გამოცადეთ Airbnb შთაბეჭდილებების გაუქმების მოქნილი წესები

Airbnb‑ს კვლევის თანახმად, სტუმრებს მოსწონთ, როცა აუცილებლობის შემთხვევაში ჯავშნების უფასოდ გაუქმების შესაძლებლობა აქვთ. ამგვარად, აღარ უწევთ ყველაფრის წინასწარ დაგეგმვაზე ზრუნვა და უფრო სპონტანურად მოგზაურობენ.

ამავე დროს, მასპინძლებისგან შევიტყვეთ, რომ რთულ მდგომარეობაში ექცევიან, როცა სტუმრები შთაბეჭდილების ჯავშანს ბოლო წუთს აუქმებენ. გვესმის, რომ საუკეთესო შთაბეჭდილების შესათავაზებლად დროსა და ძალისხმევას არ იშურებთ, გაუქმება კი თქვენს შემოსავალზე აისახება.

თქვენგან მიღებული გამოხმაურების საფუძველზე, გადავწყვიტეთ, განვაახლოთ შთაბეჭდილებების ჯავშნების გაუქმების წესები. დაიხმარეთ ისინი, რომ ფინანსურად ნაკლებად დაზარალდეთ, თუ სტუმარი ჯავშანს ბოლო წუთს გააუქმებს. ამიერიდან გაუქმების მოქნილი ან შედარებით მკაცრი წესების არჩევის საშუალება გექნებათ. არჩევანი არც სტუმრებს შეეზღუდებათ და ყველანი იპოვიან Airbnb შთაბეჭდილებებს სასურველი პირობებით.

2021 წლის 10 ნოემბრიდან შთაბეჭდილებების ყველა მასპინძელს ვიწვევთ სტუმრებისთვის ჯავშნების გაუქმების ახალი, უფრო მოქნილი წესების შესათავაზებლად. თქვენ საშუალება გექნებათ, აირჩიოთ მოდიფიცირებული ამჟამინდელი ან ახალი წესები:

• მოდიფიცირებული ამჟამინდელი: სტუმრებს შეუძლიათ შთაბეჭდილების ჯავშნის უფასოდ გაუქმება დაწყების დრომდე არაუგვიანეს 7 დღით ადრე ან დაჯავშნიდან 24 საათის განმავლობაში (თუ ჯავშანი დაწყების დრომდე არაუგვიანეს 48 საათით ადრე გაფორმდება).

• უფრო მოქნილი: სტუმრებს შეუძლიათ შთაბეჭდილების ჯავშნის უფასოდ გაუქმება დაწყების დრომდე არაუგვიანეს 24 საათით ადრე.

გაუქმების ადრინდელი წესების თანახმად, დაწყების დრომდე 7 დღით ადრე ან დაჯავშნიდან 24 საათის განმავლობაში სტუმრებს შთაბეჭდილების ჯავშნის გაუქმება თანხის სრულად დაბრუნებით შეეძლოთ, თუმცა მასპინძლებისგან შევიტყვეთ, რომ ეს წესები არ აწყობდათ, რადგან ისინი ბოლო წუთს გაფორმებული ჯავშნების გაუქმების შემთხვევაშიც თანხის სრულად დაბრუნებას ითვალისწინებდა.

მასპინძლებს სურდათ, მეტი კონტროლი ჰქონოდათ გაუქმების წესებზე. ამ განახლების მიზანია, ბოლო წუთს გაფორმებული ჯავშნების გაუქმების შემთხვევების თავიდან ასარიდებლად აღარ იყოს საჭირო შთაბეჭდილების ჯავშნების მიღების შეწყვეტა დაწყების დრომდე 48 საათით ადრე.

Airbnb შთაბეჭდილებების გაუქმების არსებულ წესებში შეტანილი ცვლილებების მიზანი ბოლო წუთს გაუქმების შემთხვევების მინიმუმამდე შემცირებაა. ამიერიდან მასპინძლები უფრო მეტად იქნებიან დაცული შემოსავლის დაკარგვისგან, თუ სტუმარი ჯავშანს გააფორმებს, როცა დაწყების დრომდე დარჩენილია 48 საათზე ნაკლები, შემდეგ კი გააუქმებს.

მასპინძლებს ვურჩევთ, გაუქმების ახალი, უფრო მოქნილი წესები აირჩიონ, თუ მათთვის მისაღებია, რომ სტუმრებს ჯავშნის უფასოდ გაუქმების საშუალება დაწყების დრომდე არაუგვიანეს 24 საათით ადრე ჰქონდეთ. ჩვენი კვლევის თანახმად, სტუმრების უმეტესობა აღნიშნავს, რომ როგორც ონლაინ, ისე ადამიანების ფიზიკური მონაწილეობით შეთავაზებული შთაბეჭდილებების დაჯავშნისას უპირატესობას ანიჭებენ გაუქმების მოქნილ პირობებს. აქედან გამომდინარე, გაუქმების შემთხვევების მიუხედავად, აღნიშნული წესების არჩევის შემდეგ, საერთო ჯამში, შეიძლება მეტი ჯავშანი მიიღოთ.

თუ ჯავშნის მიღებიდან შთაბეჭდილების შეთავაზებამდე დიდი დრო ან მომზადება გჭირდებათ, გირჩევთ, კვლავ მოდიფიცირებული ამჟამინდელი წესებით იხელმძღვანელოთ, თუმცა გაითვალისწინეთ, რომ ამ შემთხვევაში სტუმრებს ნაკლებად მოქნილ პირობებს სთავაზობთ.

დამატებითი ინფორმაციისთვის ეწვიეთ დახმარების ცენტრს.