვედრეთ სხვადასხვა წვრილმანი, მაგალითად, დენის ადაპტერები და სამაგიდო თამაშები.

სტატიაში მოცემული ინფორმაცია, შესაძლოა, შეცვლილიყო მისი გამოქვეყნების შემდეგ.
Airbnb
20 ნოე, 2019
სასარგებლო იყო?

გაეცანით სხვა თემებს