ძიების შედეგებში ფასის სხვადასხვაგვარად ასახვის შესაძლო მიზეზი

გასული წლიდან ძიების შედეგებში სტუმრობათა ფასების ასახვის სხვადასხვა ხერხს ვცდიდით.

ზოგიერთ რეგიონში მყოფი სტუმრობის მსურველებისთვის ამჟამად ძიების შედეგებში აისახება ხან ერთი ღამის, ხან კი — სტუმრობის ჯამური ფასი. მიმდინარე თვიდან ვაპირებთ, ფასდადებასთან დაკავშირებით ახალი ექსპერიმენტი წამოვიწყოთ და საცხოვრებლის მაძიებელი ზოგიერთი სტუმრისთვის ავსახოთ მხოლოდ სტუმრობათა ჯამური ფასები, რომლებიც მოიცავს ერთი ღამის ფასს, Airbnb‑ს მომსახურების გადასახადსა და სხვა შესაძლო გადასახადებს, მაგალითად, დასუფთავებისთვის, შინაური ცხოველებისთვის ან დამატებითი სტუმრებისთვის.

ყოველივე ამის მიზანია, ჯავშნების გაფორმების პროცესი უფრო მარტივად, სწრაფად და ინფორმაციულად ვაქციოთ სტუმრობის მსურველთათვის. ქვემოთ უფრო ვრცლად გიამბობთ ფასდადებასთან დაკავშირებული ჩვენი ექსპერიმენტის შესახებ, ასევე, გაცნობებთ, როგორ გაგვიზიაროთ თქვენი მოსაზრებები.

ზოგიერთ რეგიონში მყოფ სტუმრობის მსურველთა ძიების შედეგებში აისახება მხოლოდ სტუმრობის ჯამური ფასი ამა თუ იმ განცხადების შემთხვევაში. ჯამურ ფასში არ შედის ოფიციალური მოსაკრებლები, რომლებიც ანგარიშსწორების გვერდზე ცალკე სტრიქონში იქნება მოცემული.

ექსპერიმენტში ჩაერთვებიან ისინი, ვინც მსოფლიოს კონკრეტულ რეგიონებში ეძებს საცხოვრებელს. აღნიშნულთან დაკავშირებით, განცხადებებში ზოგჯერ მოცემული იქნება ბანერი, რომელიც ამცნობს სტუმრობის მსურველებს საცდელი ცვლილების შესახებ.

არა. სტუმრების მიერ გადასახდელი და მასპინძელთა კუთვნილი თანხების ოდენობა უცვლელი რჩება.

თქვენ მიერ განთავსებული საცხოვრებლის ფასი ყოველთვის თქვენი გადასაწყვეტია. ერთ ღამეზე დაწესებული ფასის კორექტირებას ექსპერიმენტის მსვლელობის დროსაც კი შეძლებთ განცხადების დეტალების „ფასებისა და ხელმისაწვდომობის“ სექციიდან.

არსებული მოდელის მიხედვით, სტუმრები დეტალურად ეცნობიან სხვადასხვა გადასახადსა და მოსაკრებელს. ამგვარად, წინასწარ იციან ფასის სტრუქტურა. როგორც გასული წლის განმავლობაში შევნიშნეთ, Airbnb‑ზე ჯავშნების რაოდენობა მნიშვნელოვნად გაიზარდა, თუმცა, ამჟამინდელი ფორმატის ეფექტურობის მიუხედავად, მუდმივად ვცდილობთ, ჩვენი პლატფორმით სარგებლობა ყველასთვის უფრო მოსახერხებელი იყოს.

განცხადებებში ფასების სხვადასხვაგვარად ასახვის მეშვეობით, ამ ეტაპზე ვცდილობთ, დავადგინოთ, კიდევ უფრო გაიზრდება თუ არა ჯავშნების რაოდენობა და საერთო კმაყოფილების დონე ახალი ფორმატის დანერგვის შემთხვევაში.

არ აქვს მნიშვნელობა, მდებარეობს თუ არა თქვენ მიერ ჩვენს პლატფორმაზე განთავსებული ვარიანტი იმ რეგიონში, რომელშიც ექსპერიმენტი ტარდება — თქვენს განცხადებაში ნებისმიერ დროს შეგიძლიათ ჩაასწოროთ აღწერილობა, რომ კიდევ უფრო უკეთ წარმოაჩინოთ მასპინძლობის თქვენეული სტილისა თუ საცხოვრებელი სივრცის განსაკუთრებულობა.

ამას გარდა, საფასო პოლიტიკის დახვეწის საშუალებაც გაქვთ ფასების გარკვევის ახალი ხელსაწყოს გამოყენებით. აღნიშნული ხელსაწყოს მეშვეობით მასპინძლის რეჟიმიდანვე გაარკვევთ როგორც სტუმრების მიერ ჯამში გადასახდელი თანხის, ისე თქვენი კუთვნილი ანაზღაურების ოდენობას.

ჩვენ ვაგრძელებთ ძიების შედეგებში ფასების ასახვის ახალი ხერხების გამოცდას და სიამოვნებით მოვისმენთ თქვენს მოსაზრებებს. გთხოვთ, გამოგვეხმაუროთ ექსპერიმენტთან დაკავშირებით და, როგორც ყოველთვის, გმადლობთ, რომ მასპინძელთა გაერთიანების წევრად რჩებით.