5‑ვარსკვლავიანი მიმოხილვების მიღების ხერხები

მიმოხილვები არა მხოლოდ მიგითითებთ, თუ რისი გაუმჯობესება შეგიძლიათ, არამედ დადებითად იმოქმედებს თქვენი განცხადების პოზიციაზე ძიების შედეგებში და სუპერმასპინძლის სტატუსის მიღებაშიც შეგიწყობთ ხელს. სწორედ ამიტომ, ყველა მასპინძელი ცდილობს, მიიღოს 5‑ვარსკვლავიანი შეფასება ყოველი სტუმრისგან.

სუპერმასპინძლების საშუალო შეფასება მინიმუმ 4,8 ვარსკვლავია და მათ ზუსტად იციან, რა არის საჭირო 5‑ვარსკვლავიანი მიმოხილვების მისაღებად. ზემოთ მოცემულ ვიდეოში გვესაუბრებიან კეტრინი და ბრაიანი, სუპერმასპინძლები კოლუმბუსიდან (ოჰაიო). ისინი გვიზიარებენ საუკეთესო რჩევებს შესანიშნავი მიმოხილვების მიღებასთან დაკავშირებით.

„სტუმრების კმაყოფილებას მნიშვნელოვნად განაპირობებს ის მოლოდინი, რომელსაც მათ „დაჯავშნის“ ღილაკზე დაწკაპუნებამდე უქმნით“, — აღნიშნავს კეტრინი და დასძენს: „ვცდილობთ, განცხადების გვერდზე, მაქსიმალურად დეტალური ინფორმაცია მივუთითოთ — მაგალითად, ისიც კი, რომ სახლი 100 წელზე მეტი ხნისაა, ამიტომ ჭრაჭუნა კარები გვაქვს“.

კეტრინის თქმით, დეკორი და მთელი საცხოვრებელი სივრცე სტუმრებს უნდა აგრძნობინებდეს, რომ ყველაფერი მათთვის არის. სტუმრებმა თავი კომფორტულად რომ იგრძნონ, საცხოვრებელში არ უნდა იყოს თქვენი პირადი ფოტოები და ზედმეტი ნივთები, თუმცა თბილი ატმოსფეროს შესაქმნელად კარგი იქნება, თუ საცხოვრებელს განსაკუთრებულ შტრიხებს შემატებთ.

ამას გარდა, დეკორის კარგად გააზრებული ელემენტები სტუმრებს თავს შინაურულად აგრძნობინებს. „ეს, რა თქმა უნდა, არ ნიშნავს, რომ მთელი სამზარეულო უნდა გადააკეთოთ“, — აღნიშნავს ბრაიანი და დასძენს: „მთავარია, შექმნათ მყუდრო, ლამაზი, თბილი და სუფთა გარემო“.

„გახსოვდეთ, რომ სტუმრებს არა მხოლოდ საცხოვრებელს, არამედ თქვენი ქალაქის ხიბლსაც უზიარებთ“, — აღნიშნავს კეტრინი. ის და ბრაიანი სტუმრებს ადგილობრივად დამზადებულ შამპუნს, თმის კონდიციონერს, სახის გელსა და ადგილობრივი მეწარმისგან შეძენილ სამხატვრო ალბომებს ახვედრებს. „გვინდა, კოლუმბუსი ყველას ჩვენი თვალით დავანახოთ“, — ამბობს კეტრინი:

„5‑ვარსკვლავიანი მასპინძლობისთვის გაწეული ძალისხმევის მიუხედავად, ოდესმე პრობლემები მაინც იჩენს თავს“, — ამბობს კეტრინი. ბრაიანიც ეთანხმება და დასძენს: „იყო შემთხვევა, როცა მილი გასკდა და მთელი პირველი სართული დაიტბორა“.

ეს შემთხვევა სტუმრების ქორწილის ღამეს მოხდა, მასპინძლებს კი ვერაფრით დაუკავშირდნენ. „მას შემდეგ, რაც ეს ამბავი გადაგვხდა თავს, თანამასპინძელი ვიპოვეთ. თუ ოდესმე კვლავ მიუწვდომელი ვიქნებით, სტუმრებს შეუძლიათ მისი იმედი ჰქონდეთ“, — გვიყვება კეტრინი.

რა ტიპის საცხოვრებელიც არ უნდა გქონდეთ განთავსებული Airbnb‑ზე, სტუმრების მიერ დატოვებული მიმოხილვები ბევრ საკითხში დაგეხმარებათ და თავდაჯერებულობას შეგმატებთ. „ყოველი დადებითი მიმოხილვა გვარწმუნებს, რომ სწორ გზას ვადგავართ და გაწეული შრომა ნამდვილად ღირდა ამად, რადგან მასპინძლობა სწორედ ისაა, რისი კეთებაც ყოველთვის გვსურდა“, — ამბობს კეტრინი.

დაიხმარეთ სრული ვიდეოგზამკვლევი დამწყებთათვის

სტატიაში მოცემული ინფორმაცია, შესაძლოა, შეცვლილიყო მისი გამოქვეყნების შემდეგ.