ვიდეორგოლის შექმნა ფიზიკური მონაწილეობით შეთავაზებული შთაბეჭდილებისთვის

დაიხმარეთ ეს მარტივი გზამკვლევი, რომ ფიზიკური მონაწილეობით შეთავაზებული შთაბეჭდილების გვერდისთვის უნიკალური და მიმზიდველი ვიდეორგოლი შექმნათ. ეს მომსახურება უფასოა ყველა მასპინძლისთვის, რომელსაც შეთავაზებული აქვს შთაბეჭდილება ფიზიკური მონაწილეობით.

პროცესი მარტივია. თქვენგან დაგვჭირდება მხოლოდ რამდენიმე ვიდეონაწყვეტი, რომლებზეც აღბეჭდილია სტუმრებისთვის შეთავაზებული შთაბეჭდილების ყველაზე სამახსოვრო მომენტები. ვიდეონაწყვეტების მიღების შემდეგ პროფესიონალთა გუნდი დაამონტაჟებს მასალას, ხოლო დასრულებულ ვიდეორგოლს თქვენს გვერდს დაამატებს.

გადაიღეთ სტუმრებისთვის შეთავაზებული შთაბეჭდილების სხვადასხვა ასპექტის ამსახველი რამდენიმე ვიდეო. სასურველია, თითოეული ვიდეონაწყვეტი 10–15‑წამიანი იყოს. ყველა ვიდეონაწყვეტი გადაღებული უნდა იყოს ვერტიკალურად, ანუ გადაღებისას ტელეფონი ყოველთვის შესაბამის პოზიციაში უნდა გეჭიროთ.

გთავაზობთ რამდენიმე იდეას, თუ რა გადაიღოთ:

• შეთავაზებული შთაბეჭდილების გამორჩეული ასპექტები

• მდებარეობა და გარემო

• გამოყენებული მასალები და ობიექტები ახლო კადრით

• თქვენსა და სტუმრებს შორის ურთიერთობის მომენტები

• საბოლოო პროდუქტი ან შთაბეჭდილების დასკვნითი ნაწილი

არ დაგავიწყდეთ, აღბეჭდოთ შთაბეჭდილების საინტერესო ასპექტები სხვადასხვა რაკურსითა და დაშორებით (მაგალითად, პირდაპირი რაკურსით, ზემოდან, შორიდან და ახლოდან).

• გამოიყენეთ სმარტფონი, მაგალითად, iPhone ან Android. ახალ მოდელებს ვიდეოს კარგი ხარისხი აქვს.

• დაგეგმეთ, რას გადაიღებთ, როცა მეგობრებსა თუ ოჯახის წევრებს საცდელად შესთავაზებთ შთაბეჭდილებას.

• არ მოახვედროთ კადრში ზედმეტი ნივთები, რომ სტუმრებმა მხოლოდ ყველაზე მნიშვნელოვანი ობიექტები იხილონ.

• ზოგიერთი ვიდეონაწყვეტი მეგობარს გადააღებინეთ, კადრში თქვენც რომ გამოჩნდეთ.

• მონაწილეების ნებართვა: ვიდეონაწყვეტების ასატვირთად უნდა გქონდეთ იმ ადამიანების ნებართვა, რომლებიც კადრებში ჩანან. მათ უნდა იცოდნენ, რომ ვიდეორგოლი საჯარო იქნება.

• ხმა კადრს მიღმა და ფონური მუსიკა: ჩაიწერეთ მხოლოდ ის ხმები, რომლებსაც სტუმრები შთაბეჭდილების შეთავაზებისას რეალურად გაიგონებენ — არ დაამატოთ ვიდეონაწყვეტებს ხმა კადრს მიღმა ან მუსიკა.

• ლოგოები ან საავტორო უფლებებით დაცული სხვა გამოსახულებები: არ აღბეჭდოთ კადრში ბრენდირებული პროდუქცია, როგორიცაა, მაგალითად, ლოგოებიანი მაისურები თუ ქუდები.

• ალკოჰოლი: არ გადაიღოთ სტუმრები ალკოჰოლური სასმელების მიღების პროცესში. თუ ალკოჰოლური სასმელები შთაბეჭდილების ნაწილია (მაგ., ბარების შემოვლის ან ღვინის დეგუსტაციის შემთხვევაში), გადაიღეთ ალკოჰოლური სასმელების დასხმის ან მაგიდაზე განაწილების კადრები.

• კანონსაწინააღმდეგო ქცევა: ვიდეონაწყვეტები არ უნდა ასახავდეს სახიფათო ან სექსუალური შინაარსის სცენებს (მათ შორის, არც სიშიშვლეს), ნებისმიერი სახის ნარკოტიკის მოხმარებასა თუ სხვა აკრძალულ მოქმედებებს.

• ბავშვები: 18 წელზე უმცროსი ასაკის სტუმრები მხოლოდ თანმხლებ ზრდასრულთან ერთად გადაიღეთ.

• კონტენტის დებულება: არ ასახოთ კონტენტი, რომელიც არღვევს კონტენტის დებულებას ან საავტორო უფლებების დებულებას.

• რეგიონული გამონაკლისები: ამ ფუნქციით ვერ ისარგებლებენ მასპინძლები, რომლებიც კონტინენტურ ჩინეთში სთავაზობენ შთაბეჭდილებას ფიზიკური მონაწილეობით.

• აირჩიეთ 5-დან 10-მდე საუკეთესო ვიდეონაწყვეტი და ატვირთეთ „ვიდეოს“ ჩანართის გამოყენებით, სექციიდან შეთავაზებული შთაბეჭდილებები. გამოგვიგზავნეთ მხოლოდ ორიგინალი, დაუმონტაჟებელი ვიდეონაწყვეტები, ფილტრებისა თუ ეფექტების გარეშე.

• ვიდეონაწყვეტების მეშვეობით მემონტაჟეები ვიდეორგოლს აგიწყობენ.

• ვიდეორგოლის შექმნას დაახლოებით 1‑2 კვირა სჭირდება. როცა ვიდეორგოლი მზად იქნება, ის პირდაპირ თქვენი განცხადების გვერდზე აიტვირთება.

თუ ვიდეორგოლთან დაკავშირებით შეკითხვები გაქვთ, ან მისი შეცვლა გსურთ, შეავსეთ ეს ფორმა — ჩვენი გუნდის ერთ‑ერთი წევრი მალე დაგიკავშირდებათ.