კომუნიკაციის გამარტივება

დაგეგმილი შეტყობინებებისა და მზა პასუხების ფუნქციები დაგეხმარებათ დროის დაზოგვაში. აღნიშნული შეტყობინებების შედგენისას გაითვალისწინეთ, რომ სტუმრები მათ უფრო დიდი ალბათობით გაეცნობიან, თუ ისინი დროული და მოკლე იქნება.

ავტომატურად დაუგზავნეთ დაგეგმილი შეტყობინებები სტუმრებს სხვადასხვა მნიშვნელოვან ეტაპზე, მაგალითად, ჯავშნის გაფორმების შემდეგ ან დაბინავებისა თუ საცხოვრებლიდან გასვლის დროის მოახლოებისას.

ამას გარდა, დაგეგმილი შეტყობინებების მომზადება შეგიძლიათ შემდეგი შემთხვევებისთვის:

• დაჯავშნით დაინტერესება ან დაჯავშნის მოთხოვნა: უპასუხეთ სტუმრებს მომართვისთანავე (ან მაქსიმუმ 24 საათის განმავლობაში).
• ჯავშნის დადასტურება: გადაუხადეთ სტუმრებს მადლობა ჯავშნის გაფორმებისთვის და აცნობეთ მათ, რომ მზად ხართ, დაეხმაროთ შეკითხვების არსებობის შემთხვევაში.
• დაბინავებამდე: დაახლოებით 24‑48 საათით ადრე შეახსენეთ სტუმრებს, სად შეუძლიათ მათ დაბინავების ინსტრუქციის პოვნა, ასევე, საჭიროებისამებრ, გაუზიარეთ მათ სასარგებლო რჩევები საცხოვრებელში მოხვედრასთან დაკავშირებით.
• დაბინავების შემდეგ: დაბინავებიდან მცირე ხნის შემდეგ ჰკითხეთ სტუმრებს, წესრიგშია თუ არა ყველაფერი.
• საცხოვრებლიდან გასვლამდე: შეახსენეთ სტუმრებს საცხოვრებლიდან გასვლის დრო წინა საღამოს, რომ თავიდან აიცილოთ დაბრკოლებები.
• საცხოვრებლიდან გასვლის შემდეგ: გადაუხადეთ სტუმრებს მადლობა და სთხოვეთ, დაგიტოვონ მიმოხილვა. თქვენც დაუტოვეთ სტუმრებს მიმოხილვა შეძლებისდაგვარად მალე.

უპასუხეთ ხშირად დასმულ შეკითხვებს ეკრანზე ერთი შეხებით ან დაწკაპუნებით — მოამზადეთ მზა პასუხები. მზა პასუხების გამოყენება თქვენი ყველა განცხადების შემთხვევაში შეგიძლიათ.

პასუხებისთვის პერსონალური ელფერის შეძენა შეგიძლიათ ცვლადების მეშვეობით — ისინი ავტომატურად შეავსებს ინფორმაციას სტუმრის, ჯავშნისა თუ საცხოვრებლის შესახებ. ცვლადების გამოყენებამდე დარწმუნდით, რომ მითითებული გაქვთ ყველა ცნობა საცხოვრებლის შესახებ.

ცვლადების მაგალითებია:

• სტუმრის სახელი
• შესვლის თარიღი
• შესვლის დრო
• გასვლის თარიღი
• გასვლის დრო
• დაბინავების მეთოდი
• საცხოვრებლიდან გასვლის ინსტრუქცია
• მისასვლელი გზა
• გზამკვლევი
• სტუმრის ცნობარი
• სახლის წესები
• Wi‑Fi ქსელის სახელი
• Wi‑Fi ქსელის პაროლი

თუ API‑ს მეშვეობით დაკავშირებულ პროგრამულ უზრუნველყოფას იყენებთ, ამ ფუნქციებით სარგებლობას თქვენთვის ჩვეული ინტერფეისიდანვე შეძლებთ (თუ პროგრამული უზრუნველყოფის მომწოდებელს ისინი ინტეგრირებული აქვს). თუ ფუნქციები ჯერ არ არის ინტეგრირებული, მიმართეთ პროგრამული უზრუნველყოფის მომწოდებელს და შეიტყვეთ, როდის იგეგმება ეს.

სტატიაში მოცემული ინფორმაცია, შესაძლოა, შეცვლილიყო მისი გამოქვეყნების შემდეგ.