ბავშვთა დაცვა სექსუალური ექსპლუატაციის შემთხვევებისგან
მასპინძლებს შეუძლიათ კონკრეტული ნაბიჯების გადადგმა, საცხოვრებლებში ბავშვთა სექსუალური ექსპლუატაციის შემთხვევების აღსაკვეთად. აქედან გამომდინარე, ბავშვთა სექსუალურ ექსპლუატაციაზე ეჭვის მიტანის შემთხვევაში, გირჩევთ, აუცილებლად განუცხადოთ ამის შესახებ CyberTipline‑ს. ამასთან, მასპინძლებმა უნდა დაიცვან Airbnb‑ს წესები კამერებისა და ჩამწერი მოწყობილობების გამოყენებასთან დაკავშირებით, თუ საცხოვრებლის მიმდებარედ კამერები აქვთ დამონტაჟებული. როგორც წესებშია აღნიშნული, კამერებისა და სხვა ჩამწერი მოწყობილობების მეშვეობით დაუშვებელია საცხოვრებლის შიდა სივრცეების მონიტორინგი, ხოლო გარე პერიმეტრზე დამონტაჟებული მოწყობილობების შესახებ ინფორმაცია უნდა მიეთითოს საცხოვრებლის აღწერილობაში.
ბავშვთა სექსუალური ექსპლუატაციის განმარტება
ბავშვთა სექსუალურ ექსპლუატაციას შეიძლება მრავალი ფორმა ჰქონდეს. როგორც წესი, ამაში იგულისხმება:
- ბავშვის დაყოლიება სექსუალურ ქმედებაზე ან ბავშვის იძულება, მონაწილეობდეს ასეთ ქმედებაში
- ბავშვის გამოყენება პროსტიტუციაში ან სხვა სახის სექსუალურ ქმედებებში
- ბავშვის გამოყენება პორნოგრაფიულ ქმედებებში, აქტებსა და მასალებში
საყურადღებო ნიშნები
ბავშვებში, რომლებიც სექსუალურ ძალადობას განიცდიან, შეიძლება შეინიშნებოდეს ტრავმაგადატანილი პიროვნებისთვის დამახასიათებელი სხვადასხვა ქცევა. გავრცელებული ინდიკატორებია:
- ძალადობის ფიზიკური ნიშნები
- ნარკოტიკული საშუალებების ან ალკოჰოლის ზემოქმედების ქვეშ ყოფნა
- არასათანადო შეხება ბავშვსა და ზრდასრულს შორის
ბავშვთა სექსუალური ექსპლუატაცია შეიძლება ხდებოდეს როგორც ონლაინ, ისე ფიზიკურად. კვლევის მიხედვით კი, 18 წლამდე ასაკის 5 გოგონადან 1 და 20 ვაჟიდან 1 გარკვეული ფორმით განიცდის სექსუალურ ძალადობას. ამასთან, ლგბტ‑მოზარდები დაახლოებით 7,4‑ჯერ უფრო დიდი ალბათობით შეიძლება აღმოჩნდნენ სექსუალური ძალადობის მსხვერპლები, ვიდრე უსახლკარო ჰეტეროსექსუალი ახალგაზრდები.
ბავშვთა სექსუალური ექსპლუატაციის რისკის შემცირება
მასპინძლებისთვის, რომლებიც კამერებს იყენებენ, დაუშვებელია მათი მეშვეობით საცხოვრებლის შიდა სივრცეების მონიტორინგი. მსგავსი მოწყობილობების არსებობა დაუშვებელია იმ შემთხვევაშიც კი, თუ ისინი გათიშული ან გამორთულია. გარეთ დამონტაჟებული ყველა კამერა და სხვა ჩამწერი მოწყობილობა გაცხადებული უნდა იყოს სტუმრებისთვის. ეს დაეხმარება მათ, სათანადო ზომები მიიღონ, რომ კამერებმა უნებლიედ არ აღბეჭდოს სტუმარი ბავშვების შიშველი გამოსახულებები. ამას გარდა, მასპინძლებმა უნდა მიმართონ კიბერუსაფრთხოების ძლიერ ზომებს, რომ მინიმუმამდე დაიყვანონ კამერების ჰაკერების მიერ ხელში ჩაგდებისა და მათი მეშვეობით ბავშვების შიშველი გამოსახულებების აღბეჭდვის რისკი.
ბავშვთა სექსუალური ექსპლუატაციის შესახებ დეტალური ინფორმაციისთვის გაეცანით დაკარგულ და ექსპლუატირებულ ბავშვთა ეროვნული ცენტრის, ECPAT‑USA‑სა და დაკარგულ და ექსპლუატირებულ ბავშვთა საერთაშორისო ცენტრის საგანმანათლებლო რესურსებს.
დაკავშირებული სტატიები
- სტუმარი
ადამიანებით ვაჭრობის აღკვეთის ხერხები
Polaris‑თან თანამშრომლობით Airbnb‑მ მოგიმზადათ ინფორმაცია, რომ უკეთ გაერკვეთ ადამიანებით ვაჭრობის საკითხში, ამოიცნოთ საყურადღებო ნიშნები და … - სტუმარი
ჯანმრთელობასა და უსაფრთხოებასთან დაკავშირებული მითითებები Airbnb საცხოვრებლების სტუმრებისა და მასპინძლებისთვის
თქვენი ჯანმრთელობა და უსაფრთხოება მნიშვნელოვანია — გაეცანით ზოგად რჩევებსა და მითითებებს ჯანმრთელობისა თუ უსაფრთხოების საკითხებთან დაკავშირე… - მასპინძელი
თანამასპინძლების მითითება განცხადებაში
განცხადებას შეგიძლიათ დაამატოთ 10‑მდე თანამასპინძელი — ნათესავები, მეგობრები, მეზობლები ან ნდობით აღჭურვილი სხვა პირები, რომლებიც, მაგალითად…