კამერებისა და ჩამწერი მოწყობილობების გამოყენება

მასპინძლებმა და სტუმრებმა თავი მშვიდად რომ იგრძნონ, დასაშვებია სხვადასხვა ზომის მიღება. მაგალითად, უსაფრთხოების კამერების დამონტაჟება და ხმაურის მონიტორინგისთვის მოწყობილობების განთავსება. მთავარია, ყველაფერი მკაფიოდ იყოს მითითებული აღწერილობაში და არ იზღუდებოდეს სხვისი პირადი სივრცე. მოწყობილობებთან დაკავშირებული წესები ვრცელდება როგორც კამერებზე, ისე ყველა ჩამწერ, გონიერ და სამეთვალყურეო მოწყობილობაზე.

დაშვებულია

• განცხადებული მოწყობილობების განთავსება მხოლოდ საზოგადო და საერთო დანიშნულების სივრცეებში: დასაშვებია მოწყობილობების თვალსაჩინო ადგილას დამონტაჟება საზოგადო სივრცის (მაგ., შესასვლელის/ტროტუარის) ან საერთო დანიშნულების სივრცის მეთვალყურეობისთვის, ამის შესახებ ჯავშნის გაფორმებამდე განცხადების შემთხვევაში. საერთო დანიშნულების სივრცეები არ მოიცავს საძინებელ სივრცეებს ან სააბაზანოებს.

დაუშვებელია

• მოწყობილობების ფარულად განთავსება საერთო დანიშნულების სივრცეების მონიტორინგისთვის: საერთო დანიშნულების სივრცის მეთვალყურეობისთვის ნებისმიერი მოწყობილობა დამონტაჟებული უნდა იყოს თვალსაჩინო ადგილას (საცხოვრებლის აღწერილობაში მითითებით).
• მოწყობილობების განთავსება პირადი სივრცეების მონიტორინგისთვის: დაუშვებელია, მეთვალყურეობის ქვეშ იყოს პირადი სივრცეები (მაგ., საძინებლები, სააბაზანოები ან დასაძინებლად გამოყენებული საერთო დანიშნულების სივრცეები, როგორიცაა მისაღები ოთახი გასაშლელი დივნით). გათიშული მოწყობილობები დასაშვებია, თუ ისინი არასდროს ჩაირთვება და მათ შესახებ სტუმრებს წინასწარ ეცნობებათ.

ჩვენ მზად ვართ თქვენ დასახმარებლად

თუ თქვენ ან სხვა პირს საფრთხე დაგემუქრებათ, ან თავს დაუცველად იგრძნობთ, პირველ რიგში, დაუკავშირდით ადგილობრივ სამართალდამცავ ორგანოებს დახმარებისთვის. ამას გარდა, ჩვენი წესების დარღვევის შემჩნევის შემთხვევაში შეგვატყობინეთ.