ვარიანტების გასაცნობად დაიწყეთ საძიებო მოთხოვნის აკრეფა. ნავიგაციისთვის გამოიყენეთ კლავიშები ზემოთ ან ქვემოთ მიმართული ისრებით. ასარჩევად გამოიყენეთ კლავიში Enter. არჩეული ფრაზა საძიებო ველს დაემატება, ბმულის არჩევის შემთხვევაში კი ბრაუზერში შესაბამისი გვერდი გაიხსნება.
ინსტრუქცია
მასპინძელი

ადაპტირებული პირობების მითითება განცხადებებში

ადაპტირებული პირობების მითითების შემთხვევაში, თქვენი განცხადებით მეტ ადამიანს დააინტერესებთ — ბევრი მათგანი საცხოვრებელს ინდივიდუალური საჭიროებების მიხედვით ეძებს.

მოქმედების პრინციპი

პირველ რიგში, დარწმუნდით, რომ განცხადება გამოქვეყნებული გაქვთ, შემდეგ კი ჩაასწორეთ ინფორმაცია ოთახებისთვის და მიუთითეთ თითოეული ადაპტირებული პირობა მინიმუმ ერთი მკაფიო ფოტოს თანხლებით.

განცხადების ჩასწორება ადაპტირებული პირობების მისათითებლად

  1. გადადით მენიუზე, დაწკაპუნებით აირჩიეთ განცხადებები, შემდეგ კი — განცხადება, რომლის ჩასწორებაც გსურთ (გაითვალისწინეთ, რომ ადაპტირებული პირობების მისათითებლად განცხადება უკვე გამოქვეყნებული უნდა იყოს).
  2. გადადით ადაპტირებულობაზე და დაწკაპუნებით აირჩიეთ ჩასწორება.
  3. აირჩიეთ, რომელი ოთახისთვის გსურთ ადაპტირებული პირობების მითითება, შემდეგ კი დაწკაპუნებით აირჩიეთ დამატება.
  4. აირჩიეთ კონკრეტული ადაპტირებული პირობა, რომლის მითითებაც გსურთ. ამას გარდა, ფოტოს დამატებასაც გთხოვთ.
  5. ფოტოებისა და წარწერების დამატების შემდეგ დაწკაპუნებით აირჩიეთ შენახვა.

დაგჭირდებათ თითოეული ადაპტირებული პირობის მინიმუმ ერთი ფოტოს დამატება. ადაპტირებული პირობები და ფოტოები უნდა პასუხობდეს ჩვენს მითითებებს, რომლებიც მოცემულია ქვემოთ. ჩვენს მითითებებთან შესაბამისობის დადასტურების შემდეგ, თქვენ მიერ შეთავაზებული ადაპტირებული პირობები განთავსება თქვენი განცხადების ადაპტირებული პირობების სექციაში.

შენიშვნა: თუ Airbnb‑ს უკავშირდებით არხების მენეჯერის ან ობიექტების მართვის პროგრამული უზრუნველყოფის მეშვეობით (და გააქტიურებული გაქვთ სრული სინქრონიზაცია), ადაპტირებული პირობები უნდა განაახლოთ შესაბამისი პროგრამული უზრუნველყოფის მეშვეობით. დამატებითი ინფორმაციისთვის მიმართეთ პროგრამული უზრუნველყოფის მომწოდებელს.

გაინტერესებთ, რას გულისხმობს შინაურობის განცდა და წინასწარგანწყობებისგან თავისუფალი დამოკიდებულება? გაეცანით ადაპტირებულობასთან დაკავშირებულ წესებს.

ადაპტირებული პირობების განმარტებები და მითითებები ფოტოებთან დაკავშირებით

განცხადებაში ამა თუ იმ ადაპტირებული პირობის მითითებამდე გაეცანით ქვემოთ მოცემულ განმარტებებს და დარწმუნდით, რომ საცხოვრებელი ან მისი ცალკეული ოთახები აკმაყოფილებს შესაბამის მოთხოვნებს. ამასთან, გირჩევთ, გაეცნოთ ფოტოებზე ადაპტირებული პირობების ასახვის გზამკვლევს Airbnb‑სგან.

პარკირების ადაპტირებული ადგილი

განმარტება:


არის მანქანით მისასვლელი კერძო გზა, რომლის სიგანეც მინიმუმ 3,3 მეტრია, ან შშმ პირებისთვის განკუთვნილი პარკირების ადგილი მკაფიო მანიშნებლებით.


კრიტერიუმები ფოტოებისთვის:


წარმოაჩინეთ, რამდენად ახლოსაა პარკირების ადგილი სტუმრების შესასვლელთან, ასევე, ადაპტირებული ადგილის მანიშნებლები ან აღნიშვნები. თუ მანქანით მისასვლელი გზა კერძოა, შეძლებისდაგვარად, აღბეჭდეთ ის მთლიანად, მასზე გაჩერებულ ავტომობილთან ერთად, რომ სიგანის აღქმა იყოს შესაძლებელი.

განათებული ბილიკი სტუმრების შესასვლელამდე

განმარტება:


სტუმრების შესასვლელისკენ მიმავალი ტროტუარი ან ბილიკი, რომელიც განათებულია ღამის საათებში გადაადგილების გასამარტივებლად.


კრიტერიუმები ფოტოებისთვის:


გადაიღეთ ფოტოები შორი მანძილიდან ისე, რომ აღბეჭდოთ განათების ყველა წყარო ბილიკის გასწვრივ (მაგ., ქუჩის განათება ან სენსორული სანათები შენობასთან ახლოს).

უსაფეხურო ბილიკი სტუმრების შესასვლელამდე

განმარტება:


სტუმრების შესასვლელამდე გარე და შიდა მისასვლელი (მაგალითად, ტროტუარი, დერეფანი ან ლიფტი), რომელსაც არ აქვს საფეხურები, კიბეები თუ ბორდიურები.


კრიტერიუმები ფოტოებისთვის:


მკაფიოდ წარმოაჩინეთ სტუმრების შესასვლელამდე მიმავალი ბილიკი. კორპუსებისა და სასტუმროების შემთხვევაში, ატვირთეთ ბინამდე ან ნომრამდე მისასვლელი მთელი გზის ფოტოები, მათ შორის, თითოეული ზღურბლის, ფოიეს, დერეფნებისა თუ ლიფტის კადრები. კარები ღია უნდა იყოს და ჩანდეს, რომ არცერთ ზღურბლთან არ არის საფეხურები.

სტუმრების უსაფეხურო შესასვლელი

განმარტება:


სტუმრების შესასვლელი, რომელშიც არ არის საფეხურები ან 5 სმ‑ზე მაღალი ზღურბლები.


კრიტერიუმები ფოტოებისთვის:


მკაფიოდ წარმოაჩინეთ სტუმრების შესასვლელამდე მიმავალი ბილიკი ღია კარით. გადაიღეთ შესასვლელის ფოტო გარედან ისე, რომ შიდა ნაწილიც ჩანდეს.

სტუმრების შესასვლელი, მინიმუმ 81 სმ სიგანის

განმარტება:


სტუმრების მთავარი შესასვლელის სიგანე უნდა იყოს მინიმუმ 81 სმ.


კრიტერიუმები ფოტოებისთვის:


მოათავსეთ საზომი ლენტი ან სახაზავი კარის ღიობის შიგნით ისე, რომ მკაფიოდ ჩანდეს ორივე ბოლო და რიცხვები. კარი უნდა იყოს მაქსიმალურად ღია.

უსაფეხურო შესასვლელი ოთახებში


(ყველა ტიპის ოთახში)

განმარტება:


ოთახი პირველ სართულზეა, ან მასში მოხვედრა შესაძლებელია ლიფტის/პანდუსის მეშვეობით. სტუმრების შესასვლელიდან ოთახამდე გზად არ არის კიბეები, საფეხურები და არც 5 სმ‑ზე მაღალი ზღურბლები.


კრიტერიუმები ფოტოებისთვის:


მთლიანად წარმოაჩინეთ საძინებელში შესასვლელი ზონა ღია კარით.

ოთახის შესასვლელი, მინიმუმ 81 სმ სიგანის


(ყველა ტიპის ოთახის)

განმარტება:


ოთახის შესასვლელი ან კარის ღიობი, რომლის სიგანეც მინიმუმ 81 სმ‑ია.


კრიტერიუმები ფოტოებისთვის:


მოათავსეთ საზომი ლენტი ან სახაზავი კარის ღიობის შიგნით ისე, რომ მკაფიოდ ჩანდეს ორივე ბოლო და რიცხვები. კარი უნდა იყოს მაქსიმალურად ღია.

უსაფეხურო საშხაპე

განმარტება:


საშხაპეში მოსახვედრად არ არის საჭირო საფეხურებზე ასვლა ან სხვა დაბრკოლებების დაძლევა. ზღურბლების სიმაღლე უნდა იყოს 2,5 სმ‑ზე ნაკლები.


კრიტერიუმები ფოტოებისთვის:


მთლიანად წარმოაჩინეთ საშხაპე, მათ შორის, ადგილი, სადაც ის სააბაზანოს იატაკს უერთდება.

საშხაპის ან აბაზანის სკამი

განმარტება:


საშხაპეში ან აბაზანაში არის სკამი (კედელთან მიმაგრებული ან ცალკემდგომი). დასაჯდომი ადგილი განკუთვნილი უნდა იყოს სპეციალურად გადაადგილების შეზღუდვის მქონე პირებისთვის.


კრიტერიუმები ფოტოებისთვის:


მთლიანად წარმოაჩინეთ საშხაპეში ან აბაზანაში არსებული სკამი.

ხელის მოსაჭიდი ფიქსირებული მილი საშხაპისთვის

განმარტება:


საშხაპეში არის ხელის მოსაჭიდი მინიმუმ ერთი მილი, რომელიც ხრახნებით ან სხვა საშუალებით მყარადაა მიმაგრებული კედელთან და სრულად უძლებს წონას. ხელის მოსაჭიდად არ გამოდგება პირსახოცების საკიდი და ის არ უნდა იყოს დროებითი ან საწოვარებით მიმაგრებული.


კრიტერიუმები ფოტოებისთვის:


მთლიანად წარმოაჩინეთ საშხაპე — ხელის მოსაჭიდი მილი და საშხაპეში მისი მდებარეობა მკაფიოდ უნდა ჩანდეს.

ხელის მოსაჭიდი ფიქსირებული მილები უნიტაზისთვის

განმარტება:


უნიტაზთან არის ხელის მოსაჭიდი მინიმუმ ერთი მილი, რომელიც ხრახნებით ან სხვა საშუალებით მყარადაა მიმაგრებული კედელთან და სრულად უძლებს წონას. ხელის მოსაჭიდად არ გამოდგება პირსახოცების საკიდი და ის არ უნდა იყოს დროებითი ან საწოვარებით მიმაგრებული.


კრიტერიუმები ფოტოებისთვის:


მკაფიოდ წარმოაჩინეთ ხელის მოსაჭიდი მილი და მისი მდებარეობა უნიტაზთან.

ჭერის ან მობილური ამწე

განმარტება:


საცხოვრებელში არის სპეციალური მოწყობილობა, რომელსაც შეუძლია შშმ პირის ეტლში ჩასმა და გადმოსმა. ის შეიძლება იყოს ჭერზე მიმაგრებული ან ცალკემდგომი.


კრიტერიუმები ფოტოებისთვის:


წარმოაჩინეთ ამწე და მისი მდებარეობა საძინებელსა თუ სააბაზანოში.

საცურაო ან ჰიდრომასაჟიანი აუზის ამწე

განმარტება:


საცხოვრებელში არის სპეციალური მოწყობილობა, რომელსაც შეუძლია შშმ პირის საცურაო ან ჰიდრომასაჟიან აუზში ჩასმა და გადმოსმა.


კრიტერიუმები ფოტოებისთვის:


წარმოაჩინეთ ამწე და მისი მდებარეობა საცურაო თუ ჰიდრომასაჟიან აუზთან.

დაგეხმარათ ეს სტატია?

დაკავშირებული სტატიები

მიიღეთ დახმარება ჯავშნებთან, ანგარიშთან და სხვა საკითხებთან დაკავშირებით.
შესვლა ან რეგისტრაცია