ვარიანტების გასაცნობად დაიწყეთ საძიებო მოთხოვნის აკრეფა. ნავიგაციისთვის გამოიყენეთ კლავიშები ზემოთ ან ქვემოთ მიმართული ისრებით. ასარჩევად გამოიყენეთ კლავიში Enter. არჩეული ფრაზა საძიებო ველს დაემატება, ბმულის არჩევის შემთხვევაში კი ბრაუზერში შესაბამისი გვერდი გაიხსნება.
საგადახდო ოპერაციები და კომუნიკაცია მხოლოდ Airbnb-ს პლატფორმის მეშვეობით უნდა აწარმოოთ — სწორედ ამგვარად ისარგებლებთ დაცვის ყველა იმ მექანიზმით, რომლებსაც მასპინძლებსა თუ სტუმრებს ვთავაზობთ.
საკითხების გადაწყვეტის ცენტრი საშუალებას გაძლევთ, მოითხოვოთ ან გააგზავნოთ თანხა Airbnb‑ს მეშვეობით დაჯავშნილ საცხოვრებელთან, მომსახურებასთან ან შთაბეჭდილებასთან დაკავშირებით.
Airbnb‑ს მეშვეობით გაფორმებულ ჯავშანთან დაკავშირებით თანხის გაგზავნა ან მოთხოვნა შესაძლებელია დახმარების ცენტრიდან საკითხების გადაწყვეტის ცენტრზე გადასვლით.
ფასთან დაკავშირებული მთელი ინფორმაცია მოცემული იქნება საცხოვრებლის, მომსახურებისა თუ შთაბეჭდილების ჯავშნის გაფორმებისას, თუმცა არსებობს გარკვეული სიტუაციები, როცა დამატებითი თანხის გადახდა ანგარიშსწორების შემდეგაც დაგჭირდებათ.
თუ მასპინძელი უარყოფს საცხოვრებლის დაჯავშნის მოთხოვნას, ან მას მოქმედების ვადა ამოეწურება, გადახდის მეთოდის მეშვეობით თანხის დაბლოკვა გაუქმდება, ხოლო თუკი თანხა უკვე ჩამოგეჭრათ — ის დაგიბრუნდებათ.
Klarna ამოწმებს გადახდის გრაფიკით სარგებლობის კრიტერიუმებთან შესაბამისობას. თუ კრიტერიუმებს დააკმაყოფილებთ, ჯავშნის გაფორმებისას საშუალება გექნებათ, აირჩიოთ, რა გირჩევნიათ — ჯავშნის ღირებულების სრულად გადახდა თუ განვადებით, Klarna‑ს საშუალებით.
ჯავშნის გაფორმებისას სტუმრებს საშუალება აქვთ, აირჩიონ „ნაწილის ახლა გადახდა, ნაწილის — მოგვიანებით“. შეიტყვეთ, როდის ჩამოგეჭრებათ თანხა და რა მოხდება, თუ გადახდა ვერ შესრულდება.
ერთ‑ ან რამდენიმეთვიანი (მინიმუმ 28 ღამის ხანგრძლივობის) ჯავშნის გაფორმების შემთხვევაში წინასწარ მხოლოდ პირველი თვის ღირებულება ჩამოგეჭრებათ, დარჩენილ თანხას კი ყოველთვიურად, ნაწილ‑ნაწილ დაფარავთ.
დამატებითი გასამრჯელო სავალდებულო არ არის, რადგან შემოთავაზებული მომსახურებისა თუ შთაბეჭდილების ფასში უკვე გათვალისწინებულია მასპინძლის ყველა ხარჯი, თუმცა გულწრფელი მიმოხილვის დატოვება ნამდვილად მისასალმებელი იქნება.
ინდოეთში გაცემული საკრედიტო ბარათებისთვის სავალდებულოა ორფაქტორიანი ავტორიზაციის გავლა. აქედან გამომდინარე, თუ დაჯავშნის მოთხოვნის დროს მათ გამოიყენებთ, ჯავშნის სრული ღირებულება ჩამოგეჭრებათ.