შემოთავაზებულ შედეგებზე წვდომისთვის გადადით წინ

    საფასო პოლიტიკის შემუშავება

    სწორად განსაზღვრეთ ფასი, რომ მეტი ჯავშანი და შემოსავალი მიიღოთ.
    ავტორი: Airbnb (1 დეკ, 2020)
    2-წუთიანი საკითხავი
    განახლების თარიღი: 13 მაი, 2021

    ყველაზე მნიშვნელოვანი

    • ახალ განცხადებაში მიუთითეთ დაბალი ფასი, რომ მეტი ჯავშანი მიიღოთ

    • მიიღეთ მეტი შემოსავალი — დააკორექტირეთ ფასები სეზონების, შაბათ-კვირების, საინტერესო ღონისძიებებისა თუ დღესასწაულების მიხედვით

    • განაახლეთ ფასები
    • დაიხმარეთ ჩვენი სრული გზამკვლევი ეფექტური განცხადების შესაქმნელად

    რა ფინანსური მიზნებიც არ უნდა გქონდეთ დასახული, წარმატების მიღწევაში კარგად შემუშავებული საფასო პოლიტიკა დაგეხმარებათ, თუმცა გადაწყვეტილების მიღებამდე ყველაფრის აწონ‑დაწონვაც არ დაგავიწყდეთ, რადგან საბაზრო პირობები ყოველდღიურად იცვლება. ამ სტატიაში გაგაცნობთ სასარგებლო ინფორმაციას, რჩევებსა და ხელსაწყოებს, რომლებიც შეგიძლიათ დაიხმაროთ.

    წარმოიდგინეთ თავი სტუმრის ადგილას

    ფასი ერთ‑ერთი ძირითადი ფაქტორია, რომლის მიხედვითაც სტუმრები საცხოვრებელს არჩევენ. აქედან გამომდინარე, რამდენად ლამაზ საცხოვრებელსაც არ უნდა სთავაზობდეთ სტუმრებს, თუ ახლომახლო მსგავსი ვარიანტები გაცილებით იაფი ღირს, დიდი ალბათობით, ჯავშნებს გაუშვებთ ხელიდან. ამასთანავე, გახსოვდეთ, რომ სტუმრები არ იხდიან ზუსტად იმ თანხას, რომელსაც ფასში უთითებთ. თქვენთვის და სტუმრებისთვის მისაღები ფასის დაწესებისას აუცილებლად გაითვალისწინეთ სტუმრებისთვის დაკისრებული მომსახურების გადასახადი, დამატებითი გადასახადები, რომელთა დაკისრებასაც აპირებთ (მაგ., დასუფთავების ან დამატებითი სტუმრის გადასახადები), ასევე, ოფიციალური მოსაკრებლები.

    შეისწავლეთ ბაზარი

    მოიძიეთ მსგავსი Airbnb საცხოვრებლები თქვენ მახლობლად და გაითვალისწინეთ:

    შეამოწმეთ სხვადასხვა მომავალი თარიღი. როგორც წესი, პირველად ის საცხოვრებლები იჯავშნება, რომლებსაც კონკურენტული ფასი აქვს, ამიტომ ნუ შეადარებთ თქვენს ვარიანტს სხვა საცხოვრებლებს, რომლებიც ერთი-ორი კვირის შემდეგაც ხელმისაწვდომია, რადგან დიდი ალბათობით, ისინი იმიტომ არ დაჯავშნეს, რომ მათი ფასი ზედმეტად მაღალია. წინასწარ დაგეგმვა იმის გარკვევაშიც დაგეხმარებათ, თუ რა პრინციპით აკორექტირებენ ფასებს სხვა ადგილობრივი მასპინძლები სეზონების, შაბათ-კვირების, საინტერესო ღონისძიებების თუ დღესასწაულების მიხედვით.

    გაითვალისწინეთ სტუმრებისთვის შეთავაზებული საცხოვრებლის მდებარეობა და საყოფაცხოვრებო პირობები

    ასპექტები, რომლებსაც ფასის განსაზღვრისას ითვალისწინებთ, შესაძლოა, პოტენციური სტუმრებისთვის ნაკლებად აშკარა იყოს. მაგალითად, თუ ადამიანი თქვენს ქალაქში პირველად ჩამოდის, მან, სავარაუდოდ, სულაც არ იცის, რომ უბანი, რომელშიც საცხოვრებელს სთავაზობთ, განსაკუთრებული უსაფრთხოებითა და სილამაზით გამოირჩევა, ამიტომ აუცილებლად აღნიშნეთ ეს გარემოებები განცხადებაში. მაღალი ფასი, შესაძლოა, ასევე, გამართლდეს შესანიშნავი საუზმით ან სასუსნავების ნაკრებით, რომელსაც სტუმრებს ახვედრებთ ხოლმე, თუმცა ამგვარი დეტალები განცხადებაშიც მკაფიოდ უნდა მიუთითოთ და ფოტოებზეც გამოაჩინოთ.

    დააწესეთ მიმზიდველი ფასი

    „ახალბედა მასპინძლებს ვურჩევდი, კონკურენტუნარიანი ფასებით დაიწყონ“, — ამბობს როსი დურბანიდან (სამხრეთ აფრიკის რესპუბლიკა). სტუმრები მაინცდამაინც თამამად არ ჯავშნიან საცხოვრებლებს, რომლებსაც მიმოხილვები არ აქვს. აქედან გამომდინარე, თუ ახალბედა ხართ, სტუმრების დასაინტერესებლად, ჯერ შედარებით დაბალი ფასი დააწესეთ. რამდენიმე დადებითი მიმოხილვის მიღების შემდეგ შეგიძლიათ ფასის ჩასწორება თქვენს რეგიონში არსებული მოთხოვნის შესაბამისად. აქვე უნდა აღინიშნოს, რომ კონკურენტუნარიანი ფასების შემთხვევაში თქვენს განცხადებას უკეთესი პოზიცია ექნება ძიების შედეგებში.

    გამოიყენეთ გონივრული ფასწარმოქმნის ხელსაწყო

    თუ მარჩიელობის იდეა დიდად არ გხიბლავთ, გაააქტიურეთ გონივრული ფასწარმოქმნის ხელსაწყო, რომელიც 70 სხვადასხვა ფაქტორისა და თქვენ მიერ მითითებული პარამეტრების საფუძველზე განსაზღვრავს საუკეთესო ფასს თქვენს კალენდარში დასაჯავშნად ხელმისაწვდომი თითოეული ღამისთვის. ფასები ავტომატურად განახლდება ისეთი გარემოებების მიხედვით, როგორიცაა, მაგალითად:

    • დაჯავშნის ბოლო ვადა: ფასი განახლდება შესაძლო დაბინავების თარიღის მოახლოებასთან ერთად
    • ადგილობრივი მოთხოვნა: ფასი განახლდება თქვენს რეგიონში მდებარე საცხოვრებლების მაძიებელთა რაოდენობის მიხედვით
    • სეზონურობა: ფასი განახლდება ამა თუ იმ სეზონზე პროგნოზირებული მოთხოვნის მიხედვით
    • განცხადების პოპულარობა: ფასი განახლდება თქვენი ნახვებისა და ჯავშნების რაოდენობის მიხედვით
    • მიმოხილვების ისტორია: ფასი განახლდება დადებითი მიმოხილვების მიღებასთან ერთად

    ჯავშნის ღირებულება ყოველთვის მისაღები რომ იყოს, გონივრული ფასწარმოქმნის ხელსაწყოში ერთი ღამის მინიმალური ფასი უნდა განსაზღვროთ — ტარიფი არასოდეს დაიწევს თქვენ მიერ მითითებულ ზღვარზე ქვემოთ. თუკი ხელსაწყოს მიერ რომელიმე თარიღისთვის შემოთავაზებული ფასი თქვენთვის არახელსაყრელი აღმოჩნდება, უბრალოდ, მიუთითეთ ახალი ტარიფი კალენდრიდან.

    განსაზღვრეთ, რა უფრო ხელსაყრელია თქვენთვის

    ოპტიმალური ფასი ცდისა და შეცდომის მეთოდით დგინდება, ამიტომ მუდმივად იფიქრეთ ფასების კორექტირებაზე. გახსოვდეთ, რომ მთავარია, სტუმრები კმაყოფილი დარჩნენ. საბოლოო ჯამში, რაც მეტი დადებითი მიმოხილვა გექნებათ, მით უფრო წარმატებული იქნება თქვენი მასპინძლობის ბიზნესი.

    სტატიაში მოცემული ინფორმაცია, შესაძლოა, შეცვლილიყო მისი გამოქვეყნების შემდეგ.

    ყველაზე მნიშვნელოვანი

    • ახალ განცხადებაში მიუთითეთ დაბალი ფასი, რომ მეტი ჯავშანი მიიღოთ

    • მიიღეთ მეტი შემოსავალი — დააკორექტირეთ ფასები სეზონების, შაბათ-კვირების, საინტერესო ღონისძიებებისა თუ დღესასწაულების მიხედვით

    • განაახლეთ ფასები
    • დაიხმარეთ ჩვენი სრული გზამკვლევი ეფექტური განცხადების შესაქმნელად
    Airbnb
    1 დეკ, 2020
    სასარგებლო იყო?

    სხვა საინტერესო

    სხვა საინტერესო

    გაეცანით სხვა თემებს