ყველაფერი დასუფთავების გადასახადების შესახებ

დასუფთავების გადასახადის დამატება-არდამატების საკითხი საფასო პოლიტიკის შემუშავების განუყოფელი ნაწილია. ზოგიერთი მასპინძელი მას ეფექტურად იყენებს დასუფთავების ხარჯების დასაფარად, თუმცა დასუფთავების მაღალმა გადასახადმა, შესაძლოა, გადააფიქრებინოს სტუმრობის ზოგიერთ მსურველს საცხოვრებლის დაჯავშნა, რაც შემოსავლის შემცირებას გამოიწვევს.

ზემოაღნიშნულის გათვალისწინებით, საჭიროა სწორი ბალანსის პოვნა. ამ კუთხით კი, გირჩევთ, გაითვალისწინოთ შემდეგი:

სტუმრების თქმით, მათთვის მნიშვნელოვანია სუფთა საცხოვრებელი სივრცე და რეალობის შესაბამისი ფასი. სტუმრებისგან 5 ვარსკვლავზე დაბალი შეფასების მიღების ერთ‑ერთი ყველაზე გავრცელებული მიზეზი სწორედ სისუფთავის ნაკლებობაა. ჩვენ მიერ ჩატარებულმა კვლევამ აჩვენა, რომ როცა დასუფთავების გადასახადია დაწესებული, სტუმრები საცხოვრებელში მეტ სისუფთავეს მოელიან, რაც, შესაძლოა, საცხოვრებლის უფრო კრიტიკულ მიმოხილვაში აისახოს.

თუ დასუფთავების გადასახადის დამატებას გადაწყვეტთ, გაითვალისწინეთ, რომ ის არა მხოლოდ ჯავშნის ჯამურ ღირებულებას გაზრდის, არამედ ცალკე სტრიქონზეც იქნება მითითებული ანგარიშსწორებისას. დასუფთავების მაღალმა გადასახადმა, შესაძლოა, სტუმრობის მსურველებს ჯავშნის გაფორმება გადააფიქრებინოს. ამას გარდა, სტუმრობის მსურველებს საშუალება აქვთ, ჩართონ ჯამური ფასების ასახვის ფუნქცია და ძიების შედეგებიდანვე გაეცნონ თითოეულ საცხოვრებელში სტუმრობის ჯამურ ღირებულებას, ყველა გადასახადის ჩათვლით.

რაც უფრო კონკურენტუნარიანი ფასები გექნებათ დაწესებული, მით უფრო დიდი ალბათობით იქნება თქვენი განცხადება სხვებისგან გამორჩეული და, შესაბამისად, უკეთეს პოზიციებზეც მოხვდება ძიების შედეგებში. Airbnb‑ს ალგორითმი პრიორიტეტს ანიჭებს როგორც სტუმრობის ჯამურ ღირებულებას, ისე კონკრეტული საცხოვრებლის ხარისხის მაჩვენებლებს ადგილობრივ დონეზე სხვა მსგავს ვარიანტებთან შედარებით.

სხვადასხვა დროს და სხვადასხვა ტიპის სტუმრობის ფასის გარკვევაში დაგეხმარებათ ფასების დაწესების ხელსაწყოები, რომლებსაც კალენდარში იპოვით. იქვე შეძლებთ, შეადაროთ თქვენ მიერ განსაზღვრული ფასი მსგავს ახლომდებარე საცხოვრებლებზე დაწესებულს.

დასუფთავების პროცედურაზე შეჯერების შემდეგ შეაჯამეთ ხარჯები და ზუსტად განსაზღვრეთ ბიუჯეტი. გთავაზობთ რამდენიმე რჩევას ამ კუთხით:

• შეადარეთ ტარიფები. თუ დასუფთავებაში პროფესიონალი უნდა დაგეხმაროთ, ჯერ გაარკვიეთ, რა ფასად გთავაზობთ ამ მომსახურებას სხვადასხვა კომპანია, შემდეგ კი შეჯერდით ფასზე, რომელიც თქვენთვისაც და დამლაგებლისთვისაც ხელსაყრელი იქნება.
• მოელაპარაკეთ დამლაგებლებს. გაარკვიეთ, აწყობთ თუ არა ნაკლებ ანაზღაურებაზე სტაბილური თანამშრომლობის სანაცვლოდ. „ჩვენს დამლაგებელს ნაკლებად დატვირთულ პერიოდში ყოველთვიური შემოსავალი ჰქონდა გარანტირებული, თუნდაც მხოლოდ ერთი‑ორი ჯავშანი მიგვეღო“, — იხსენებს მასპინძელი ლორნა და დასძენს: „სანაცვლოდ, სეზონზე ოდნავ ნაკლებს ვიხდიდით“.
• შეავსეთ მარაგები. დაფიქრდით, რომელ საწმენდ საშუალებებს იყენებთ ყველაზე ხშირად. საწმენდი საშუალებების ბითუმად შეძენით, როგორც წესი, თანხა იზოგება გრძელვადიან პერსპექტივაში.

განსაზღვრეთ, როგორ დაფარავთ დასუფთავების ხარჯებს, პარალელურად კი კონკურენტუნარიან ფასს შეინარჩუნებთ. მაგალითად:

• გამოიკვლიეთ პოტენციური საგადასახადო შეღავათები. მასპინძლობასთან დაკავშირებული ზოგიერთი ხარჯის (დასუფთავების ჩათვლით) საგადასახადო დეკლარაციაში შეტანის გზით შესაძლებელია მათი ჩამოწერა. დამატებითი ინფორმაციისა და დახმარებისთვის მიმართეთ სპეციალისტს საგადასახადო საკითხებში.
• გაითვალისწინეთ ხარჯები ერთი ღამის ფასში. გამოთვალეთ, რა გიჯდებათ საწმენდი საშუალებები, სამრეცხაო მომსახურება და საცხოვრებლის დალაგება სხვა ოპერაციულ ხარჯებთან ერთად. ამგვარად, ზოგად წარმოდგენას შეიქმნით ხარჯების შესახებ და უკეთ განსაზღვრავთ ერთი ღამის ფასს.
• დაამატეთ დასუფთავების გადასახადი. ეს ვარიანტი უნდა გამოიყენოთ პროფესიონალი დამლაგებლის მომსახურებისა და საწმენდი საშუალებების ღირებულების დასაფარად და არა დამატებითი შემოსავლის მიღების წყაროდ.

თუ დასუფთავების გადასახადის დამატებას გადაწყვეტთ, რამდენიმე ვარიანტი გაქვთ:

• დააწესეთ სტანდარტული გადასახადი. დაამატეთ დასუფთავების ერთიანი გადასახადი ყველა სტუმრისთვის (სტუმრობის ხანგრძლივობის მიუხედავად). ეს სტრატეგია, როგორც წესი, ხელსაყრელია მასპინძლებისთვის, რომლებსაც გრძელვადიანი ჯავშნების მიღება აწყობთ.
• დააწესეთ დასუფთავების სხვადასხვა გადასახადი. მოკლე ვადით (1‑2 ღამით) სტუმრობის მსურველებს შეგიძლიათ დასუფთავების შედარებით დაბალი გადასახადი დააკისროთ, სხვა ხანგრძლივობის სტუმრობების შემთხვევაში კი სტანდარტული გადასახადი შეინარჩუნოთ.

თუ მასპინძლობა ახლახან დაიწყეთ, დასუფთავების გადასახადის დაწესებამდე გირჩევთ, რამდენიმე დადებითი მიმოხილვა დააგროვოთ, რომ ჯერ სტუმრობის მსურველები დააინტერესოთ.

დასუფთავების გადასახადის დამატება-ჩასწორება განცხადების კალენდრის „ფასების“ ჩანართიდან შეგიძლიათ.

ზოგიერთი ტიპის საგულდაგულო დასუფთავების შემთხვევაში (მაგალითად, როცა სტუმრების მიერ დატოვებული ჩამჯდარი ლაქების ან სიგარეტის სუნის მოცილება გჭირდებათ), შესაძლოა, AirCover მასპინძლებისთვის, კერძოდ, მასპინძელთა ზარალისგან დაცვა, თქვენთვის ითვალისწინებდეს ანაზღაურებას 3 მილიონი აშშ დოლარის ფარგლებში. მასპინძელთა ზარალისგან დაცვა ითვალისწინებს ანაზღაურებას 3 მილიონი აშშ დოლარის ფარგლებში. აღნიშნული თანხა არ არის დამოკიდებული დასუფთავების გადასახადზე და არც წინასწარაა საჭირო რაიმე პარამეტრების დაყენება.

პროგრამის „AirCover მასპინძლებისთვის“ ფარგლებში მასპინძელთა ზარალისგან დაცვა, საცხოვრებლის შეთავაზებისას წარმოშობილი პასუხისმგებლობის დაზღვევა და შთაბეჭდილებისა და მომსახურების შეთავაზებისას წარმოშობილი პასუხისმგებლობის დაზღვევა არ მოქმედებს Airbnb Travel LLC‑თი სარგებლობის შემთხვევაში, ასევე, არ ეხება იაპონიაში მოღვაწე მასპინძლებს (მათზე ვრცელდება იაპონიაში მასპინძელთა დაზღვევა და იაპონიაში შთაბეჭდილებების დაზღვევა). გაითვალისწინეთ, რომ დაფარვის ყველა ლიმიტი მითითებულია აშშ დოლარში.

საცხოვრებლისა თუ შთაბეჭდილებისა და მომსახურების შეთავაზებისას წარმოშობილი პასუხისმგებლობის დაზღვევას უზრუნველყოფს გარე კომპანიები. თუ სტუმრებს საცხოვრებლებს, შთაბეჭდილებებს ან მომსახურებებს გაერთიანებულ სამეფოში სთავაზობთ, საცხოვრებლისა თუ შთაბეჭდილებისა და მომსახურების შეთავაზებისას წარმოშობილი პასუხისმგებლობის სადაზღვევო პოლისებს უზრუნველყოფს Zurich Insurance Company Ltd. პოლისები უსასყიდლოდ მზადდება და ფორმდება გაერთიანებულ სამეფოში მოღვაწე მასპინძლებისთვის კომპანია Airbnb UK Services Limited‑ის მიერ, რომელიც კომპანია Aon UK Limited‑ის უფლებამოსილი წარმომადგენელია და რომლის საქმიანობაც კონტროლდება ფინანსური ზედამხედველობის სამმართველოს მიერ (Financial Conduct Authority, FCA). FCA‑ს რეესტრში Aon‑ის ნომერია 310451. აღნიშნულის გადასამოწმებლად შეგიძლიათ ეწვიოთ ფინანსური მომსახურების რეესტრის ვებსაიტს ან დაუკავშირდეთ FCA‑ს ნომერზე 0800 111 6768. პროგრამის „AirCover მასპინძლებისთვის“ ფარგლებში საცხოვრებლისა თუ შთაბეჭდილებისა და მომსახურების შეთავაზებისას წარმოშობილი პასუხისმგებლობის დაზღვევებს არეგულირებს FCA, ხოლო Airbnb UK Services Limited‑ის მიერ შემოთავაზებული სხვა პროდუქტები და სერვისები ზედამხედველობას არ ექვემდებარება. FPAFF405LC

ევროკავშირში მოღვაწე მასპინძლებისთვის ამ პოლისებს უსასყიდლოდ ამზადებს და აფორმებს Airbnb Marketing Services S.L.U., რომელიც Aon Iberia Correduría de Seguros y Reaseguros S.A.U.‑ს გარე მოთანამშრომლე კომპანიაა, რომლის საქმიანობაც კონტროლდება Autoridad de Control de la Dirección de Seguros y Fondos de Pensiones‑ის მიერ (სერიული ნომერი: J0170). Aon Iberia Correduría de Seguros y Reaseguros S.A.U. მოქმედებს, როგორც შუამავალი ევროკავშირისთვის და ევროკავშირის ქვეყნებში, მომსახურებათა თავისუფლების პრინციპის ფარგლებში, ეწევა დაზღვევის დისტრიბუციას, რომ უზრუნველყოს სერვისები სადაზღვევო მომსახურებების დისტრიბუციის შესახებ ესპანეთის კანონის, სადაზღვევო მომსახურებების დისტრიბუციის დირექტივისა და სხვა სამართლებრივი თუ ნორმატიული მოთხოვნების შესაბამისად. იმ ქვეყნის უფლებამოსილების შეზღუდვის გარეშე, რომელშიც ხდება სადაზღვევო მომსახურებათა დისტრიბუცია, Aon‑ის საქმიანობას აკონტროლებს ესპანეთის სამეფო (როგორც წევრი სახელმწიფო), ასევე, სადაზღვევო და საპენსიო ფონდების გენერალური დირექტორატი (როგორც საზედამხედველო ორგანო), რომლის მისამართია Paseo de la Castellana 44, 28046 Madrid.

მასპინძელთა ზარალისგან დაცვა არ არის დაზღვევა და არც კავშირშია საცხოვრებლის შეთავაზებისას წარმოშობილი პასუხისმგებლობის დაზღვევასთან. მასპინძელთა ზარალისგან დაცვის ფარგლებში თქვენ აგინაზღაურდებათ სტუმრების მიერ საცხოვრებლისთვის ან მასში არსებული ნივთებისთვის მიყენებული ზიანი, თუ სტუმარი უარს იტყვის ზარალის ანაზღაურებაზე. ვაშინგტონის შტატში განთავსებული განცხადებების შემთხვევაში, მასპინძელთა ზარალისგან დაცვის პროგრამის ფარგლებში Airbnb‑ს სახელშეკრულებო ვალდებულებებს ფარავს Airbnb‑ს მიერ შეძენილი სადაზღვევო პოლისი. მასპინძლებისთვის, რომელთა საცხოვრებელი ან იურიდიულ პირად რეგისტრაციის ქვეყანა არის ავსტრალიის ფარგლებს გარეთ, მოქმედებს მასპინძელთა ზარალისგან დაცვის აქ განმარტებული პირობები. მასპინძლები, რომლებიც ცხოვრობენ ან ახორციელებენ საქმიანობას ავსტრალიის ტერიტორიაზე, ექვემდებარებიან მასპინძელთა ზარალისგან დაცვის პირობებს ავსტრალიელი მომხმარებლებისთვის.

სტატიაში მოცემული ინფორმაცია, შესაძლოა, შეცვლილიყო მისი გამოქვეყნების შემდეგ.