ეს კონტენტი თქვენ მიერ არჩეულ ენაზე მიუწვდომელია, ამიტომაც ამჟამად იმ ენაზე გთავაზობთ, რომელიც მასთან ყველაზე ახლოსაა.

საცხოვრებლის ეფექტური აღწერილობის მომზადება

დაეხმარეთ სტუმრობის მსურველებს, წარმოიდგინონ, როგორი იქნება თქვენთან სტუმრობა.
ავტორი: Airbnb (18 ნოე, 2020)
2‑წუთიანი საკითხავი
განახლების თარიღი: 28 ნოე, 2023

საცხოვრებლის სრულყოფილი აღწერილობის შედგენა სტუმრობის მსურველთათვის სათანადო მოლოდინის შექმნისა და მათგან მეტი ჯავშნის მიღების ერთ‑ერთი საუკეთესო საშუალებაა. აცნობეთ სტუმრებს, ზუსტად რა დახვდებათ მათ.

შეადგინეთ საცხოვრებლის აღწერილობა

Airbnb‑ზე 7 მილიონზე მეტი საცხოვრებელია განთავსებული. დაიხმარეთ საცხოვრებლის აღწერილობის სექცია, რომ განუმარტოთ სტუმრობის მსურველებს, რა გამოარჩევს თქვენ მიერ მათთვის შეთავაზებულ ვარიანტს.

  • სასურველია, ტექსტი იყოს მოკლე: საცხოვრებლის მაძიებლები ხშირად მხოლოდ ძირითად ინფორმაციას ეცნობიან განცხადებებში. აღნიშნეთ ყველაზე საგულისხმო ცნობები და ნუ გაიმეორებთ ინფორმაციას, რომელიც უკვე მითითებული გაქვთ სხვაგან (მაგალითად, ყველა საყოფაცხოვრებო პირობის ჩამონათვალში).
  • შექმენით კონტექსტი: შეეცადეთ, გადმოსცეთ საცხოვრებლის თავისებურებები და ატმოსფერო. ცენტრში მდებარე მომცრო უბრალო ოთახსაც კი შეგიძლიათ უწოდოთ „იდეალური საწყისი წერტილი ქალაქის გასაცნობად“. თუკი ბინა ზედა სართულზეა და ხეების ჩრდილშია ჩაფლული, შეგიძლიათ, მაგალითად, აღნიშნოთ, რომ სტუმრებს თავი ხეზე აშენებულ სახლში ეგონებათ.

  • ხაზი გაუსვით განსაკუთრებულ თავისებურებებს: განმარტეთ, რით გამოირჩევა საცხოვრებელი სხვა მსგავსი ვარიანტებისგან და, პირველ რიგში, ახსენეთ საყოფაცხოვრებო პირობები, რომლებიც სტუმრებს ყველაზე მეტად სჭირდებათ. ამას გარდა, გაეცანით სხვა საცხოვრებლების აღწერილობებსა და მიმოხილვებს, რომ ადვილად მიხვდეთ, რომელი ინფორმაციის ცოდნაა მნიშვნელოვანი სტუმრობის მსურველთათვის.

  • ნუ გააზვიადებთ ინფორმაციას: საცხოვრებელთან დაკავშირებით გადაჭარბებული მოლოდინის შექმნა სტუმრებში იმედგაცრუებას იწვევს, რაც უარყოფით მიმოხილვებში აისახება. გულახდილად აღნიშნეთ ყველაფერი, რამაც, შესაძლოა, სირთულე შეუქმნას ზოგიერთ სტუმარს, მათ შორის, გადაადგილების შეზღუდვის მქონე ადამიანებსა თუ ბავშვებს.

შეავსეთ დანარჩენი სექციები

როცა დანარჩენი სექციები შევსებული გექნებათ, სტუმრობის მსურველები მარტივად წარმოიდგენენ, როგორი იქნება თქვენთან სტუმრობა.

  • საცხოვრებელი ობიექტი: ზოგადად აღწერეთ ოთახები და სივრცეები — ყურადღება გაამახვილეთ საინტერესო და პრაქტიკულ დეტალებზე, რომლებიც, შესაძლოა, მნიშვნელოვანი იყოს სტუმრებისთვის. არ დაგავიწყდეთ ცოტა იუმორიც. მაგალითად, „უკანა ეზო შემოღობილია — ბავშვებსა და შინაურ ცხოველებს იქ დაღლამდე სირბილი შეუძლიათ“.
  • სტუმრებისთვის ხელმისაწვდომი: აცნობეთ პოტენციურ სტუმრებს, საცხოვრებლის რომელი სივრცეებით შეეძლებათ სარგებლობა. მაგალითად, „სტუმრების განკარგულებაში იქნება პატიო, რომელიც ძირითად სახლთანაა საზიარო“.
  • სტუმრებთან ურთიერთობის ინტენსივობა: წინასწარ აირჩიეთ, სტუმრებთან რამდენად ინტენსიური ურთიერთობისთვის ხართ მზად. მაგალითად, შეგიძლიათ მიუთითოთ, რომ მათთან ერთად დროის გატარების წინააღმდეგი არ ხართ, ანდაც აღნიშნოთ, რომ მხოლოდ აპის მეშვეობით კომუნიკაციით შემოფარგვლა გირჩევნიათ.
  • სხვა გასათვალისწინებელი: მიუთითეთ, სხვა სექციებში განმარტებულისგან განსხვავებული რა უნდა იცოდნენ მომავალმა სტუმრებმა. მაგალითად, „სახლი ქალაქის ცენტრიდან ფეხით 10 წუთის სავალზეა“.

სტატიაში მოცემული ინფორმაცია, შესაძლოა, შეცვლილიყო მისი გამოქვეყნების შემდეგ.

Airbnb
18 ნოე, 2020
სასარგებლო იყო?

სხვა საინტერესო

სხვა საინტერესო

გაეცანით სხვა თემებს