Airbnb‑ს 2022 წლის ზაფხულის განახლება: სიახლე შთაბეჭდილებებისთვის

Airbnb‑ს მეშვეობით შეთავაზებული თითოეული საცხოვრებელი და შთაბეჭდილება უნიკალურია, თუმცა ძიების ტრადიციული მეთოდებით მათი პოვნა არ იყო იოლი, რადგან საძიებო ველში კონკრეტული თარიღებისა და მიმართულების მითითების შემდეგ სტუმრები მხოლოდ მათი საძიებო მოთხოვნის შესაბამის შედეგებს იღებდნენ.

Airbnb‑ს 2022 წლის ზაფხულის განახლების ფარგლებში, აპისა და ვებსაიტის დიზაინი ძირეულად შეიცვალა და ის ამიერიდან Airbnb კატეგორიებს ეფუძნება. Airbnb‑ს მეშვეობით ძიებისას სტუმრებს ვთავაზობთ 50‑ზე მეტ კატეგორიას, რომლებიც თავს უყრის სტილის, მდებარეობისა და ახლომახლო აქტივობების მიხედვით შერჩეულ ვარიანტებს.

Airbnb‑ს ვებსაიტისა და აპის დიზაინი იმგვარად შეიცვალა, რომ საინტერესო ვარიანტების პოვნა შესძლებოდა სტუმრობის გაცილებით მეტ მსურველს, რომელიც დაგეგმვის ადრეულ ეტაპზე იმყოფებოდა. ამ სტატიაში გთავაზობთ პასუხებს ხშირად დასმულ შეკითხვებზე იმის შესახებ, თუ როგორ აისახება ცვლილებები მასპინძლებზე, რომლებიც სტუმრებს Airbnb შთაბეჭდილებებს სთავაზობენ.

ბრაუზერით სარგებლობის შემთხვევაში, სტუმრებს შთაბეჭდილებებისა და ონლაინშთაბეჭდილებების პოვნა შეუძლიათ თარიღებისა თუ მიმართულების მისათითებლად საძიებო ველზე დაწკაპუნებისას.

სტუმრებს, რომლებიც სარგებლობენ მობილური აპით, შთაბეჭდილებების პოვნა შეუძლიათ ეკრანის ზედა ნაწილში მოცემულ საძიებო ველზე შეხებითა და სასურველი თარიღებისა თუ მიმართულების არჩევით.

ვებსაიტზე Airbnb.com სტუმრებს შეუძლიათ დაწკაპუნებით ან შეხებით აირჩიონ საძიებო ველი და საცხოვრებლების ძიებიდან გადავიდნენ შთაბეჭდილებების ან ონლაინშთაბეჭდილებების ძიებაზე.

მობილური აპით სარგებლობის შემთხვევაში, სტუმრებს შეუძლიათ შეხებით აირჩიონ საძიებო ველი და საცხოვრებლების ძიებიდან გადავიდნენ შთაბეჭდილებების ან ონლაინშთაბეჭდილებების ძიებაზე. ონლაინშთაბეჭდილებების პოვნა ამ ეტაპზე ვერ მოხერხდება აპის iOS‑ისთვის განკუთვნილ ვერსიაში.

სტუმრების მიერ საცხოვრებლის დაჯავშნისას მათ კვლავინდებურად შევთავაზებთ შთაბეჭდილებებს, რომელთა მიღებაც ახლომახლო შეუძლიათ. ეს ინფორმაცია ხელმისაწვდომი იქნება „სტუმრობების“ სექციაში როგორც Airbnb.com‑ზე, ისე მობილურ აპში.

სტუმრებს თქვენ მიერ შეთავაზებული შთაბეჭდილების გვერდის პოვნა რომ გაუმარტივოთ, ერთ‑ერთი ხერხია განცხადებაში ისეთი სიტყვების გამოყენება, რომელთა მიხედვითაც ხშირად ხორციელდება ძიება. მაგალითად, თუ განცხადების სათაურსა და აღწერილობას შესაბამის საძიებო საკვანძო სიტყვებს დაურთავთ, სტუმრები, რომლებიც აღნიშნული სიტყვებით ახორციელებენ ძიებას, უფრო ადვილად მიაგნებენ თქვენ მიერ მათთვის შეთავაზებულ შთაბეჭდილებას.

სტუმრებისთვის შეთავაზებული შთაბეჭდილების პოპულარიზაცია სოციალური ქსელების მეშვეობითაც შეგიძლიათ. მაგალითად:

• გამოაქვეყნეთ პუბლიკაციები საჯაროდ და რეგულარულად, რომ მაქსიმალურად მეტი ადამიანი მოიცვათ.

• დაურთეთ თქვენ მიერ შეთავაზებული შთაბეჭდილების ბმული, რომ სტუმრებმა მარტივად დაჯავშნონ.

• უბიძგეთ სტუმრებს, მოგნიშნონ თავიანთ პუბლიკაციებში, ასევე, გამოიყენონ ჰეშთეგები #airbnbexperiences ან #airbnbonlineexperiences. ამასთან, არ დაგავიწყდეთ მათ მიერ ამგვარად გამოქვეყნებული კონტენტის მოწონება, გაზიარება და მისთვის კომენტარების დართვა.

შეიტყვეთ ვრცლად Airbnb‑ს 2022 წლის ზაფხულის განახლების შესახებ.