სტუმრობის გაყოფის წესი

სტუმრობის გაყოფა საშუალებას გაძლევთ, გრძელვადიანი სტუმრობა 2 სხვადასხვა საცხოვრებელს შორის გადაანაწილოთ. თქვენთვის სასურველი პერიოდი გაიყოფა 2 სტუმრობად ერთმანეთის მიყოლებით, რაც, თავის მხრივ, შესანიშნავი შესაძლებლობაა, აღმოაჩინოთ სხვადასხვა საცხოვრებელი, უბანი, ზოგიერთ შემთხვევაში კი — დასახლებული პუნქტი.

სტუმრობის გაყოფის ვარიანტების ასახვის პრინციპი

როცა საცხოვრებელს ეძებთ მინიმუმ ერთი კვირით, სტუმრობის გაყოფის ვარიანტებს ავტომატურად შემოგთავაზებთ ძიების შედეგების ბოლოში, ყველა საცხოვრებლის კატეგორიაში და მხოლოდ იმ შემთხვევაში, თუ 300‑ზე ნაკლები საცხოვრებელი აღმოჩნდება თქვენი საძიებო კრიტერიუმების შესაბამისი. თუ გსურთ, სტუმრობა ერთმანეთთან მეტ‑ნაკლებად ახლოს მდებარე 2 საცხოვრებელს შორის გადაანაწილოთ, გადადით საძიებო შედეგების ბოლოში და გაეცანით შემოთავაზებულ ვარიანტებს.

ამას გარდა, სტუმრობის გაყოფა შესაძლებელია, როცა საცხოვრებელს 14 სხვადასხვა კატეგორიაში არჩევთ. ასეთი კატეგორიებია „კემპინგისთვის“, „დიზაინერული“, „ეროვნულ პარკთან“, „სათხილამუროდ“, „სერფინგისთვის“, „ტროპიკებში“ და სხვა. ვარიანტების დაწყვილების შედეგად 2 სხვადასხვა ადგილას მსგავსი საცხოვრებელი გექნებათ (ან მსგავს აქტივობაში ჩაერთვებით).

სტუმრობათა გაყოფის პრინციპი

გაყოფილი სტუმრობა გულისხმობს სტუმრობის 2 სხვადასხვა საცხოვრებელს შორის გაყოფას (მაგალითად, ერთი კვირა ერთ საცხოვრებელში რომ გაატაროთ, ხოლო მეორე კვირა — მეორეში). ყურადღება მიაქციეთ, რომ:

• სტუმრობის გაყოფის ვარიანტებს შემოგთავაზებთ ძიების შედეგებში, თქვენ მიერ მითითებული თარიღების შესაბამისად. საცხოვრებლების დაწყვილების პროცესი სრულად ავტომატიზებულია.
• სტუმრობის გაყოფის ფუნქცია 2 საცხოვრებლით შემოიფარგლება. პირველი საცხოვრებლიდან გასვლის და მეორე საცხოვრებელში შესვლის თარიღი ერთი და იგივე იქნება.
• სტუმრობის გასაყოფად საცხოვრებლები შემოთავაზებული იქნება თქვენ მიერ მითითებული ფილტრების (ფასის, საძინებლების რაოდენობის, საყოფაცხოვრებო პირობებისა და ა.შ.) მიხედვით.
• სტუმრობის გასაყოფად შემოთავაზებული ვარიანტების რუკაზე ამოცნობას გაგიმარტივებთ უნიკალური ხატულა და ანიმაციური თაღი, რომელიც 2 საცხოვრებელს დააკავშირებს. ამგვარად, გეცოდინებათ, სად მდებარეობს ორივე საცხოვრებელი და ამ ორიდან რომელში იგეგმება სტუმრობა პირველად.

გაყოფილი სტუმრობისთვის საცხოვრებლების დაჯავშნა

მხოლოდ ერთი საცხოვრებლის დაჯავშნა

თუ სტუმრობის გასაყოფად შემოთავაზებული ვარიანტებიდან მხოლოდ ერთ‑ერთის დაჯავშნა გირჩევნიათ, გააფორმეთ მხოლოდ სასურველი საცხოვრებლის ჯავშანი, შემდეგ კი, უბრალოდ, გადით იმ ეკრანიდან, სადაც მეორე საცხოვრებლის ჯავშნის გაფორმებას გთხოვთ. გაფორმებულ ჯავშანს საფრთხე არ შეექმნება და ის ხელმისაწვდომი იქნება თქვენს ანგარიშში. ამის შემდეგ დამოუკიდებლად იპოვეთ საცხოვრებელი თქვენი სტუმრობის დარჩენილი პერიოდისთვის.

გაყოფილი სტუმრობის არჩევის შემთხვევაში თარიღებს ვერ ჩაასწორებთ ჯავშნის გაფორმების დროს. თუ თარიღების ჩასწორება გჭირდებათ, გახსენით შესაბამისი განცხადება ცალკე, ჩაასწორეთ თარიღები, შემდეგ კი ჩვეულებრივ გააფორმეთ ჯავშანი. ამ შემთხვევაში, სტუმრობის გაყოფის ვარიანტი გაუქმდება.

გაყოფილი სტუმრობისთვის საცხოვრებლების დაჯავშნის შემდეგ

• სტუმრობის გაყოფის შემთხვევაში თითოეული საცხოვრებელი ცალ‑ცალკე იჯავშნება, თქვენი „სტუმრობების“ ჩანართზე კი ერთმანეთის მიყოლებით დაგეგმილი 2 სტუმრობა აისახება.
• საჭიროებისამებრ, შესაძლებელი იქნება ერთ‑ერთი ან ორივე ჯავშნის გაუქმება, რა შემთხვევაშიც იმოქმედებს შესაბამისი საცხოვრებლისთვის დადგენილი გაუქმების წესები.
• გაყოფილი სტუმრობის შემთხვევაში ყოველ საცხოვრებელს ეყოლება თავისი მასპინძელი და თითოეულ მათგანთან ურთიერთობა ცალ‑ცალკე დაგჭირდებათ.