საცხოვრებლების დაჯავშნა

შეიტყვეთ Airbnb-ს მეშვეობით დაჯავშნის პროცედურის, ჯავშნების დადასტურების, უშუალოდ მასპინძლებისგან მიღებული სპეცშემოთავაზებებისა და სხვა დაკავშირებული საკითხების შესახებ.

ჯავშნების გაფორმება შესაძლებელია მაქსიმუმ 2 წლით ადრე, თუმცა ამა თუ იმ საცხოვრებლის დასაჯავშნად ხელმისაწვდომობა დამოკიდებულია მასპინძელზე.

პერსონალური ჯავშნები Airbnb-ს მეშვეობით უნდა გააფორმონ იმ პირებმა, რომლებიც თავად აპირებენ სტუმრობას.

სტუმრებს, მათივე უსაფრთხოებისა და კონფიდენციალურობის დაცვის მიზნით, ვურჩევთ, მასპინძელთან პირადად შეხვედრამდე ჯავშანი Airbnb‑ს მეშვეობით გააფორმონ.

გაყოფილი სტუმრობები არის ფუნქცია, რომელიც საშუალებას გაძლევთ, გრძელვადიანი სტუმრობის შემთხვევაში, ორ სხვადასხვა საცხოვრებელში იცხოვროთ.

იპოვეთ საცხოვრებლები 28 ან მეტი ღამით სტუმრობისთვის Airbnb‑ს მეშვეობით.

ჩვენი გაერთიანების წევრებს შორის კომუნიკაცია Airbnb-ს მუშაობის ამოსავალი პრინციპია — იქნება ეს საკუთარი თავის წარდგენა ბიოგრაფიის სექციაში, გულწრფელი მიმოხილვები თუ სხვა.

„AirCover სტუმრებისთვის“ ყველა ჯავშანს მოჰყვება. თუ Airbnb‑ზე განთავსებულ საცხოვრებელთან დაკავშირებით სერიოზული პრობლემა შეგექმნებათ და მის მოგვარებას მასპინძელი ვერ მოახერხებს, ჩვენ დაგეხმარებით, იპოვოთ მსგავსი ვარიანტი დაახლოებით იმავე ფასად (ხელმისაწვდომობის მიხედვით), ან სრულად/ნაწილობრივ დაგიბრუნებთ თანხას.

„AirCover სტუმრებისთვის“ განსხვავდება სამოგზაურო თუ ჯავშნების დაზღვევისგან. „AirCover სტუმრებისთვის“ უფასოდ მოჰყვება ყოველ ჯავშანს, ხოლო სამოგზაურო დაზღვევა (აშშ‑ში, ევროკავშირსა და გაერთიანებულ სამეფოში მცხოვრები სტუმრებისთვის) ან ჯავშნების დაზღვევა (საფრანგეთში მცხოვრები სტუმრებისთვის) ხელმისაწვდომია ცალკე შესაძენად ანგარიშსწორებისას.

ჯავშნის გაფორმებისას წარმოქმნილი პრობლემა, შესაძლოა, უკავშირდებოდეს ვინაობის დადასტურებას, ჯავშნების შემოწმებას, გადახდის საკითხებს, საცხოვრებლის დასაჯავშნად ხელმისაწვდომობასა და ა.შ.

საცხოვრებელი რომ დაჯავშნოთ, ძირითადი ინფორმაციის (სახელის, ელფოსტის მისამართისა და ტელეფონის ნომრის) გარდა კიდევ რამდენიმე დეტალის დაზუსტება დაგვჭირდება.

Airbnb‑ს მეშვეობით ჯავშნის გასაფორმებლად ან საცხოვრებლის შესათავაზებლად მინიმუმ 18 წლის უნდა იყოთ.

დიახ, ბავშვებთან ერთად სტუმრობა შეგიძლიათ, თუმცა ზოგიერთ Airbnb მასპინძელს მითითებული აქვს, რომ საცხოვრებელი, შესაძლოა, არ იყოს უსაფრთხო ან შესაფერისი ბავშვებისა თუ ჩვილებისთვის.

ჩვენი გაერთიანება წინასწარგანწყობებისგან თავისუფალ დამოკიდებულებას, შინაურობის განცდასა და ერთმანეთის პატივისცემას ეფუძნება, რაც შშმ სტუმრებზე ზრუნვასაც მოიაზრებს. ზოგადად, თუ სტუმრებს პირობებთან და მომსახურებასთან დაკავშირებით, გონივრულ ფარგლებში, თხოვნები აქვთ, ეს არ უნდა იქცეს მათი დისკრიმინაციის ან მომსახურებაზე უარის თქმის მიზეზად Airbnb‑თი სარგებლობისას. შესაძლოა, ზოგიერთ იურისდიქციაში კანონმდებლობა ზღუდავდეს ან აფართოებდეს გონივრულ ფარგლებს, რომლებშიც მასპინძელმა ესა თუ ის თხოვნა უნდა შეასრულოს. ამ სამართლებრივ მოთხოვნებს უნდა აკმაყოფილებდნენ როგორც მასპინძლები, ისე სტუმრები.

Airbnb-ს აქვს აშშ-ის ფინანსთა სამინისტროს სპეციალური ნებართვა, რომელიც უფლებას გვაძლევს, სამოგზაურო მომსახურება შევთავაზოთ კუბაში მიმავალ აშშ-ის არარეზიდენტ პირებს.

მიიღეთ ინფორმაცია იაპონიაში საცხოვრებლის დაჯავშნასთან, მათ შორის, მასპინძლისთვის მისაწოდებელ მონაცემებთან, დაკავშირებით.

თუ ჯავშნის გაფორმებამდე საცხოვრებელთან ან შთაბეჭდილებასთან დაკავშირებით რაიმე შეკითხვა გექნებათ, მისწერეთ მასპინძელს Airbnb‑ს მეშვეობით.

წინასწარი დასტურის მეშვეობით მასპინძელი აცნობებს დაინტერესებულ სტუმრებს, რომ საცხოვრებელი ხელმისაწვდომია დასაჯავშნად. დაჯავშნაზე თანხმობისთვის 24 საათი გექნებათ.

თუ მასპინძლისგან წინასწარ დასტურს მიიღებთ, თქვენთვის საინტერესო თარიღების დაჯავშნას შეძლებთ მომენტალურად, მასპინძლის მხრიდან სხვა პასუხის დალოდების საჭიროების გარეშე.

დაჯავშნის მოთხოვნამდე შეგიძლიათ მასპინძელს მისწეროთ საცხოვრებელთან დაკავშირებით. მასპინძელს, თავის მხრივ, საშუალება ექნება, წინასწარ დაადასტუროს ჯავშანი ან გამოგიგზავნოთ სპეცშემოთავაზება.

ჯავშნის გაფორმება მასპინძელთან დაკავშირების გარეშეც შეგიძლიათ, თუმცა გირჩევთ, მისწეროთ მას, თუ რაიმე შეკითხვა გაქვთ.

ჯავშნის გაფორმებამდე მასპინძლისგან შეგიძლიათ მიიღოთ პასუხები საცხოვრებელთან, დასაჯავშნად ხელმისაწვდომ თარიღებთან და სხვა საკითხებთან დაკავშირებით.

ზოგიერთი მასპინძელი ჯავშნის გასაფორმებლად სტუმრებისგან ქირავნობის ხელშეკრულების გაფორმებას მოითხოვს, თუმცა აღნიშნული მოთხოვნა და მისი პირობები ცნობილი უნდა იყოს დაჯავშნამდე.

თუ ჯავშნის გასაფორმებლად მზად ხართ, ისარგებლეთ მომენტალური დაჯავშნით, გაუგზავნეთ მასპინძელს დაჯავშნის მოთხოვნა, ან მიმოწერის მეშვეობით დააზუსტეთ მასთან თქვენთვის საინტერესო საკითხები.

სტუმრობის მომლოდინე მოთხოვნის გაუქმება შესაძლებელია პირდაპირ მასპინძელთან მიმოწერიდან, სანამ მას მასპინძელი არ დაეთანხმება.

ჯავშნის სტატუსის შემოწმება შეგიძლიათ როგორც შემომავალი შეტყობინებებიდან, ისე „სტუმრობების“ ჩანართზე გადასვლით და შესაბამისი ჯავშნის პოვნით.

შეიტყვეთ ჯავშნის სხვადასხვა სტატუსის შესახებ.

რაც უფრო ზუსტად ეცოდინებათ სტუმრებს, რატომ უარყოფენ მასპინძლები დაჯავშნის მოთხოვნებს, მით უფრო მომზადებული შეეცდებიან ისინი მომდევნო ჯავშნის გაფორმებას.

დაჯავშნის მოთხოვნაზე დათანხმებისთვის ან მისი უარყოფისთვის მასპინძლებს ოფიციალურად 24 საათი აქვთ. მოთხოვნის სტატუსის შესახებ ელფოსტით შეგატყობინებთ.