წესები პლატფორმის მიღმა მოქმედებასა და გადასახადების გამჭვირვალობასთან დაკავშირებით

Airbnb ‑ ს მეშვეობით მასპინძლობით თანხმდებით, რომ დაიცავთ ჩვენს წესებისა და პირობებს, მათ შორის, მომსახურების პირობებს, რომლებიც საკუთარი შეხედულებისამებრ შეგვიძლია აღვასრულოთ. Რეგულარული ან უხეში დარღვევების შემთხვევაში უფლება გვაქვს, მომხმარებლის განცხადებების ან ანგარიშის მოქმედება შევაჩეროთ ან სამუდამოდ შევწყვიტოთ. Ჩვენი გაერთიანების წევრების დაცვის მიზნით, ვკრძალავთ ქვემოთ ჩამოთვლილ ქცევებს.

მიმდინარე, მომავალი ან განმეორებითი ჯავშნების გადატანა Airbnb‑დან

Აღნიშნულში შედის: 

• Მომხმარებლებისთვის მიმდინარე, მომავალი ან ხელახალი ჯავშნების (ჯავშნების გახანგრძლივების შემთხვევების ჩათვლით) Airbnb ‑ დან სხვა პლატფორმაზე გადატანის თხოვნა ან აღნიშნულის წახალისება;
• Განცხადებებსა თუ შეტყობინებებში ისეთი ბმულების დართვა, რომელთა მეშვეობითაც შესაძლებელია Airbnb ‑ ს პლატფორმის გარეთ გადასვლა;
• Ჯავშნების Airbnb ‑ ს გვერდის ავლით გაფორმებისთვის ფასდაკლებების შეთავაზება ან უზრუნველყოფა;
• Არსებული ჯავშნების მთლიანად ან ნაწილობრივ გაუქმება Airbnb ‑ ს გვერდის ავლით მათი ხელახლა გაფორმების მიზნით.

ჯავშნის გაფორმებისას მომხმარებლისთვის მომსახურების გადასახადების შესახებ ინფორმაციის არ გამჟღავნება

Აღნიშნულში შედის:

• Სავალდებულო გადასახადების არმითითება Airbnb ‑ ს მიერ მოწოდებულ გრაფებში, ან ანგარიშსწორებისას მითითებული ჯამური ფასის სხვაგვარად შეცვლის გამოწვევა
  • Სავალდებულო გადასახადები ითვალისწინებს ხარჯებს, რომლებიც სტუმრებმა უნდა გადაიხადონ დაჯავშნილი ღამეების, სტუმრების რაოდენობისა და შინაური ცხოველების რაოდენობის გათვალისწინებით. Სავალდებულო გადასახადებია, მაგალითად, კომუნალური გადასახადები, დამატებითი სტუმრების გადასახადები, შინაური ცხოველების გადასახადები, საკურორტო გადასახადები, მართვის გადასახადები, ადგილობრივი გადასახადები, ბინათმესაკუთრეთა ამხანაგობის გადასახადები და ოფიციალური მოსაკრებლები (გამონაკლისები იხილეთ ქვემოთ).
  • Ყველა სავალდებულო გადასახადი მითითებული უნდა იყოს შესაბამის გრაფაში, ან გათვალისწინებული იყოს ერთი ღამის ფასში, თუ შესაბამისი გრაფა არ არსებობს.
• Airbnb ‑ ს „ჯავშნის შეცვლის“ ხელსაწყოს არგამოყენება თანხის მისაღებად ღამეების, სტუმრებისა თუ შინაური ცხოველების რაოდენობის ცვლილებისთვის;
• Საკუთრების დაცულობისთვის განკუთვნილი გირაოს შესახებ ინფორმაციის არმითითება. Მასპინძლების უმეტესობისთვის არ არის დაშვებული საკუთრების დაცულობისთვის გირაოს მოთხოვნა. Იმ იშვიათ შემთხვევებში, როცა საკუთრების დაცულობისთვის გირაოს დაწესება ნებადართულია, ის მითითებული უნდა იყოს შესაბამის გრაფაში.
• Გაუთვალისწინებელი ხარჯებისთვის განკუთვნილი იმ გირაოს თანხის არმითითება, რომელიც სასტუმროს სტანდარტული პროცედურების ფარგლებში მოითხოვება სტუმრისგან. Გირაოს ოდენობა უნდა მიეთითოს განცხადების „აღწერილობის“ სექციაში.

Გამონაკლისი

Რეგიონებში, რომლებშიც Airbnb არ კრეფს ოფიციალურ მოსაკრებლებს, ან სადაც მასპინძლებს უშუალოდ სტუმრებისგან ევალებათ ოფიციალური მოსაკრებლების აკრეფა, მათ შესახებ ინფორმაცია მითითებული უნდა იყოს განცხადების „აღწერილობის“ სექციაში.

Airbnb‑ს პლატფორმის გარეთ გაფორმებული ჯავშნის ღირებულების გადახდა

Airbnb ‑ ს გვერდის ავლით თანხის მოთხოვნა, გაგზავნა ან მიღება აკრძალულია. Აღნიშნული მოიცავს როგორც ჯავშნის ღირებულებას, ისე ჯავშანთან დაკავშირებულ ნებისმიერ გადასახადს (მაგალითად, ცალკე გადასახადს საცურაო აუზის გათბობის სურვილის შემთხვევაში).

Გამონაკლისები

• Ჩვენს პლატფორმასთან პროგრამული უზრუნველყოფის მეშვეობით დაკავშირებულ ზოგიერთ მასპინძელს უფლება აქვს, Airbnb ‑ ს გვერდის ავლით მიიღოს ის სავალდებულო გადასახადები და გირაო საკუთრების დაცულობისთვის, რომელთა შესახებაც ინფორმაცია წინასწარ ექნება მითითებული;
• Სასტუმროებისთვის, სტანდარტული პროცედურების ფარგლებში, დაშვებულია რეგისტრაციისას სტუმრებისგან გირაოს თანხის მოთხოვნა გაუთვალისწინებელი ხარჯებისთვის (როგორც საბანკო ბარათით, ისე ნაღდი ფულით);
• Სასტუმროებისთვის, სტანდარტული პროცედურების ფარგლებში, ასევე, ნებადართულია Airbnb ‑ ს გვერდის ავლით თანხის მიღება დამატებითი მომსახურებებისთვის (მაგალითად, პარკინგისთვის);
• Რეგიონებში, რომლებშიც Airbnb არ კრეფს ოფიციალურ მოსაკრებლებს, ან სადაც მასპინძლებს უშუალოდ სტუმრებისგან ევალებათ მათი აკრეფა, მასპინძლებისთვის ნებადართულია იმ ოფიციალური მოსაკრებლების Airbnb ‑ ს გვერდის ავლით აკრეფა, რომელთა შესახებაც ინფორმაცია წინასწარაა მითითებული.

სტუმრებისგან საკონტაქტო ან პირადი ინფორმაციის მოთხოვნა ან მისი გამოყენება სტუმრობასთან დაუკავშირებელი მიზნებისთვის, ან ისე, რომ ეს უარყოფითად აისახოს სტუმრობის ხარისხზე

Აღნიშნულში შედის:

• Დაჯავშნამდე სტუმრებს საკონტაქტო ინფორმაციის თხოვნა; დაჯავშნამდე ყველა კომუნიკაცია უნდა იყოს Airbnb-ზე
• Ჯავშნის გაფორმების შემდეგ სტუმრებისგან მათი ელფოსტის/საფოსტო მისამართის ან კომუნიკაციის სხვა არხების გამოთხოვნა Airbnb ‑ ს შეტყობინებათა მიმოცვლის სისტემის ან ელფოსტის ალტერნატიული მისამართის მეშვეობით;
• Ჯავშნის გაფორმების შემდეგ სტუმრებისგან საკონტაქტო ინფორმაციის გამოთხოვნა მათი საკრედიტო ისტორიის ან ბიოგრაფიული მონაცემების შემოწმების მიზნით;
• Სთხოვეთ სტუმრებს, გამოაგზავნონ პირადობის დამადასტურებელი ოფიციალური დოკუმენტის ფოტოები დაბინავებამდე, გარდა იმ შემთხვევისა, თუ ეს სავალდებულოა სამართლებრივი ან შესაბამისობის მიზეზების გამო, როგორც ეს აღწერილია ქვემოთ
• Airbnb ‑ ს მიერ მოწოდებული საკონტაქტო ინფორმაციის გამოყენება სხვა ისეთი მიზნით, რომელიც არღვევს მომსახურების პირობებს;
  
• Სტუმრების საკონტაქტო ინფორმაციის გაყიდვა, გაზიარება ან გამოყენება მარკეტინგული ხასიათის კომუნიკაციისა თუ დაგზავნის სიებში მათი დამატების მიზნით.

Გამონაკლისები

• Თქვენ უფლება გაქვთ, გამოითხოვოთ დამატებითი საკონტაქტო ან ვინაობის დამადასტურებელი ინფორმაცია, თუ აღნიშნულს საჭიროებს მოქმედი კანონები ან ნორმატიული აქტები, ხოლო Airbnb ‑ სგან შესაბამისი მოთხოვნის მიღების შემთხვევაში შეძლებთ ამის აუცილებლობის დადასტურებას (მაგალითად, ადგილობრივ კანონებზე, ბინათმესაკუთრეთა ამხანაგობის ნორმებსა თუ შენობის უსაფრთხოების წესებზე მითითების გზით). Ასეთ შემთხვევებში მასპინძლებმა განცხადების „აღწერილობის“ სექციაში უნდა მიუთითონ, რა მოითხოვება და რისთვის. ამგვარად, სტუმრობის მსურველებს ჯავშნის გაფორმებამდე ეცოდინებათ, რომ მათი მხრიდან სავალდებულოა დამატებითი მოთხოვნის შესრულება. Მასპინძლები პასუხისმგებელი არიან მონაცემთა კონფიდენციალურობის შესახებ მოქმედი კანონების დაცვაზე;
  
• Ჯავშნის გაფორმების შემდეგ დასაშვებია, დააზუსტოთ სტუმართან, შესაძლებელია თუ არა Airbnb ‑ ს მიერ მოწოდებული საკონტაქტო ინფორმაციის გამოყენება სტუმრობის პერიოდში მასთან კომუნიკაციისთვის. ამასთან, მისაღებია შემთხვევები, როცა სტუმარი თავად ითხოვს კომუნიკაციის ალტერნატიულ მეთოდს ჯავშნის გაფორმების შემდეგ;
  
• Დასაშვებია სტუმართან კომუნიკაციის ალტერნატიული მეთოდების გამოყენება, თუ აღნიშნულს თავად ითხოვს სტუმარი ჯავშნის გაფორმების შემდეგ (მაგალითად, ჩატებისთვის განკუთვნილი აპის მეშვეობით). ამასთან, მსგავსი კომუნიკაცია უნდა შეესაბამებოდეს წინამდებარე წესების სხვა მოთხოვნებს.

მიმოხილვებისა და გამოხმაურების მიღების მიზნით ადამიანების გადაყვანა Airbnb‑ს პლატფორმის გარეთ

Დაუშვებელია სტუმრებისთვის Airbnb ‑ ს მეშვეობით დაჯავშნილი სტუმრობის მიმოხილვის ან მასთან დაკავშირებულ გამოკითხვაში მონაწილეობის მიღების თხოვნა Airbnb ‑ სგან განსხვავებულ ვებსაიტზე (მაგალითად, ისეთი ფორმის გამოყენებით, რომელიც არ არის განთავსებული Airbnb ‑ ს პლატფორმაზე), თუ დადასტურებულ პარტნიორ სასტუმროს არ წარმოადგენთ. Ეს ქმედებები მნიშვნელოვან ინფორმაციას ითვალისწინებს იმის შესახებ, რომ სტუმარს თავი დაანებოს Airbnb გაერთიანებას. Საკუთარი მოსაზრებების უშუალოდ Airbnb ‑ ზე გაზიარებას იმისთვის ვითხოვთ, რომ სტუმრობის მსურველებმა შეძლონ გადაწყვეტილების მიღება სხვების გამოცდილების საფუძველზე.

სტუმრებისთვის სხვა ვებსაიტების ან აპების გამოყენების მოთხოვნა საცხოვრებელში შესვლისთვის

Აღნიშნულში შედის: 

• Სტუმრებისთვის Airbnb.com ‑ ისგან განსხვავებულ ვებსაიტზე ცალკე ანგარიშის შექმნის ან რეგისტრაციის მოთხოვნა საცხოვრებელში მოხვედრის მიზნით;
  
• Სტუმრებისგან მესამე მხარის აპის დაყენების მოთხოვნა საცხოვრებელში მოხვედრის მიზნით (Airbnb ‑ ზე განთავსებულ ნებისმიერ საცხოვრებელში მოხვედრა სტუმარმა უნდა შეძლოს სხვა აპის ან ანგარიშის ქონის საჭიროების გარეშე).
  

Გამონაკლისები

• Ცალკე რეგისტრაცია ან დამატებითი აპების დაყენება დაშვებულია, თუ აღნიშნულს მოითხოვს მოქმედი კანონები ან ნორმატიული აქტები, ხოლო მასპინძელს შეუძლია აღნიშნული აუცილებლობის წერილობით დადასტურება Airbnb ‑ სგან შესაბამისი მოთხოვნის მიღების შემთხვევაში (მაგალითად, ადგილობრივ კანონებზე, ბინათმესაკუთრეთა ამხანაგობის ნორმებსა თუ შენობის უსაფრთხოების წესებზე მითითების გზით). Ასეთ შემთხვევებში მასპინძლებმა განცხადების „აღწერილობის“ სექციაში უნდა მიუთითონ სტუმრებისთვის, რა მოითხოვება და რისთვის. ამგვარად, სტუმრობის მსურველებს ჯავშნის გაფორმებამდე ეცოდინებათ, რომ მათი მხრიდან სავალდებულოა დამატებითი მოთხოვნის შესრულება;
  
• Გასაღების გარეშე შესვლისთვის და სტუმრობის პერიოდში მომსახურებათა მოთხოვნისთვის განკუთვნილი აპები (მაგალითად, Sonos, Nest, კონსიერჟის მომსახურებათა შემცველი აპები და ა.შ.), იმ პირობით, რომ მათი გამოყენება ნებაყოფლობითია.