უკანონო და აკრძალული საქმიანობა

Airbnb კრძალავს უკანონო საქმიანობას და ნებისმიერ ქცევას, რომელმაც, შესაძლოა, საფრთხე შეუქმნას ჩვენი გაერთიანების წევრებს.

დაშვებულია

• კანაფის ფლობა და პირადი მოხმარება: ზრდასრულებს უფლება აქვთ, მოიხმარონ კანაფი, სადაც ეს კანონით დაშვებულია და არც სახლის წესებს არღვევს.
• კანაფის კულტივაცია: ადგილობრივი კანონმდებლობისა და შეზღუდვების გათვალისწინებით, მასპინძელს შეუძლია მის მიერ შეთავაზებული საცხოვრებლის ტერიტორიაზე კანაფის მოყვანა-დამუშავება, თუ ამის შესახებ წინასწარ განაცხადებს.

დაუშვებელია

• ბავშვთა სექსუალური ექსპლუატაცია: აკრძალულია იძულებით, მანიპულაციითა თუ მოტყუებით 18 წლამდე ასაკის პირის ჩაბმა სექსუალურ მოქმედებაში ფიზიკურად თუ ონლაინ. ვრცლად.
• ადამიანებით ვაჭრობა: მიუღებელია შრომის გასაწევად ან სექსუალური ექსპლუატაციისთვის ადამიანების სამუშაოდ აყვანა, შეფარება, გადაყვანა, გადაცემა ან მიღება. ვრცლად.
• კომერციული სექსსამუშაო: მიუღებელია სტუმრობის ადგილის ან მისი მიმდებარე ტერიტორიის გამოყენება სექსუალური მომსახურებისთვის, როგორიცაა ეროტიკული მასაჟი ან პროსტიტუცია.
• სექსსამუშაოს შესრულებაში ჩაბმა: სტუმრებს ეკრძალებათ ფასიანი სექსუალური მომსახურების მოთხოვნა, ხოლო მასპინძლებს — მისი პოპულარიზაცია ან შეთავაზება.
• კომერციული პორნოგრაფია: მიუღებელია სტუმრობის ადგილის ან მისი მიმდებარე ტერიტორიის გამოყენება კომერციული პორნოგრაფიის (ფოტოებისა თუ ვიდეოების) შესაქმნელად.
• უკანონო ნარკოტიკული საშუალებები: სტუმრობის ადგილზე ან მის მიმდებარე ტერიტორიაზე არავინ უნდა ინახავდეს ან იყენებდეს უკანონო ან შეზღუდულ ნარკოტიკულ საშუალებებს, როგორიცაა ოპიუმი, ოპიატები, ოპიოიდები, კოკა და კოკაინი, ამფეტამინის ტიპის სტიმულატორები, ცენტრალური ნერვული სისტემის დეპრესანტები და ჰალუცინოგენები.
• ნარკოტიკული საშუალებების წარმოება: მიუღებელია სტუმრობის ადგილის ან მისი მიმდებარე ტერიტორიის გამოყენება ნედლი მასალის ან/და მცენარეებისგან უკანონო ნარკოტიკული საშუალებების დასამზადებლად.
• ნარკოტიკული საშუალებების კულტივაცია: მიუღებელია სტუმრობის ადგილის ან მისი მიმდებარე ტერიტორიის გამოყენება იმ მცენარეების გასაშენებლად, რომლებისგანაც მიიღება უკანონო ნარკოტიკული საშუალებები (გამონაკლისია კანაფი).
• ნარკოტიკული საშუალებების დისტრიბუცია: მიუღებელია სტუმრობის ადგილის ან მისი მიმდებარე ტერიტორიის გამოყენება ნარკოტიკული საშუალებებით (მათ შორის, კანაფით) ვაჭრობის, მათი გაყიდვის, გაჩუქების ან დისტრიბუციისთვის, იმის მიუხედავად, დაშვებულია თუ არა ეს ადგილობრივი კანონით.

ჩვენ მზად ვართ თქვენ დასახმარებლად

თუ თქვენ ან სხვა პირს საფრთხე დაგემუქრებათ, თავს დაუცველად იგრძნობთ, ან ეჭვს მიიტანთ ბავშვის სექსუალურ ექსპლუატაციასა თუ ადამიანებით ვაჭრობაზე, პირველ რიგში, დაუკავშირდით ადგილობრივ სამართალდამცავ ორგანოებს დახმარებისთვის. ამას გარდა, ჩვენი წესების დარღვევის შემჩნევის შემთხვევაში, გთხოვთ, შეგვატყობინოთ.