თანამასპინძლების შესაძლებლობები

თანამასპინძლების მოწვევა კარგი გადაწყვეტილებაა მათთვის, ვისაც სჭირდება დახმარება საცხოვრებლის დასუფთავება‑მოწესრიგებასთან, სტუმრების დახვედრასა თუ მათზე ზრუნვასთან და მასპინძლობის სხვა ასპექტებთან დაკავშირებით. თითოეული თანამასპინძლისთვის შესაძლებელია სხვადასხვა ნებართვის მინიჭება თავისი მოვალეობების გათვალისწინებით.

თანამასპინძელთა ნებართვები

ნებართვები მხოლოდ იმას განსაზღვრავს, თუ რაზე ექნებათ თანამასპინძლებს წვდომა Airbnb‑ს ფარგლებში, ამიტომ უშუალოდ მათთან განიხილეთ, კონკრეტულად რა ასპექტში გჭირდებათ დახმარება. თანამასპინძლების ქმედებებზე პასუხისმგებელია განცხადების მფლობელი — იმ შემთხვევაშიც კი, თუ მან თანამასპინძლებს სრული წვდომა მიანიჭა. აქედან გამომდინარე, გირჩევთ, საგულდაგულოდ შეარჩიოთ კანდიდატები.

მიანიჭეთ თანამასპინძლებს ის ნებართვები, რომლებიც კონკრეტულად თქვენს შემთხვევაშია გამართლებული:

• სრული წვდომა: თანამასპინძელი შეძლებს სტუმრებთან მიმოწერასა და კალენდრის ჩასწორებას. ამას გარდა, თანამასპინძელს საშუალება ექნება, მართოს განცხადება (ფასებისა და სხვა მონაცემების ჩათვლით), ჯავშნები (მათ შორის, დააკმაყოფილოს ან უარყოს სტუმრობის მოთხოვნები), გაუქმების შემთხვევები, ასევე, საკითხების გადაწყვეტის ცენტრში არსებული მოთხოვნები ზიანთან თუ სხვა საკითხებთან დაკავშირებით და მასპინძელთა ზარალისგან დაცვის ფარგლებში ინიციირებული ანაზღაურების მოთხოვნები. თანამასპინძელს უფლება ექნება, დაამატოს ან წაშალოს თანამასპინძლები, შეცვალოს კონკრეტული თანამასპინძლისთვის მინიჭებული ნებართვები. ამასთან, მას არ შეეძლება სრული წვდომის მქონე სხვა თანამასპინძლების დამატება და თავისი თავის (ან სხვა თანამასპინძლის) დანიშვნა ძირითად მასპინძლად.
• კალენდარსა და შემომავალ შეტყობინებებზე წვდომა: თანამასპინძელი შეძლებს სტუმრებთან მიმოწერასა და კალენდრის ნახვას (მაგრამ არა მის ჩასწორებას).
• კალენდარზე წვდომა: თანამასპინძელი შეძლებს კალენდრის ნახვას (მაგრამ არა მის ჩასწორებას).

გაითვალისწინეთ, რომ თანამასპინძლებს არ შეუძლიათ განცხადების მფლობელისა თუ სხვა თანამასპინძლების იმ ინფორმაციის ნახვა და შეცვლა, რომელიც დაკავშირებულია ანაზღაურების მიღებასთან ან გადასახადებთან. თანამასპინძლებისთვის ანაზღაურების დაწესებისა და მისი ჩასწორების უფლება მხოლოდ განცხადების მფლობელს აქვს. ამასთან, თანამასპინძლებს არც ანაზღაურების მოთხოვნა შეუძლიათ მასპინძელთა ზარალისგან დაცვის ფარგლებში.

საცხოვრებლის ყველა თანამასპინძელს შეუძლია როგორც მასპინძელთან, ისე ერთმანეთთან მიმოწერა. თითოეულ თქვენგანს შეტყობინებების ერთი სივრციდან მართვას გაუმარტივებს ძიების, ფილტრების, მზა პასუხებისა და დაგეგმილი შეტყობინებების ფუნქციები.

შეიტყვეთ ვრცლად მასპინძლებსა და თანამასპინძლებს შორის მიმოწერის შესახებ.

სათანადო ნებართვების არჩევა

სხვადასხვა ნებართვის შემოღებამდე დამატებულ თანამასპინძლებს ნაგულისხმევად მინიჭებული აქვთ სრული წვდომა. თუ თანამასპინძლის მოწვევას ახლა გადაწყვეტთ, მისთვის კონკრეტული ნებართვების განსაზღვრა მოგიწევთ. ამა თუ იმ თანამასპინძლისთვის მინიჭებული ნებართვების შეცვლას ნებისმიერ დროს შეძლებთ. ამასთან, ეს მოქმედება არ აისახება თანამასპინძლის კუთვნილი ანაზღაურების ოდენობაზე.

ქვემოთ მოცემული ინფორმაცია დაგეხმარებათ, განსაზღვროთ, რომელი ნებართვები შეეფერება ამა თუ იმ თანამასპინძელს თავისი მოვალეობებისა და მასთან თქვენი შეთანხმების გათვალისწინებით.

თანამასპინძლების ნებართვების შეცვლა

იმისთვის, რომ აირჩიოთ, თქვენს განცხადებაში რაზე ჰქონდეს წვდომა თანამასპინძელს:

თუ გსურთ, სრულად გაუუქმოთ თანამასპინძელს წვდომა თქვენს განცხადებაზე, შეიტყვეთ, როგორ წაშალოთ თანამასპინძელი.

ახალი თანამასპინძლის მოწვევისა და მისი ნებართვების განსაზღვრის წესი

ახალი თანამასპინძლის დასამატებლად:

შენიშვნა: მასპინძლები, ან სრული წვდომის მქონე თანამასპინძლები, თავად უნდა დარწმუნდნენ, რომ თანამასპინძლები თანახმა არიან, მიიღონ მოსაწვევები SMS‑ის ან ელფოსტის მეშვეობით. გაითვალისწინეთ, რომ მოსაწვევების SMS‑ით მიღება შეუძლიათ მხოლოდ Airbnb‑ზე რეგისტრირებულ მომხმარებლებს. ამასთან, თანამასპინძლის მდებარეობის ან ანგარიშის პარამეტრების მიხედვით, მოსაწვევების SMS‑ით გაგზავნა, შესაძლოა, შეუძლებელი იყოს. მოწვევაზე თანხმობის განცხადებამდე ახალ თანამასპინძლებს დასჭირდებათ ვინაობის დადასტურება (თუ მათ ეს ჯერ არ გაუკეთებიათ).

გამოცდილი თანამასპინძლის პოვნა

თანამასპინძლად შეგიძლიათ აირჩიოთ მეგობარი, ოჯახის წევრი ან საცხოვრებლის სამართავად დაქირავებული პირი.

თუ ამ კუთხით დამხმარეს ეძებთ, ზოგიერთ ქვეყანაში* საშუალება გაქვთ, იპოვოთ გამოცდილი ადამიანი, რომელმაც იცის, რა არის საჭირო Airbnb‑ს მეშვეობით სწორი მასპინძლობისთვის. ამასთან, თქვენს განცხადებაზე სრულ კონტროლს შეინარჩუნებთ. იპოვეთ გამოცდილი თანამასპინძელი და განიხილეთ მასთან თანამშრომლობის ვარიანტები.