შესაფერისია თუ არა ჩემი ვარიანტი Airbnb‑სთვის?
სტუმრობის მსურველები Airbnb‑ს მეშვეობით ნაირნაირ საცხოვრებლებს ეძებენ: პირად ოთახებს, ბინებს, კერძო სახლებს, აგარაკებს და ხეზე მდებარე ვარიანტებსაც კი.

სტუმრებს განუწყვეტლივ უნდა ვუმასპინძლო?
სულაც არა — კალენდარს თავად აკონტროლებთ. მასპინძლობა სასურველი სიხშირით შეგიძლიათ. მაგალითად, წელიწადში ერთხელ, თვეში რამდენიმე ღამით ან უფრო ხშირად.

რა გადასახადები აქვს დაწესებული Airbnb‑ს?
განცხადების შექმნა უფასოა, ხოლო Airbnb‑ს მიერ დაკისრებული მომსახურების გადასახადი, როგორც წესი, შეადგენს ჯავშნის შუალედური ღირებულების 3%‑ს, რომელიც თქვენი კუთვნილი ანაზღაურების გაცემისას გამოიქვითება. ბევრგან Airbnb თქვენი სახელით ავტომატურად კრეფს და იხდის როგორც გაყიდვების, ისე ტურიზმის გადასახადებს. შეიტყვეთ ვრცლად გადასახადების შესახებ.

რა არის საჭირო დასაწყისისთვის?
განცხადების შექმნა შეგიძლიათ მშვიდად, სულ რამდენიმე ნაბიჯის გავლით. დასაწყისისთვის აღწერეთ საცხოვრებელი, გადაუღეთ ფოტოები და დაურთეთ ინფორმაცია მისი გამორჩეული თავისებურებების შესახებ. განცხადების შექმნის დაწყება ახლავე შეგიძლიათ.

როგორ მოვამზადო საცხოვრებელი სტუმრებისთვის?
მთავარია, დარწმუნდეთ, რომ საცხოვრებელი სუფთა და მოწესრიგებულია, ყველაფერი კი გამართულად მუშაობს. სტუმრებისთვის საწოლის ახალი თეთრეულისა თუ პირადი ჰიგიენის ნივთების დახვედრება დაგეხმარებათ, მათ უფრო კომფორტული პირობები შეუქმნათ და თავი სასურველ სტუმრებად აგრძნობინოთ. გაეცანით საცხოვრებლის მომზადების გზამკვლევს.

დაცული ვარ თუ არა მასპინძლობისას?
„AirCover მასპინძლებისთვის“ კომპლექსური დაცვაა, რომელიც Airbnb‑ს მეშვეობით ყოველი მასპინძლობისას მოქმედებს. შეიტყვეთ ვრცლად, რას წარმოადგენს „AirCover მასპინძლებისთვის“ და რას ითვალისწინებს ის.

მასპინძლობის კუთხით რამეს ხომ ვერ მირჩევთ?
შესანიშნავი მასპინძლობის მრავალი გზა არსებობს. მაგალითად, შეგიძლიათ სტუმრებს მოუმზადოთ და გაუზიაროთ ქალაქში თქვენი საყვარელი ადგილების სია, ასევე, სწრაფად გამოეხმაუროთ მათგან მიღებულ შეტყობინებებს. ყველაფერი ამით არ შემოიფარგლება, ამიტომ გაეცანით მეტ რჩევას მასპინძლობასთან დაკავშირებით.

მოქმედებს თუ არა რაიმე სახის რეგულაციები ჩემს ქალაქში?
სტუმრებისთვის საცხოვრებლის შეთავაზება ზოგიერთ რეგიონში მართლაც რეგულირდება კანონმდებლობით. აქედან გამომდინარე, მნიშვნელოვანია, იცნობდეთ იმ კანონებს, რომლებიც გეხებათ. ამას გარდა, თქვენი საცხოვრებელი ადგილის მიხედვით, შესაძლოა, დაგჭირდეთ ინფორმაციის დაზუსტება ბინათმესაკუთრეთა ამხანაგობასთან, საიჯარო ხელშეკრულების შესწავლა, ან მეპატრონისა თუ მეზობლების თანხმობის მიღება Airbnb‑ს მეშვეობით მასპინძლობასთან დაკავშირებით. შეიტყვეთ ვრცლად კეთილსინდისიერი მასპინძლობის შესახებ.

როგორ მოვიქცე, თუ შეკითხვები გამიჩნდება?
ადგილობრივი მასპინძლები ინფორმაციისა და ცოდნის შესანიშნავი წყაროა. სურვილისამებრ, შეგვიძლია, დაგაკავშიროთ Airbnb‑ზე რეგისტრირებული გამოცდილი მასპინძელი, რომელიც თქვენს რეგიონში ცხოვრობს — ის აგიხსნით ყველაფერს, რაც თქვენთვის გაუგებარია. ჰკითხეთ მასპინძელს.

რა საკითხებში დახმარება შეუძლიათ თანამასპინძლებს?
საჭიროებისამებრ, შეგიძლიათ დაიქირაოთ თანამასპინძელი, რომელიც თავის თავზე აიღებს ყველა ამოცანას ან მხოლოდ მათ ნაწილს. თითოეული თანამასპინძელი სხვადასხვა ტიპის მომსახურებას გთავაზობთ. მაგალითად, მათ შეუძლიათ თქვენი დახმარება Airbnb‑ზე განცხადების გამართვაში, საცხოვრებლის სტუმრებისთვის მომზადებაში, ჯავშნებისა თუ შეტყობინებების მართვაში, დასუფთავებასა თუ ტექნიკურ მომსახურებაში, ასევე, უკვე დაბინავებული სტუმრების თხოვნებზე რეაგირებაში.

შემიძლია თუ არა თანამასპინძლის პოვნა Airbnb‑ს მეშვეობით?
Airbnb‑ს აპის მეშვეობით მარტივად იპოვით და დაიქირავებთ სტუმარ‑მასპინძლობის სფეროში ჩახედულ, ადგილობრივ თანამასპინძლებს. გაეცანით თავისუფალი კანდიდატების პროფილებს, მიწერეთ მათ, შემდეგ კი შეარჩიეთ ის, ვინც ყველაზე მეტად შეესაბამება თქვენს საჭიროებებს. შეიტყვეთ ვრცლად თანამასპინძელთა ქსელის შესახებ.

როგორ გადავუხადო თანხა თანამასპინძელს?
ფინანსურ საკითხებზე თანამასპინძელთან თანამშრომლობის დაწყებამდე უნდა შეთანხმდეთ. ამასთან, საშუალება გექნებათ, თითოეული ჯავშნისთვის კუთვნილი ანაზღაურების წილი თანამასპინძელს პირდაპირ Airbnb‑ს მეშვეობით გაუყოთ. ამ კუთხით, შესაძლოა, მოქმედებდეს გარკვეული შეზღუდვები თქვენი, თანამასპინძლის ან საცხოვრებლის მდებარეობის მიხედვით. შეიტყვეთ ვრცლად თანამასპინძელთა ანაზღაურების შესახებ.