პროფილის შექმნა

განაცხადის წარმოდგენისა და პროგრამაში მონაწილეობის კრიტერიუმებთან თქვენი შესაბამისობის დადასტურების შემდეგ საშუალება გექნებათ, შეავსოთ პროფილი გამოცდილი თანამასპინძლების პლატფორმისთვის. პროფილის გამოქვეყნების შემდეგ თქვენთან დაკავშირებას შეძლებენ ახლოს მცხოვრები მასპინძლები, რომელთაც სჭირდებათ დახმარება სტუმრების მიღების კუთხით.

პროფილი თქვენი მომსახურებების პოპულარიზაციის საუკეთესო ხერხია, ამიტომ გაითვალისწინეთ შემდეგი 5 საკითხი:

1. დაამატეთ ფოტო. შესანიშნავი ფოტო ძალზე მნიშვნელოვანია.

2. აირჩიეთ, როგორ იყოს მითითებული თქვენი სახელი. გირჩევთ, გამოიყენოთ მხოლოდ სახელი (გვარის გარეშე).

3. შეავსეთ ბიოგრაფიის სექცია. წარუდგინეთ თქვენი თავი დაინტერესებულ პირებს და უამბეთ მათ მასპინძლობისადმი თქვენეული მიდგომის შესახებ. აღნიშნეთ, რა ტიპის მომსახურებების გაწევა შეგიძლიათ, რომელი უნარ‑ჩვევები გაქვთ და რა გმატებთ მოტივაციას.

4. დააწესეთ მომსახურების სტანდარტული გადასახადი. ის, თუ რა თანხაზე შეთანხმდებით თითოეულ მასპინძელთან, თქვენი გადასაწყვეტია.

5. აირჩიეთ მომსახურების ზონა. დაამატეთ მდებარეობები, სადაც შეგიძლიათ თანამასპინძლობის მომსახურებათა გაწევა.

„ისეთ ობიექტებს ვარჩევ ხოლმე, რომლებიც სახლიდან 15 წუთის სავალზე მაქვს, რადგან ძალიან მომწონს აქტიური ჩართულობა“, — გვიზიარებს კეიტი კეი, მრჩეველ მასპინძელთა საბჭოს წევრი ლეიკ‑ეროუჰედიდან (კალიფორნია, აშშ), და დასძენს: „თითოეულ საცხოვრებელს კვირაში რამდენჯერმე ვსტუმრობ“.

პროფილის ყველაზე ეფექტურ ფოტოებს შემდეგი საერთო მახასიათებლები აქვს:

• კადრის ცენტრში მოქცეული ერთადერთი ადამიანი;

• ვერტიკალური ორიენტაცია (გვერდების ჩამოჭრის შესაძლებლობით);

• ბუნებრივად განათებული მარტივი ფონი (მაგალითად, გარეთ ჩრდილში);

• კარგი ხარისხი (მინიმუმ 800 პიქსელი);

• სელფისგან განსხვავებული სტილი (სთხოვეთ ვინმეს, გადაგიღოთ ფოტო, ან გამოიყენეთ ტაიმერი).

არ გამოიყენოთ ბლიცი, ფონური განათება, ლოგოტიპები და ზედმეტად ფართო კადრები.

აი, როგორ გიპოვიან თქვენთან ახლოს მცხოვრები მასპინძლები:

1. გამოცდილი თანამასპინძლების პლატფორმის მთავარი გვერდიდან მასპინძლები შეხებით ან დაწკაპუნებით აირჩევენ „ახლომახლო თანამასპინძლის პოვნის“ ღილაკს, შემდეგ კი მიუთითებენ მათ მიერ განთავსებული საცხოვრებლის მისამართს.

2. თუ ახლომახლო აღმოჩნდებით, მასპინძლები გაეცნობიან თქვენს პროფილს, მათ შორის, თქვენს სახელს, ფოტოს, ბიოგრაფიასა და იმას, თუ რა თანხას ითხოვთ.

3. მასპინძლებს საშუალება ექნებათ, დახმარებისთვის ერთ ან რამდენიმე გამოცდილ თანამასპინძელს მიმართონ.

ამას გარდა, Airbnb‑ც უწევს ორგანიზებას ონლაინკამპანიებს, რომელთა ფარგლებშიც ის მასპინძლებს უგზავნის საინფორმაციო ელწერილებს გამოცდილი თანამასპინძლების შესახებ.

სტატიაში მოცემული ინფორმაცია, შესაძლოა, შეცვლილიყო მისი გამოქვეყნების შემდეგ.