ვარიანტების გასაცნობად დაიწყეთ საძიებო მოთხოვნის აკრეფა. ნავიგაციისთვის გამოიყენეთ კლავიშები ზემოთ ან ქვემოთ მიმართული ისრებით. ასარჩევად გამოიყენეთ კლავიში Enter. არჩეული ფრაზა საძიებო ველს დაემატება, ბმულის არჩევის შემთხვევაში კი ბრაუზერში შესაბამისი გვერდი გაიხსნება.
ვარიანტების გასაცნობად დაიწყეთ საძიებო მოთხოვნის აკრეფა. ნავიგაციისთვის გამოიყენეთ კლავიშები ზემოთ ან ქვემოთ მიმართული ისრებით. ასარჩევად გამოიყენეთ კლავიში Enter. არჩეული ფრაზა საძიებო ველს დაემატება, ბმულის არჩევის შემთხვევაში კი ბრაუზერში შესაბამისი გვერდი გაიხსნება.

ფასების გაკონტროლება

სტუმრების დასაინტერესებლად დააწესეთ ფასდაკლებები და შექმენით წესთა ინდივიდუალური ნაკრებები.
ავტორი: Airbnb (4 იან, 2024)
განახლების თარიღი: 8 აგვ, 2024

ჩვენი მონაცემების მიხედვით, საცხოვრებლები, რომლებზე დაწესებული ფასებიც წელიწადში მინიმუმ ოთხჯერ შეიცვალა, 30%‑ზე მეტი ღამით დაიჯავშნა იმ ვარიანტებთან შედარებით, რომელთა ფასებიც არ შეცვლილა.* ამას გარდა, ფასდაკლების დაწესებამ, შესაძლოა, ხელი შეგიწყოთ განცხადების პოზიციის გაუმჯობესებაში Airbnb‑ზე ძიების შედეგებში.

მასპინძლები, რომლებსაც რამდენიმე განცხადება აქვთ განთავსებული, ზოგჯერ აღნიშნავენ, რომ ისინი არ ცვლიან ფასებს, რადგან ეს პროცესი, ხშირ შემთხვევაში, შრომატევადია. ფასდაკლებების მეშვეობით ზედმეტი ძალისხმევის გარეშე შეცვლით ერთი ღამის ფასს კონკრეტული გარემოებების მიხედვით. ამასთან, წესების ნაკრებები დაგეხმარებათ, ეფექტურად მოარგოთ თქვენი საფასო პოლიტიკა სხვადასხვა პერიოდს.

ფასდაკლებების შერჩევა

ფასდაკლებების დაწესება პირდაპირ კალენდრიდან ან „შესაძლებლობების“ ჩანართიდან შეგიძლიათ. აწონ‑დაწონეთ თითოეული ტიპის ფასდაკლების უპირატესობები, რომ გადაწყვიტოთ, რომელი მათგანი გაამართლებს თქვენ მიერ განთავსებული საცხოვრებლების შემთხვევაში.

  • ფასდაკლება გრძელვადიან ჯავშნებზე: ფასი შემცირდება ორი დღიდან 12 კვირამდე ხანგრძლივობის ყველა ჯავშნისთვის. მოიცავს ფასდაკლებებს მინიმუმ ერთ კვირის ან თვის ვადით სტუმრობებზეც. აღნიშნული, შესაძლოა, დაგეხმაროთ თქვენ მიერ განთავსებულ საცხოვრებლებში სტუმრობის საშუალო ხანგრძლივობის გაზრდაში (რაც, თავის მხრივ, თავიდან აგაცილებთ საცხოვრებლის ხშირი მომზადების საჭიროებას).
  • ბოლო წუთის ფასდაკლება: თქვენ მიერ ერთ ღამეზე დაწესებული ფასი შემცირდება დაბინავების თარიღის მოახლოებასთან ერთად. აღნიშნული დაგეხმარებათ დაუჯავშნელი ღამეების რაოდენობის შემცირებასა და შემოსავლის გაზრდაში. მინიმუმ 10%‑იანი ფასდაკლებების შემთხვევაში განცხადების გვერდზე განთავსდება სპეციალური აღნიშვნა.
  • ფასდაკლება ადრეულ დაჯავშნაზე: ფასი შემცირდება ყველა ჯავშნისთვის, რომლებიც გაფორმდება დაბინავების დაგეგმილ თარიღამდე 1‑24 თვით ადრე. აღნიშნული დაგეხმარებათ, მაქსიმალურად მეტი ჯავშანი მიიღოთ მომავალი სეზონებისთვის. მინიმუმ 3%‑იანი ფასდაკლებების შემთხვევაში განცხადების გვერდზე განთავსდება სპეციალური აღნიშვნა.
  • პრომოაქცია „ახალი განცხადება“: თქვენ მიერ ახალგანთავსებული საცხოვრებლების პირველი სამი ჯავშნისთვის იმოქმედებს 20%‑იანი ფასდაკლება. აღნიშნული დაგეხმარებათ ჯავშნებისა და მიმოხილვების უფრო სწრაფად მიღებაში.
  • ინდივიდუალური პრომოაქცია: ფასდაკლების მოქმედების თარიღებსა და პროცენტულ ოდენობას თავად ირჩევთ. მინიმუმ 15%‑იანი ფასდაკლებების შემთხვევაში განცხადების გვერდზე განთავსდება სპეციალური აღნიშვნა.
  • არაანაზღაურებადი ფასდაკლება: გაუქმების თქვენ მიერ განსაზღვრული ძირითადი წესების პარალელურად სტუმრებს შეგიძლიათ შესთავაზოთ 10%‑იანი ფასდაკლებაც იმ პირობით, რომ ჯავშნის გაუქმების შემთხვევაში თანხა მთლიანად თქვენ გერგებათ.

ის, თუ სად შეიტყობენ სტუმრობის მსურველები ფასდაკლების შესახებ, დამოკიდებულია მის პროცენტულ ოდენობაზე.

  • მინიმუმ 1%: ფასდაკლების სტრიქონი მოცემული იქნება ფასის დეტალიზაციაში განცხადების გვერდზე (თუ უკვე არ არის მითითებული ჯამური ფასი), , ასევე, ანგარიშსწორებისას. აღნიშნული არ ეხება ბოლო წუთის ფასდაკლებას.
  • მინიმუმ 10%: ზემოთ განმარტებულთან ერთად, ძიების შედეგებსა და განცხადების გვერდზე ნაჩვენები იქნება გადახაზული ფასი ერთ ღამეზე.

  • მინიმუმ 20%: ზემოთ განმარტებულთან ერთად, სტუმრობის მსურველებმა, რომლებიც ბოლო დროს თქვენს რეგიონში საცხოვრებელს ეძებდნენ, თქვენ მიერ განთავსებული განცხადებები, შესაძლოა, შენიშნონ Airbnb‑სგან მიღებულ ელწერილებში.

2023 წლის ნოემბრის მდგომარეობით, გრძელვადიანი ჯავშნების ფარგლებში დაჯავშნილი ღამეების დაახლოებით ერთი მეოთხედი მოდიოდა სამი ან მეტი თვის ხანგრძლივობის სტუმრობებზე. საცხოვრებლის გრძელი ვადით მაძიებელი სტუმრები, ხშირ შემთხვევაში, ყურადღებას აქცევენ ფასდაკლებებს.

ფასებსა და ხელმისაწვდომობასთან დაკავშირებული წესების ნაკრებების გამოყენება

თუ არ გსურთ, თქვენ მიერ განსაზღვრული ფასდაკლება დასაჯავშნად ხელმისაწვდომ ყველა ღამეზე გავრცელდეს, დაიხმარეთ წესების ნაკრებები, რომლებიც საშუალებას მოგცემთ, ერთი ღამის ფასი და კალენდრის პარამეტრები კონკრეტული ფაქტორების გათვალისწინებით დაარეგულიროთ. წესების ნაკრებების გამოყენება შეგიძლიათ როგორც რამდენიმე, ისე ცალკეული განცხადებისთვის.

წესების ნაკრებების გამოყენებამდე დაფიქრდით წელიწადის დროზე. მაგალითად, თუ თქვენთან საცხოვრებელზე მოთხოვნა სეზონურად იცვლება, შეგიძლიათ შექმნათ წესების ნაკრები, რომელიც დაარეგულირებს თქვენ მიერ განსაზღვრულ პარამეტრებს იმ პერიოდებში, როცა ჯავშნებს ხშირად არ იღებთ ხოლმე. სურვილისამებრ, წესების ნაკრებს შეგიძლიათ დაურთოთ ფასდაკლებები ადრეულ დაჯავშნასა და გრძელვადიან ჯავშნებზე, ასევე, გაზარდოთ სტუმრობის მაქსიმალური ხანგრძლივობა ან დაუშვათ ჯავშნების დაბინავების დღესვე გაფორმების შესაძლებლობა, სტუმრობის მსურველები რომ დააინტერესოთ.

ფასდაკლებების გარდა, წესების ნაკრების ფარგლებში შეგიძლიათ ჩაასწოროთ ქვემოთ მითითებული პარამეტრები.

  • მოთხოვნები სტუმრობის ხანგრძლივობის კუთხით: განსაზღვრეთ სტუმრობის მინიმალური და მაქსიმალური ხანგრძლივობები, რომლებიც შეგიძლიათ დაარეგულიროთ დაბინავების დაგეგმილი დღის მიხედვით.
  • მოთხოვნები დაბინავებისა და საცხოვრებლიდან გასვლის კუთხით: აირჩიეთ, კვირის რომელ დღეებში შეუძლიათ სტუმრობის მსურველებს დაბინავება და საცხოვრებლიდან გასვლა.

წესების ნაკრებების დაყენება

წესების ნაკრებებით სარგებლობისთვის თანხმობა უნდა გქონდეთ განცხადებული პროფესიული მასპინძლობის ხელსაწყოების გამოყენებაზე (თუ მინიმუმ 6 განცხადება გაქვთ, აღნიშნული ხელსაწყოები თქვენთვის ავტომატურად გააქტიურდება). აღნიშნული ხელსაწყოები ხელმისაწვდომია მხოლოდ კომპიუტერებზე.

წესების ნაკრების ამოქმედების შემდეგ უგულებელყოფილი იქნება ფასებისა და ხელმისაწვდომობის ნებისმიერი არსებული პარამეტრი, გონივრული ფასწარმოქმნის ჩათვლით.

წესების ახალი ნაკრების შესაქმნელად:

  1. გადადით მულტიკალენდარზე.
  2. აირჩიეთ თარიღები, რომლებზეც გსურთ, გავრცელდეს წესების ნაკრები.
  3. პანელიდან აირჩიეთ წესები.
  4. დაწკაპუნებით აირჩიეთ წესების ახალი ნაკრების შექმნა.
  5. დაასათაურეთ წესების ნაკრები (მაგალითად, „პიკის სეზონი“).
  6. იმ წესის გვერდით, რომლის დამატებაც გსურთ, დაწკაპუნებით აირჩიეთ მორგება.
  7. განსაზღვრეთ ფასებსა და ხელმისაწვდომობასთან დაკავშირებული წესები.
  8. დაწკაპუნებით აირჩიეთ შენახვა.
  9. წესის წასაშლელად დაწკაპუნებით აირჩიეთ გაუქმება.

წესების არსებული ნაკრების ჩასასწორებლად:

  1. გადადით მულტიკალენდარზე.
  2. დაწკაპუნებით აირჩიეთ წესების ნაკრებები.
  3. გადადით წესების ნაკრებზე, რომლის მართვაც გსურთ, შემდეგ კი დაწკაპუნებით აირჩიეთ ჩასწორება.

*ეფუძნება მოქმედი განცხადებების შესახებ Airbnb‑ს მონაცემებს 2022 წლის ივლისის მდგომარეობით

თუ API‑ს მეშვეობით დაკავშირებულ პროგრამულ უზრუნველყოფას იყენებთ, ამ ფუნქციებით სარგებლობას თქვენთვის ჩვეული ინტერფეისიდანვე შეძლებთ (თუ პროგრამული უზრუნველყოფის მომწოდებელს ისინი ინტეგრირებული აქვს). თუ ფუნქციები ჯერ არ არის ინტეგრირებული, მიმართეთ პროგრამული უზრუნველყოფის მომწოდებელს და შეიტყვეთ, როდის იგეგმება ეს. ინდივიდუალური პრომოაქციების გამოყენება შესაძლებელია მხოლოდ Airbnb‑დან. პოპულარიზაციის ზოგიერთი საშუალება (მაგალითად, გადახაზული სტილი), შესაძლოა, არ გამოიყენებოდეს ზოგიერთ გეოგრაფიულ რეგიონში.

სტატიაში მოცემული ინფორმაცია, შესაძლოა, შეცვლილიყო მისი გამოქვეყნების შემდეგ.

Airbnb
4 იან, 2024
სასარგებლო იყო?