შემოთავაზებულ შედეგებზე წვდომისთვის გადადით წინ
    ეს კონტენტი თქვენ მიერ არჩეულ ენაზე მიუწვდომელია, ამიტომაც ამჟამად იმ ენაზე გთავაზობთ, რომელიც მასთან ყველაზე ახლოსაა.

    ბრწყინვალე განცხადების შექმნის ხერხები

    განცხადების ოპტიმიზაციისთვის მნიშვნელოვანია მაღალი ხარისხის ფოტოები, კონკურენტუნარიანი ფასი და არა მხოლოდ.
    ავტორი: Airbnb (18 ნოე, 2020)
    4-წუთიანი საკითხავი
    განახლების თარიღი: 1 ივლ, 2021

    ყველაზე მნიშვნელოვანი

    • შეადგინეთ დეტალური და ზუსტი აღწერილობა

      • კალენდარი და დაჯავშნის პარამეტრები მუდმივად განახლებული გქონდეთ

        • განაახლეთ განცხადება
        • დაიხმარეთ ჩვენი სრული გზამკვლევი ეფექტური განცხადების შესაქმნელად

        განცხადება საშუალებას გაძლევთ, პოტენციური სტუმრების ყურადღება მიიპყროთ ლამაზი ფოტოებით, პოპულარული საყოფაცხოვრებო პირობებით და მათთვის შეთავაზებული საცხოვრებლის დეტალური აღწერილობით. არანაკლებ მნიშვნელოვანია კალენდრის დაყენება და ფასების განსაზღვრაც, რომ ჯავშნები მიიღოთ სასურველ დროს და სასურველ ფასად.

        განსაზღვრეთ, როდის და როგორ დაჯავშნიან სტუმრები

        მასპინძლები თავად წყვეტენ, როდის და როგორ მიიღონ ჯავშნები. შეგახსენებთ რამდენიმე სასარგებლო ფუნქციას:

        • კალენდრის პარამეტრები: კალენდრის პარამეტრებიდან შეგიძლიათ განსაზღვროთ დასაჯავშნად ხელმისაწვდომი ღამეების მინიმალური და მაქსიმალური რაოდენობა, თავიდან აიცილოთ იმავე დღეს დაბინავების მოთხოვნები და არა მხოლოდ. არ დაგავიწყდეთ კალენდარში იმ თარიღების დაბლოკვა, რომლებშიც მასპინძლობას ვერ მოახერხებთ.
        • დაჯავშნის მოთხოვნები: ამ ფუნქციის მეშვეობით შეგიძლიათ გადახედოთ დაჯავშნის მოთხოვნას მის დადასტურებამდე. მთავარია, სტუმარს 24 საათის განმავლობაში გამოეხმაუროთ.
        • მომენტალური დაჯავშნა: სტუმრები ხშირად ეძებენ საცხოვრებლებს, რომელთა დაჯავშნაც შესაძლებელია მომენტალურად.

        მნიშვნელოვანი დეტალები განცხადების სრულყოფისთვის

        პოტენციური სტუმრების ძიების შედეგებში რომ გამორჩეული ადგილი დაიკავოთ, გაითვალისწინეთ შემდეგი რჩევები:

        • შეადგინეთ დეტალური აღწერილობა. აღნიშნეთ მნიშვნელოვანი დეტალები (მაგალითად, ადგილობრივ ღირსშესანიშნაობებთან სიახლოვე) სათაურსა და აღწერილობაში. აი, რას წერს ერთი მასპინძელი, რომელიც სტუმრებს ზღვასთან მყუდრო საცხოვრებელს სთავაზობს: „გაისეირნეთ პლაჟზე და განმარტოვდით ამ ოაზისში“.
        • ჩამოთვალეთ სტუმრებისთვის შეთავაზებული საყოფაცხოვრებო პირობები. Airbnb კვლევის* თანახმად, პოპულარულ საყოფაცხოვრებო პირობებში შედის Wi‑Fi კავშირი, დამოუკიდებლად დაბინავების შესაძლებლობა, სივრცე ლეპტოპით მუშაობისთვის, უფასო პარკირების ადგილი და შინაური ცხოველებისთვის შესაფერისი სივრცე.
        • დაეთანხმეთ დასუფთავების წესების დაცვას. COVID‑19‑ის პირობებში, ჩვენი გაერთიანების წევრების უსაფრთხოების უზრუნველყოფის მიზნით, საცხოვრებლების ყველა მასპინძელს** ვთხოვთ, დაიცვან Airbnb‑ს მიერ შემუშავებული განსაკუთრებული დასუფთავების 5‑ეტაპიანი პროცედურა.
        • სახლის წესები: სახლის წესები სტუმრებს მასპინძლობის თქვენი სტილის შესახებ უქმნის წარმოდგენას. გამოიყენეთ სახლის წესები პოტენციური სტუმრებისთვის ისეთი მნიშვნელოვანი ინფორმაციის გასაზიარებლად, როგორიცაა მოწევის აკრძალვა.

        გამოიყენეთ საუკეთესო ფოტოები სტუმრების დასაინტერესებლად

        ხარისხიანი სურათები ხაზს გაუსვამს თქვენს სტილსა და ინდივიდუალურობას. გირჩევთ, ხშირად განაახლოთ ფოტოები და სხვადასხვა საინტერესო დეტალი წარმოაჩინოთ.

        • განსაკუთრებული ყურადღება მიაქციეთ პირველ ფოტოს. ძიების შედეგებში განცხადების სათაურთან ერთად სწორედ ის გამოჩნდება. „როცა Airbnb საცხოვრებელს ვეძებ, პირდაპირ ფოტოებზე გადავდივარ. იფიქრეთ, რას სთავაზობთ განსხვავებულს“, — ამბობს მასპინძელი კანდიდა.
        • წარმოაჩინეთ ფოტოებში მთელი საცხოვრებელი. თითოეული ოთახის სამ‑სამი ფოტო დაურთეთ, რომ სტუმრებისთვის შეთავაზებული საცხოვრებელი სხვადასხვა რაკურსით გამოჩნდეს და პოტენციურ სტუმრებს მასზე წარმოდგენა შეექმნათ.
        • დაურთეთ აღწერილობითი წარწერები. წარწერებში სტუმრებს მნიშვნელოვან ინფორმაციას უნდა აწვდიდეთ. მაგალითად, არ დაგავიწყდეთ ბილიარდის მაგიდის ან ღრმა აბაზანის აღნიშვნა.
        • წარმოაჩინეთ ადაპტირებული პირობები. გამოიყენეთ განცხადების აღწერილობა და ფოტოები ადაპტირებული პირობების წარმოსაჩენად. მათ ბევრი სტუმარი ეძებს.

        ფოტოგადაღების სახელმძღვანელო: რჩევები საცხოვრებლის შესანიშნავი ფოტოების გადაღებისთვის

        შეინარჩუნეთ კონკურენტუნარიანი ფასი

        შეთავაზებული საცხოვრებლის ფასს თავად აწესებთ. გაეცანით რამდენიმე რჩევას ჩვენი მხრიდან:

        • საცხოვრებლის შერჩევისას სტუმრები ხშირად პრიორიტეტს ფასს ანიჭებენ. სწორედ ამიტომ, მნიშვნელოვანია, რომ თქვენ მიერ დაწესებული ფასი მდებარეობას და საყოფაცხოვრებო პირობებს შეესაბამებოდეს. „დაიხმარეთ ინტერნეტი და გადახედეთ ახლომახლო შეთავაზებულ Airbnb განცხადებებს, სასტუმროებსა თუ საცხოვრებლებს მოკლევადიანი გაქირავებისთვის. როგორი სივრცეებია ხელმისაწვდომი და რა თანხის სანაცვლოდ?“ — გვირჩევს სუპერმასპინძელი ნიკი. ვრცლად.
        • ერთ ღამეზე ფასის დაწესებისას მნიშვნელოვანია, გაითვალისწინოთ დასუფთავების,** მომსახურების თუ სხვა დამატებითი გადასახადები და როგორ გაზრდის ისინი სტუმრების მიერ გადასახდელ თანხას.
        • უმჯობესია, თუ დამწყები მასპინძლები ერთ ღამეზე საშუალოზე დაბალ ფასს დააწესებენ, სანამ რამდენიმე დადებით მიმოხილვას დააგროვებენ.
        • გონივრული ფასწარმოქმნის ფუნქცია კონკურენტუნარიანი ფასის დაწესებაში დაგეხმარებათ. მისი მეშვეობით შეგიძლიათ ავტომატურად მოარგოთ ფასი მსგავს საცხოვრებლებზე არსებულ მოთხოვნას.

        ვრცლად მომსახურების გადასახადების შესახებ

        საკონტროლო სია ეფექტური განცხადების შესაქმნელად

        გსურთ, მაქსიმალურად ეფექტური განცხადება შექმნათ? დაიხმარეთ მოკლე საკონტროლო სია:

        • კალენდრის პარამეტრები განახლებული გაქვთ?
        • მოსინჯეთ მომენტალური დაჯავშნის ფუნქცია?
        • განცხადების აღწერილობა/სათაური მკაფიო და ეფექტურია?
        • ყველა საყოფაცხოვრებო პირობა დამატებულია?
        • გაქვთ მაღალი ხარისხის ფოტოები და წარწერები?
        • ერთ ღამეზე დაწესებული ფასი კონკურენტუნარიანია?

        მასპინძლობის დაწყებისა და სტუმრებისგან გამოხმაურების მიღების შემდეგ კარგი იქნება, თუ განცხადებას რეგულარულად განაახლებთ. დარწმუნდით, რომ საცხოვრებლის შეჯამება და ფოტოები ნამდვილად უსვამს ხაზს სტუმრებისთვის შეთავაზებული ვარიანტის განსაკუთრებულობას.

        *გამოკითხვა ჩაატარა Airbnb‑ს სოციოლოგთა გუნდმა 2020 წლის მაისში, 2660 Airbnb სტუმარს შორის აშშ‑დან, გაერთიანებული სამეფოდან, კანადიდან და ავსტრალიიდან

        **არ ეხება მასპინძლებს, რომლებიც საცხოვრებლებს კონტინენტურ ჩინეთში სთავაზობენ. ვრცლად.

        სტატიაში მოცემული ინფორმაცია, შესაძლოა, შეცვლილიყო მისი გამოქვეყნების შემდეგ.

        ყველაზე მნიშვნელოვანი

        • შეადგინეთ დეტალური და ზუსტი აღწერილობა

          • კალენდარი და დაჯავშნის პარამეტრები მუდმივად განახლებული გქონდეთ

            • განაახლეთ განცხადება
            • დაიხმარეთ ჩვენი სრული გზამკვლევი ეფექტური განცხადების შესაქმნელად
            Airbnb
            18 ნოე, 2020
            სასარგებლო იყო?

            სხვა საინტერესო

            სხვა საინტერესო

            გაეცანით სხვა თემებს