სუპერმასპინძელი —გამორჩეული მასპინძლობის ეტალონი
სუპერმასპინძლობის პროგრამა აღიარებს და აჯილდოებს გამორჩეული შეფასებისა და გამოცდილების მქონე მასპინძლებს Airbnb‑ზე.
პროგრესის შემოწმებასუპერმასპინძლობის უპირატესობები
სტუმართმოყვარეობისთვის მადლობის ნიშნად სუპერმასპინძლები იღებენ პრიორიტეტულ მხარდაჭერასა და ექსკლუზიურ ჯილდოებს, ხოლო მათი განცხადებები უფრო შესამჩნევი ხდება.
განსაკუთრებული აღიარება
სუპერმასპინძლის ნიშანი თქვენს განცხადებას კიდევ უფრო გამორჩეულად აქცევს, რაც, თავის მხრივ, შესაძლოა, ჯავშნების რაოდენობის გაზრდაში დაგეხმაროთ.
პრიორიტეტული მხარდაჭერა
როგორც სუპერმასპინძელი, დახმარებას პრიორიტეტული წესით მიიღებთ, როცა Airbnb‑ს მხარდაჭერის გუნდს დაუკავშირდებით.
ექსკლუზიური ჯილდოები
ზედიზედ ოთხ კვარტალში სუპერმასპინძლობისთვის 100$‑იან ვაუჩერს მიიღებთ ხოლმე Airbnb‑ზე გამოსაყენებლად, ასევე, 20%‑ით მეტ სტანდარტულ ბონუსს მასპინძელთა გაწევრიანებისთვის.
სუპერმასპინძლობის რაობა
სამ თვეში ერთხელ ვამოწმებთ, დააკმაყოფილეთ თუ არა სუპერმასპინძლობის კრიტერიუმები გასული წლის განმავლობაში, რის საფუძველზეც მიიღებთ ან შეინარჩუნებთ სტატუსს.
10 ან მეტი სტუმრობა
წელიწადში საჭიროა მინიმუმ 10 სტუმრობა, ან მინიმუმ 100 ღამე სამი ან მეტი სტუმრობის ფარგლებში. სტუმრები უფრო მშვიდად არიან, როცა იციან, რომ მასპინძელი გამოცდილია.
გაუქმების 1%‑ზე დაბალი სიხშირე
გააუქმეთ ჯავშნები 1%‑ზე ნაკლებ შემთხვევაში (მნიშვნელოვნად შემაფერხებელი გარემოებების გაუთვალისწინებლად). ეს ნიშნავს 0 გაუქმებას, თუ მასპინძელს წელიწადის განმავლობაში მიღებული აქვს 100‑ზე ნაკლები ჯავშანი. რაც უფრო იშვიათია გაუქმების შემთხვევები, მით უფრო მშვიდად არიან სტუმრები.
4,8‑იანი საერთო შეფასება
მიიღეთ სტუმრებისგან საშუალოდ მინიმუმ 4,8‑ვარსკვლავიანი შეფასება წლის განმავლობაში. სტუმრებმა იციან, რომ გამორჩეული სტუმართმოყვარეობა ელით თქვენისთანა მასპინძლებისგან.
გამოხმაურების 90%‑იანი სიხშირე
უპასუხეთ ახალი შეტყობინებების 90%‑ს (ასევე, დააკმაყოფილეთ ან უარყავით დაჯავშნის ახალი მოთხოვნები) 24 საათის განმავლობაში. ამით სტუმრებს აგრძნობინებთ, რომ ოპერატიულად გამოეხმაურებით, როცა ისინი შემდგომში მოგმართავენ.
პასუხები თქვენს შეკითხვებზე
ვის შეუძლია სუპერმასპინძლის სტატუსის მოპოვება?
სუპერმასპინძლობის კრიტერიუმებთან თქვენი შესაბამისობა შეფასდება მხოლოდ იმ შემთხვევაში, თუ მინიმუმ ერთ განცხადებას ფლობთ საცხოვრებლის შესახებ. შეფასება არ შეეხება თანამასპინძლებს, არც შთაბეჭდილებებისა თუ მომსახურებების მასპინძლებს.ამის მიუხედავად, აღნიშნული სტატუსის მოპოვების შესაძლებლობა აქვთ იმ თანამასპინძლებსა და შთაბეჭდილებების/მომსახურებების მასპინძლებს, რომლებიც საცხოვრებლის შესახებ განცხადებასაც ფლობენ. სუპერმასპინძლობის კრიტერიუმებთან შესაბამისობის შეფასებებისას არ იქნება გათვალისწინებული იმ განცხადებების მაჩვენებლები, რომელთა შემთხვევაშიც ისინი თანამასპინძლები არიან, არც შთაბეჭდილებებისა თუ მომსახურებების შესახებ განთავსებული განცხადებების.
განაცხადის წარმოდგენა მჭირდება?
თუ შეფასების თარიღისთვის პროგრამის კრიტერიუმები დაკმაყოფილებული გექნებათ, სუპერმასპინძლის სტატუსი ავტომატურად მოგენიჭებათ — განაცხადის წინასწარ წარმოდგენა საჭირო არ არის.სტატუსს გაცნობებთ შეფასების ყოველი პერიოდის ბოლოს. სუპერმასპინძლის ნიშნის განცხადებაში ასახვას, შესაძლოა, 1 კვირამდე დასჭირდეს.შეიტყვეთ ვრცლად სუპერმასპინძლის სტატუსის მოპოვების შესახებ.
საჭიროა თუ არა მასპინძლობის მინიმუმ ერთწლიანი გამოცდილება, სუპერმასპინძელი რომ გავხდე?
სუპერმასპინძლის სტატუსის მისაღებად განსაკუთრებული გამოცდილება სავალდებულო არ არის. თუ შეფასების პერიოდისთვის (რომელიც 3 თვეში ერთხელაა) ყველა კრიტერიუმი დაკმაყოფილებული გექნებათ, სუპერმასპინძლის სტატუსი მოგენიჭებათ.სუპერმასპინძლობის კრიტერიუმებთან შესაბამისობის ყოველი შემოწმებისას ფასდება გასული წლის მაჩვენებლები. სუპერმასპინძლობის პროგრამის წესებისა და პირობების სრული ვერსიის გასაცნობად ეწვიეთ დახმარების ცენტრს.
აისახება თუ არა ჯავშნების საგანგებო ვითარებაში გაუქმება სუპერმასპინძლის სტატუსზე?
თუ ჯავშნის გაუქმება გიწევთ მნიშვნელოვნად შემაფერხებელი გარემოებების გამო ან სხვა საფუძვლიანი მიზეზით, აღნიშნულთან დაკავშირებით გადასახადს არ დაგაკისრებთ, ხოლო გაუქმების შემთხვევა არ აისახება სუპერმასპინძლობის კრიტერიუმებზე. ზოგჯერ სხვა უარყოფითი შედეგების თავიდან აცილებაშიც დაგეხმარებით.შეიტყვეთ ვრცლად Airbnb‑ს მნიშვნელოვნად შემაფერხებელი გარემოებების დებულების შესახებ.
