Airbnb‑ს მიერ მასპინძლების დაცვა

ჩვენ მუდამ მზად ვართ თქვენ დასახმარებლად მასპინძლობის საკითხში. თქვენ დაცული იქნებით ჩვენი დებულებებისა და სერვისების შესაბამისად — მთავარია, კომუნიკაცია, ჯავშნების გაფორმება და ფულადი ანგარიშსწორება Airbnb‑ს მეშვეობით აწარმოოთ.

„AirCover მასპინძლებისთვის“ კომპლექსური დაცვაა მასპინძლებისთვის. ის მოიცავს საცხოვრებლის შეთავაზებისას წარმოშობილი პასუხისმგებლობის დაზღვევას 1 მილიონი აშშ დოლარის ფარგლებში. ამას გარდა, მასში შედის მასპინძელთა ზარალისგან დაცვა 3 მილიონი აშშ დოლარის ფარგლებში — კერძოდ, დაცულია ხელოვნების ნამუშევრები, ძვირფასი ნივთები, ავტომობილები, გემები, საცხოვრებლის ტერიტორიაზე პარკირებული ან შენახული სხვა სატრანსპორტო/მცურავი საშუალებები და არა მხოლოდ.

„AirCover მასპინძლებისთვის“ სტუმრობამდე დაცვასაც ითვალისწინებს, რაც სტუმრობის მსურველთა ვინაობის დადასტურებაში გამოიხატება. ამას გარდა, ვამოწმებთ მათ ბიოგრაფიულ მონაცემებს (თუ აღნიშნული დაშვებულია მოქმედი კანონმდებლობით) და ირიცხებიან თუ არა ისინი სამართალდამრღვევთა ან სანქცირებულთა სიებში. წვეულებების გამართვისა და მატერიალური ზარალის რისკის გამოვლენაში ჯავშნების შემოწმების ჩვენი საკუთარი ტექნოლოგიაც გვეხმარება.

Airbnb‑ს მხარდაჭერის გუნდი ხელმისაწვდომია კვირაში 7 დღე, 24 საათის განმავლობაში. ის 64 ენაზე დაგეხმარებათ.

• მხარდაჭერა ტელეფონით და ონლაინ: თუ საკითხი სასწრაფოა, დაგვირეკეთ. თუ ის არასასწრაფოა (მაგალითად, როცა კალენდრის ან ფასების ჩასწორება გჭირდებათ), მოგვწერეთ შეტყობინება.
• სუპერმასპინძელთა სპეციალიზებული მხარდაჭერა: Airbnb‑სადმი მიმართვისას სუპერმასპინძლებისთვის ავტომატურად გამოიყოფა მხარდაჭერის გუნდის ექსპერტი.
• უსაფრთხოების სადღეღამისო სამსახური: თუ ოდესმე საფრთხეს იგრძნობთ, ღილაკზე ერთი შეხებით შეძლებთ უსაფრთხოების საკითხებში საგანგებოდ მომზადებულ სპეციალისტებთან დაკავშირებას დღე‑ღამის ნებისმიერ მონაკვეთში.

Airbnb ყველა სტუმარს ავალდებულებს ძირითადი წესების დაცვას. აღნიშნული მოიცავს საცხოვრებლის გაფრთხილებას, თქვენ მიერ დადგენილი სახლის წესების დაცვას, ნებისმიერი შემჩნეული პრობლემის შესახებ ოპერატიულ შეტყობინებასა და საცხოვრებლის ისეთ მდგომარეობაში დატოვებას, რომელიც საგულდაგულო დასუფთავებას არ საჭიროებს. ძირითადი წესების დაცვას სტუმრობის ყველა მსურველი უნდა დაეთანხმოს ჯავშნის გაფორმებამდე.

თუ სტუმრები ძირითად წესებს დაარღვევენ, ამის შესახებ შეტყობინება შეგიძლიათ Airbnb‑ს მხარდაჭერის გუნდთან დაკავშირების გზით ან მიმოხილვის დროს სტუმრებისთვის დაბალი შეფასების მიცემით სისუფთავის ან სახლის წესების დაცვის კატეგორიებში. იმ სტუმრების ანგარიშებს, რომლებიც რეგულარულად არღვევენ სახლის სტანდარტულ წესებს, შესაძლოა, დროებით შეუჩერდეს მოქმედება, ან ისინი წაიშალოს Airbnb‑ს პლატფორმიდან, თუ დარღვევები გაგრძელდება.

ძირითადი წესების მიხედვით, სტუმრებმა აუცილებლად უნდა დაიცვან სახლის წესები, რომელთა სახითაც შეგიძლიათ წინასწარ განმარტოთ, კონკრეტულად რას მოელით სტუმრობისას. მასპინძლებს სტანდარტული წესების არჩევა შეუძლიათ შემდეგი განყოფილებებიდან:

• შინაური ცხოველები
• ღონისძიებები
• მოწევა, ვეიპინგი და ელექტროსიგარეტები
• სიმშვიდის საათები
• შესვლისა და გასვლის საათები
• სტუმრების მაქსიმალური რაოდენობა
• კომერციული ფოტო‑ და ვიდეოგადაღება

თუ გაქვთ განსაკუთრებული მითითებები, რომლებიც სახლის სტანდარტული წესების ჩამონათვალში არ შედის, მათი დართვა შეგიძლიათ დამატებითი წესების სახით, თქვენი განცხადების პარამეტრებიდან. მაგალითად, შესაძლებელია სტუმრებისთვის ყველა ფანჯრის დახურვისა და ჩაკეტვის თხოვნა საცხოვრებლიდან გასვლამდე.

ყველას, ვინც ჯავშანს აფორმებს ან სტუმრების სიას ემატება, პროფილის მეტად შევსებას ვთხოვთ, რაც მოიცავს პროფილის ფოტოს ატვირთვასა და საკუთარი თავის შესახებ მოყოლას, რაც საშუალებას გაძლევთ, გაიცნოთ ისინი სტუმრობამდე.

მასპინძლებსა და სტუმრებს ერთმანეთის მიმოხილვა მხოლოდ სტუმრობის დასრულების შემდეგ შეუძლიათ, ამიტომ მათი შთაბეჭდილებები ეფუძნება რეალურ ურთიერთქმედებას, რომელსაც თავისუფლად შეგიძლიათ ენდოთ. ამას გარდა, სტუმრობამდე ნებისმიერ დროს გაქვთ საშუალება, სტუმრებს შეკითხვები დაუსვათ ან მათ გარკვეული მოლოდინი შეუქმნათ.

თუ მომენტალური დაჯავშნა გაქვთ გააქტიურებული, შეგიძლიათ ამის შესაძლებლობა მხოლოდ იმ სტუმრებს მისცეთ, რომლებსაც მინიმუმ ერთი ჯავშანი გაუფორმებიათ, ხოლო მათმა სტუმრობამ ინციდენტების ან უარყოფითი მიმოხილვების გარეშე ჩაიარა. თუ დაჯავშნის მოთხოვნების ინდივიდუალურად მიღება გირჩევნიათ, ჯავშნის დადასტურებამდე საშუალება გექნებათ, გაეცნოთ სტუმრობის მსურველთა პროფილებს და წინა მასპინძლების მიერ მათთვის დატოვებულ მიმოხილვებს.

თუ გექნებათ საფუძვლიანი ეჭვი, რომ სტუმარი წვეულების გამართვას აპირებს, მისთვის ჯავშნის გაუქმებას ნებისმიერ დროს შეძლებთ (მთავარია, დაიცვათ მასპინძლების მხრიდან გაუქმების წესები). თუ სტუმრობის რომელიმე მოთხოვნა დისკომფორტს შეგიქმნით, შეგიძლიათ მისი უარყოფა ანტიდისკრიმინაციული პოლიტიკის დაცვით.

პროგრამის „AirCover მასპინძლებისთვის“ ფარგლებში მასპინძელთა ზარალისგან დაცვა, საცხოვრებლის შეთავაზებისას წარმოშობილი პასუხისმგებლობის დაზღვევა და შთაბეჭდილებისა და მომსახურებების შეთავაზებისას წარმოშობილი პასუხისმგებლობის დაზღვევა არ მოქმედებს Airbnb Travel LLC‑თი სარგებლობის შემთხვევაში, ასევე, არ ეხება იაპონიაში მოღვაწე მასპინძლებს (მათზე ვრცელდება იაპონიაში მასპინძელთა დაზღვევა და იაპონიაში შთაბეჭდილებების დაზღვევა). დაფარვის ყველა ლიმიტი მითითებულია აშშ დოლარში.

საცხოვრებლისა თუ შთაბეჭდილებისა და მომსახურების შეთავაზებისას წარმოშობილი პასუხისმგებლობის დაზღვევას უზრუნველყოფს გარე კომპანიები.

თუ სტუმრებს საცხოვრებლებს, შთაბეჭდილებებს ან მომსახურებებს გაერთიანებულ სამეფოში სთავაზობთ, საცხოვრებლისა თუ შთაბეჭდილებისა და მომსახურების შეთავაზებისას წარმოშობილი პასუხისმგებლობის სადაზღვევო პოლისებს უზრუნველყოფს Zurich Insurance Company Ltd. პოლისები უსასყიდლოდ მზადდება და ფორმდება გაერთიანებულ სამეფოში მოღვაწე მასპინძლებისთვის კომპანია Airbnb UK Services Limited‑ის მიერ, რომელიც კომპანია Aon UK Limited‑ის უფლებამოსილი წარმომადგენელია და რომლის საქმიანობაც კონტროლდება ფინანსური ზედამხედველობის სამმართველოს მიერ (Financial Conduct Authority, FCA). FCA‑ს რეესტრში Aon‑ის ნომერია 310451. აღნიშნულის გადასამოწმებლად შეგიძლიათ ეწვიოთ ფინანსური მომსახურების რეესტრის ვებსაიტს ან დაუკავშირდეთ FCA‑ს ნომერზე 0800 111 6768. პროგრამის „AirCover მასპინძლებისთვის“ ფარგლებში საცხოვრებლისა თუ შთაბეჭდილებისა და მომსახურების შეთავაზებისას წარმოშობილი პასუხისმგებლობის დაზღვევებს არეგულირებს FCA, ხოლო Airbnb UK Services Limited‑ის მიერ შემოთავაზებული სხვა პროდუქტები და სერვისები ზედამხედველობას არ ექვემდებარება. FPAFF609LC

თუ სტუმრებს ევროპის ეკონომიკურ ზონაში სთავაზობთ საცხოვრებელს, შთაბეჭდილებას ან მომსახურებას, საცხოვრებლის შეთავაზებისას წარმოშობილი პასუხისმგებლობის დაზღვევისა და შთაბეჭდილებისა და მომსახურების შეთავაზებისას წარმოშობილი პასუხისმგებლობის დაზღვევის პოლისების შემთხვევაში ანდერრაიტერს წარმოადგენს Zurich Insurance Europe AG, ესპანეთის ფილიალი, ხოლო ევროპის ეკონომიკურ ზონაში მასპინძლებისთვის მას უსასყიდლოდ უზრუნველყოფს და აფორმებს Airbnb Spain Insurance Agency S.L.U. (ASIASL), დამოუკიდებელი სადაზღვევო სააგენტო, რომელსაც ზედამხედველობას უწევს ესპანეთის სადაზღვევო და საპენსიო ფონდების გენერალური დირექტორატი (DGSFP) და რომელიც DGSFP‑ს სადაზღვევო დისტრიბუტორების რეესტრში რეგისტრირებულია ნომრით AJ0364 ესპანეთში. რეგისტრაციის გადამოწმება შესაძლებელია DGSFP‑ს სადაზღვევო დისტრიბუტორების რეესტრში, ხოლო ASIASL‑ის შესახებ სრულ ინფორმაციას შეგიძლიათ გაეცნოთ აქედან.

მასპინძელთა ზარალისგან დაცვა არ არის დაზღვევა და არც კავშირშია საცხოვრებლის შეთავაზებისას წარმოშობილი პასუხისმგებლობის დაზღვევასთან. ვაშინგტონის შტატში განთავსებული განცხადებების შემთხვევაში, მასპინძელთა ზარალისგან დაცვის პროგრამის ფარგლებში Airbnb‑ს სახელშეკრულებო ვალდებულებებს ფარავს Airbnb‑ს მიერ შეძენილი სადაზღვევო პოლისი. მასპინძლებისთვის, რომელთა საცხოვრებელი ან იურიდიულ პირად რეგისტრაციის ქვეყანა არის ავსტრალიის ფარგლებს გარეთ, მოქმედებს მასპინძელთა ზარალისგან დაცვის აქ განმარტებული პირობები. მასპინძლები, რომლებიც ცხოვრობენ ან ახორციელებენ საქმიანობას ავსტრალიის ტერიტორიაზე, ექვემდებარებიან მასპინძელთა ზარალისგან დაცვის პირობებს ავსტრალიელი მომხმარებლებისთვის.

სტატიაში მოცემული ინფორმაცია, შესაძლოა, შეცვლილიყო მისი გამოქვეყნების შემდეგ.