ახალი ინფორმაცია მასპინძლებისთვის, რომლებიც ელფოსტის ალტერნატიული მისამართის ფუნქციას იყენებენ
კარგად გვესმის, რომ სტუმრებთან დაუბრკოლებელი კომუნიკაცია უაღრესად მნიშვნელოვანია, ამიტომ მუდმივად ვცდილობთ, გავამარტივოთ ერთმანეთთან დაკავშირებისა და ინფორმაციის მიმოცვლის საშუალებები.
ჩვენი გაერთიანების წევრების კონფიდენციალურობის დაცვით მიზნით, Airbnb არასოდეს უზიარებდა ერთმანეთს სტუმრებისა თუ მასპინძლების ელფოსტის მისამართებს. სტუმრებთან დაკავშირების ერთ‑ერთი ხერხი, რომელსაც მასპინძლებს ვთავაზობდით, იყო ელფოსტის ალტერნატიული მისამართის ფუნქცია, რომელიც სტუმრებისთვის ელფოსტის უნიკალურ და ანონიმურ მისამართს ქმნიდა — დაახლოებით ისეთს, როგორიცაა, მაგალითად, sophio-dfsnsns@guest.airbnb.com.
Airbnb‑ს მიმოწერის სისტემა კომუნიკაციის მთავარი საშუალებაა მასპინძლებისა და სტუმრებისთვის მთელი მსოფლიოს მასშტაბით. გაცნობებთ, რომ 2023 წლის 30 სექტემბერს ელფოსტის ალტერნატიული მისამართის ფუნქციის გაუქმებას ვაპირებთ.
თუ სტუმრებისთვის მნიშვნელოვანი დოკუმენტების გასაგზავნად ელფოსტის ალტერნატიულ მისამართს იყენებდით, აღნიშნული ინფორმაციის მათთვის გაზიარების სხვა ხერხებიც არსებობს:
- Airbnb‑ს მიმოწერის სისტემა, ასევე, სატელეფონო ზარები ან SMS‑შეტყობინებები. ამ ფუნქციების მხრივ არაფერი შეიცვლება.
- დეტალური ინფორმაციის გამოქვეყნება პირდაპირ განცხადებაში. სტუმრები მათთვის საჭირო დროს შეძლებენ საგულისხმო მონაცემებზე წვდომას.
- დოკუმენტების ბმულების გაგზავნა. Airbnb‑ს მიმოწერის სისტემის მეშვეობით შეგიძლიათ ბმულების გაგზავნა.
ჩვენ მუდმივად ვზრუნავთ ისეთი ხელსაწყოების შემუშავებაზე, რომლებიც სტუმრებთან ეფექტურ კომუნიკაციაში გეხმარებათ. აქედან გამომდინარე, თქვენი მოსაზრებები ჩვენთვის ძალიან მნიშვნელოვანია.