კონფიდენციალურობის დაცვა

ჩვენი გაერთიანების წევრების კონფიდენციალურობისა და პირადი სივრცის დაცვის მიზნით, ჩვენს პლატფორმაზე მოქმედებს გარკვეული წესები იმასთან დაკავშირებით, თუ რა არის დაშვებული და რა — არა.

დაშვებულია

• მასპინძლის შესვლა საცხოვრებელში: სტუმრობისას მასპინძელს უფლება აქვს, საგანგებო ვითარებაში ან სტუმრის ნებართვით შევიდეს საცხოვრებელში ან სტუმრის ოთახში (თუ საცხოვრებელი საზიაროა).

დაუშვებელია

• ფიზიკური შეჭრა: მასპინძლები და სტუმრები არ უნდა შევიდნენ პირად სივრცეებში (და არც შეეცადონ ამას) უნებართვოდ. გამონაკლისია მხოლოდ საგანგებო სიტუაციები.
• მთლიანად შეთავაზებული საცხოვრებლების შემთხვევაში, ზემოაღნიშნული გულისხმობს როგორც თავად საცხოვრებელს, ისე მის მიმდებარე ტერიტორიას.
• საზიარო საცხოვრებლების შემთხვევაში, ზემოაღნიშნული გულისხმობს საზიარო სააბაზანოებს, როცა შიგნით ვიღაც იმყოფება, ასევე, სხვა სივრცეებს, რომლებშიც განმარტოება განსაკუთრებით მნიშვნელოვანია (მაგალითად, საძინებელში ან პირად სააბაზანოში).
• სხვისი პირადი ნივთების გამოყენება: მასპინძლებმა და სტუმრებმა არ უნდა გამოიყენონ სხვისი პირადი ნივთები უნებართვოდ.
• პირადი სივრცის შეზღუდვა: მასპინძლებმა და სტუმრებმა არ უნდა შეუზღუდონ სხვას პირადი სივრცით სარგებლობის შესაძლებლობა მისი ხელმყოფი ისეთი საქმიანობით, როგორიც არის, მაგალითად, თვალთვალი.
• კონტენტის გაზიარება თანხმობის გარეშე: აკრძალულია ჩვენი გაერთიანების წევრების პირადი ინფორმაციის, ფოტოების ან ვიდეოების საჯაროდ გამოქვეყნება ფიგურანტის წინასწარი ნებართვის გარეშე.

უსაფრთხოების კამერები და ჩამწერი მოწყობილობები: შეიტყვეთ ვრცლად უსაფრთხოების კამერებისა და ჩამწერი მოწყობილობებისადმი ჩვენეული მიდგომის შესახებ.