პროგრამის „AirCover მასპინძლებისთვის“ მოქმედების პრინციპი

„AirCover მასპინძლებისთვის“ უზრუნველყოფს დაცვას ყოველი სტუმრობის დროს. დაცვის მექანიზმებში შედის სტუმრების ვინაობის დადასტურება, ჯავშნების შემოწმება, საცხოვრებლის შეთავაზებისას წარმოშობილი პასუხისმგებლობის დაზღვევა 1 მილიონი აშშ დოლარის ფარგლებში და მასპინძელთა ზარალისგან დაცვა 3 მილიონი აშშ დოლარის ფარგლებში. ამას გარდა, დაცულია როგორც ფასეული ნივთები, ისე საცხოვრებლის ტერიტორიაზე პარკირებული ავტომობილები და გემები.

ჩვენი გაერთიანება ნდობას ეფუძნება. სწორედ ამიტომ, ჯავშნის გამფორმებელი ყველა პირისთვის სავალდებულოა ვინაობის დადასტურების პროცედურის გავლა. სტუმრობის მსურველის ვინაობის დადასტურებისას ჩვენ ვამოწმებთ გარკვეულ პერსონალურ ინფორმაციას, როგორიცაა მისი ოფიციალური სახელი, მისამართი, ტელეფონის ნომერი თუ სხვა საკონტაქტო მონაცემები.

ვინაობის დადასტურების პროცედურის გავლის შემდეგ სტუმარს ენიჭება დადასტურებული ვინაობის ნიშანი. ის აისახება, როგორც მონიშვნის სიმბოლოს მქონე წითელი ნიშანი, რომელიც პროფილის ფოტოს გვერდით განთავსდება. ამას გარდა, შესაძლოა, შევამოწმოთ ბიოგრაფიული მონაცემები აშშ‑ში მცხოვრები სტუმრების შემთხვევაში.

შეიტყვეთ ვრცლად სტუმრობის მსურველთა ვინაობის დადასტურების შესახებ.

საზოგადოებრივი წესრიგის დარღვევისადმი ჩვენეული მიდგომა კრძალავს უნებართვო და სხვების შემაწუხებელი წვეულებების გამართვას. ამ წესების დაცვის უზრუნველსაყოფად და სხვების შემაწუხებელი წვეულებების გამართვის რისკის შესამცირებლად საკუთარ ტექნოლოგიას ვიყენებთ ჯავშნების შესამოწმებლად.

სისტემა ითვალისწინებს სხვადასხვა ფაქტორს, რის საფუძველზეც შემდეგ განსაზღვრავს, უნდა დაიბლოკოს თუ არა ჯავშნის გაფორმების მცდელობა. აღნიშნულ ფაქტორებს შორისაა საცხოვრებლის ტიპი, სტუმრობის ხანგრძლივობა, მანძილი სტუმრობის მსურველის მდებარეობიდან საცხოვრებლამდე, ფორმდება თუ არა ჯავშანი ბოლო წუთს და ა.შ.

შეიტყვეთ ვრცლად ჯავშნების შემოწმების ტექნოლოგიის შესახებ.

მასპინძელთა ზარალისგან დაცვა შემოთავაზებულია პროგრამის „AirCover მასპინძლებისთვის“ ფარგლებში და მოქმედებს, თუ სტუმარი არ გადაიხდის საცხოვრებლისთვის ან ნივთებისთვის მიყენებული ზიანის ხარჯს. გათვალისწინებულია:

• ზარალისგან დაცვა 3 მლნ აშშ დოლარის ფარგლებში: აღნიშნული მოიცავს საცხოვრებელსა და ყველაფერს, რაც შიგნითაა.
• ხელოვნების ნამუშევრებისა და ფასეული ნივთების დაცვა: შეიძლება აგინაზღაურდეთ ზარალი, თუ დაგიზიანდებათ საიუველირო ნაკეთობები, ხელოვნების ნამუშევრები ან საკოლექციო ნივთები.
• ავტომობილებისა და გემების დაცვა: დაცულია ავტომობილები, გემები და სხვა მცურავი საშუალებები, რომლებიც პარკირებულია ან ინახება საცხოვრებლის ტერიტორიაზე.
• შინაური ცხოველების მიერ მოყენებული ზიანის ანაზღაურება: ჩვენ აგინაზღაურებთ სტუმრების ოთხფეხა მეგობრების მიერ მოყენებულ ზიანს.
• საგულდაგულო დასუფთავება: აგინაზღაურდებათ დამატებითი დასუფთავების ხარჯები, თუ ჩამჯდარი ლაქების ან სიგარეტის სუნის მოცილება დაგჭირდებათ.
• დაკარგული შემოსავლის ანაზღაურება: აგინაზღაურდებათ დაკარგული შემოსავალი, თუ ჯავშნის გაუქმება სტუმრის მიერ მოყენებული ზიანის გამო მოგიწევთ.

შეიტყვეთ ვრცლად მასპინძელთა ზარალისგან დაცვის შესახებ.

თუ სტუმარი საცხოვრებელს ან ნივთებს დაგიზიანებთ, თქვენ (ან თქვენი სახელით მოქმედ, სრული წვდომის უფლების მქონე თანამასპინძელს) შეგეძლებათ ეწვიოთ საკითხების გადაწყვეტის ცენტრს, რომ წარმოადგინოთ ანაზღაურების მოთხოვნა, შემდეგ კი მარტივად ადევნოთ თვალი მთელ პროცესს: მოთხოვნის გადმოგზავნიდან ანაზღაურების მიღებამდე.

თქვენი მოთხოვნა ჯერ სტუმარს გაეგზავნება. თუ სტუმარი 24 საათის განმავლობაში არ გამოეხმაურება მოთხოვნას, ან თანხას არ გადაიხდის, საკითხის განხილვაში Airbnb‑ს ჩართვას შეძლებთ.

საცხოვრებლის შეთავაზებისას წარმოშობილი პასუხისმგებლობის დაზღვევა, რომელიც პროგრამის „AirCover მასპინძლებისთვის“ ფარგლებშია შემოთავაზებული, მასპინძლებისთვის უზრუნველყოფს დაფარვას 1 მლნ აშშ დოლარის ფარგლებში იმ იშვიათ შემთხვევებში, თუ სტუმრებს ფიზიკური ან მატერიალური ზიანი მიადგებათ Airbnb‑ზე განთავსებულ საცხოვრებელში სტუმრობისას. სადაზღვევო დაფარვა ვრცელდება მათზეც, ვინც მასპინძლობაში გეხმარებათ (მაგალითად, თანამასპინძლები და დამლაგებლები).

საცხოვრებლის შეთავაზებისას წარმოშობილი პასუხისმგებლობის დაზღვევით იფარება სამართლებრივი პასუხისმგებლობა, კერძოდ:

• სტუმრისთვის (ან სხვა პირებისთვის) მიყენებული ფიზიკური ზიანი.
• სტუმრის (ან სხვა პირების) კუთვნილი ნივთების დაზიანება ან მოპარვა.
• სტუმრის (ან სხვა პირების) მიერ საერთო გამოყენების სივრცეებისთვის (მაგალითად, შენობის შესასვლელებისა და მომიჯნავე საცხოვრებლებისთვის) მიყენებული ზიანი.

მოთხოვნის წარმოსადგენად ისარგებლეთ პასუხისმგებლობის დაზღვევასთან დაკავშირებული განაცხადის ფორმით. თქვენ მიერ მითითებული ინფორმაცია გადაეგზავნება ჩვენი ნდობით აღჭურვილ გარე სადაზღვევო კომპანიას, რომლის ერთ‑ერთი წარმომადგენელიც განიხილავს მას და გადაწყვეტილებას სადაზღვევო პოლისის პირობების შესაბამისად მიიღებს.

შეიტყვეთ ვრცლად საცხოვრებლის შეთავაზებისას წარმოშობილი პასუხისმგებლობის დაზღვევის შესახებ.

მომსახურებათა გამწევი მასპინძლები სარგებლობენ შთაბეჭდილებისა და მომსახურების შეთავაზებისას წარმოშობილი პასუხისმგებლობის დაზღვევით Airbnb‑სგან, რომელიც საცხოვრებლის შეთავაზებისას წარმოშობილი პასუხისმგებლობის იმ დაზღვევის მსგავს დაფარვას გთავაზობთ, რომელსაც „AirCover მასპინძლებისთვის“ ითვალისწინებს. ამას გარდა, მომსახურებათა მომწოდებელ ყველა მასპინძელს მომსახურების გაწევისას უნდა ჰქონდეს ადეკვატური დაფარვის მქონე პასუხისმგებლობის დაზღვევა.

შთაბეჭდილებისა და მომსახურების შეთავაზებისას წარმოშობილი პასუხისმგებლობის დაზღვევა მოქმედებს იმ შემთხვევაში, თუ მომსახურების მომწოდებელი მასპინძელი დააზიანებს საცხოვრებელს ან ნივთებს Airbnb‑ზე წარმოდგენილი მომსახურების თქვენ მიერ განთავსებულ საცხოვრებელში გაწევის დროს.

შეიტყვეთ ვრცლად შთაბეჭდილებისა და მომსახურების შეთავაზებისას წარმოშობილი პასუხისმგებლობის დაზღვევის შესახებ.

პროგრამის „AirCover მასპინძლებისთვის“ ფარგლებში მასპინძელთა ზარალისგან დაცვა, საცხოვრებლის შეთავაზებისას წარმოშობილი პასუხისმგებლობის დაზღვევა და შთაბეჭდილებისა და მომსახურებების შეთავაზებისას წარმოშობილი პასუხისმგებლობის დაზღვევა არ მოქმედებს Airbnb Travel LLC‑თი სარგებლობის შემთხვევაში, ასევე, არ ეხება იაპონიაში მოღვაწე მასპინძლებს (მათზე ვრცელდება იაპონიაში მასპინძელთა დაზღვევა და იაპონიაში შთაბეჭდილებების დაზღვევა). დაფარვის ყველა ლიმიტი მითითებულია აშშ დოლარში.

საცხოვრებლისა თუ შთაბეჭდილებისა და მომსახურების შეთავაზებისას წარმოშობილი პასუხისმგებლობის დაზღვევას უზრუნველყოფს გარე კომპანიები.

თუ სტუმრებს საცხოვრებლებს, შთაბეჭდილებებს ან მომსახურებებს გაერთიანებულ სამეფოში სთავაზობთ, საცხოვრებლისა თუ შთაბეჭდილებისა და მომსახურების შეთავაზებისას წარმოშობილი პასუხისმგებლობის სადაზღვევო პოლისებს უზრუნველყოფს Zurich Insurance Company Ltd. პოლისები უსასყიდლოდ მზადდება და ფორმდება გაერთიანებულ სამეფოში მოღვაწე მასპინძლებისთვის კომპანია Airbnb UK Services Limited‑ის მიერ, რომელიც კომპანია Aon UK Limited‑ის უფლებამოსილი წარმომადგენელია და რომლის საქმიანობაც კონტროლდება ფინანსური ზედამხედველობის სამმართველოს მიერ (Financial Conduct Authority, FCA). FCA‑ს რეესტრში Aon‑ის ნომერია 310451. აღნიშნულის გადასამოწმებლად შეგიძლიათ ეწვიოთ ფინანსური მომსახურების რეესტრის ვებსაიტს ან დაუკავშირდეთ FCA‑ს ნომერზე 0800 111 6768. პროგრამის „AirCover მასპინძლებისთვის“ ფარგლებში საცხოვრებლისა თუ შთაბეჭდილებისა და მომსახურების შეთავაზებისას წარმოშობილი პასუხისმგებლობის დაზღვევებს არეგულირებს FCA, ხოლო Airbnb UK Services Limited‑ის მიერ შემოთავაზებული სხვა პროდუქტები და სერვისები ზედამხედველობას არ ექვემდებარება. FPAFF609LC

თუ სტუმრებს ევროპის ეკონომიკურ ზონაში სთავაზობთ საცხოვრებელს, შთაბეჭდილებას ან მომსახურებას, საცხოვრებლის შეთავაზებისას წარმოშობილი პასუხისმგებლობის დაზღვევისა და შთაბეჭდილებისა და მომსახურების შეთავაზებისას წარმოშობილი პასუხისმგებლობის დაზღვევის პოლისების შემთხვევაში ანდერრაიტერს წარმოადგენს Zurich Insurance Europe AG, ესპანეთის ფილიალი, ხოლო ევროპის ეკონომიკურ ზონაში მასპინძლებისთვის მას უსასყიდლოდ უზრუნველყოფს და აფორმებს Airbnb Spain Insurance Agency S.L.U. (ASIASL), დამოუკიდებელი სადაზღვევო სააგენტო, რომელსაც ზედამხედველობას უწევს ესპანეთის სადაზღვევო და საპენსიო ფონდების გენერალური დირექტორატი (DGSFP) და რომელიც DGSFP‑ს სადაზღვევო დისტრიბუტორების რეესტრში რეგისტრირებულია ნომრით AJ0364 ესპანეთში. რეგისტრაციის გადამოწმება შესაძლებელია DGSFP‑ს სადაზღვევო დისტრიბუტორების რეესტრში, ხოლო ASIASL‑ის შესახებ სრულ ინფორმაციას შეგიძლიათ გაეცნოთ აქედან.

მასპინძელთა ზარალისგან დაცვა არ არის დაზღვევა და არც კავშირშია საცხოვრებლის შეთავაზებისას წარმოშობილი პასუხისმგებლობის დაზღვევასთან. ვაშინგტონის შტატში განთავსებული განცხადებების შემთხვევაში, მასპინძელთა ზარალისგან დაცვის პროგრამის ფარგლებში Airbnb‑ს სახელშეკრულებო ვალდებულებებს ფარავს Airbnb‑ს მიერ შეძენილი სადაზღვევო პოლისი. მასპინძლებისთვის, რომელთა საცხოვრებელი ან იურიდიულ პირად რეგისტრაციის ქვეყანა არის ავსტრალიის ფარგლებს გარეთ, მოქმედებს მასპინძელთა ზარალისგან დაცვის აქ განმარტებული პირობები. მასპინძლები, რომლებიც ცხოვრობენ ან ახორციელებენ საქმიანობას ავსტრალიის ტერიტორიაზე, ექვემდებარებიან მასპინძელთა ზარალისგან დაცვის პირობებს ავსტრალიელი მომხმარებლებისთვის.

სტატიაში მოცემული ინფორმაცია, შესაძლოა, შეცვლილიყო მისი გამოქვეყნების შემდეგ.