შემოთავაზებულ შედეგებზე წვდომისთვის გადადით წინ
    ეს კონტენტი თქვენ მიერ არჩეულ ენაზე მიუწვდომელია, ამიტომაც ამჟამად იმ ენაზე გთავაზობთ, რომელიც მასთან ყველაზე ახლოსაა.

    პასუხები მასპინძლების შეკითხვებზე კორონავირუსის შესახებ

    გაეცანით უახლეს ინფორმაციას Airbnb‑სგან კორონავირუსის პირობებში ვაქცინაციის, გაუქმებისა და სხვა დაკავშირებული საკითხების შესახებ.
    ავტორი: Airbnb (5 მარ, 2020)
    3‑წუთიანი საკითხავი
    განახლების თარიღი: 31 მაი, 2022

    ყველაზე მნიშვნელოვანი

    • მასპინძლებმა კვლავ უნდა შეასრულონ დასუფთავების 5‑ეტაპიანი პროცედურა
    • სახლის წესებში შეგიძლიათ მიუთითოთ, რომ სტუმრებისგან ვაქცინაციის ან ტესტზე უარყოფითი პასუხის დამადასტურებელ დოკუმენტს ითხოვთ (სადაც ეს დაშვებულია მოქმედი კანონმდებლობით)

    • მასპინძლებმა უნდა დაიცვან ოფიციალური მითითებები ნიღბების ტარებასა თუ სოციალურ დისტანცირებასთან დაკავშირებით

    2020 წლის მარტში ჯანდაცვის მსოფლიო ორგანიზაციამ COVID‑19 პანდემიად გამოაცხადა. მას შემდეგ, ჩვენი გაერთიანების წევრები უპრეცედენტო სირთულეებისა და არაპროგნოზირებადი მოვლენების წინაშე აღმოჩნდნენ. ჩვენ ვაგრძელებთ მასპინძლების ინფორმაციულ მხარდაჭერას და ამჯერად გთავაზობთ პასუხებს ვაქცინაციის, კორონავირუსის ვარიანტების, დასუფთავებისა და სხვა დაკავშირებული საკითხების შესახებ ხშირად დასმულ შეკითხვებზე.

    რას ურჩევთ მასპინძლებს კორონავირუსთან დაკავშირებული მიმდინარე პრობლემების (მაგალითად, ახალი შტამების) პირობებში?
    კორონავირუსის პანდემიის დაწყების პირველივე დღიდანვე ჩვენ კონსულტაციებს გავდივართ მოწინავე ექსპერტებთან მედიცინის სფეროში, რის მიხედვითაც შემდეგ გარკვეულ ზომებს ვიღებთ.

    „მთელ მსოფლიოში ვირუსის ახალი ვარიანტები ჩნდება, ამიტომ ჩვენ განვაგრძობთ მჭიდრო თანამშრომლობას Airbnb‑სთან, ვაკვირდებით სიტუაციას და საჭიროებისამებრ ვაახლებთ რეკომენდაციებს მისი გაერთიანების წევრებისთვის“, — ამბობს Airbnb‑ს სამედიცინო კონსულტანტი, ინფექციონისტი, ეპიდემიოლოგი და მკვლევარი მეგან კოფი.

    „Airbnb კვლავ მოითხოვს მასპინძლებისგან დასუფთავების 5‑ეტაპიანი პროცედურის შესრულებას, ჩვენ კი მასპინძლებსა და სტუმრებს ვურჩევთ, აუცილებლად დაიცვან ყველა ოფიციალური წესი, რომელიც ეხება მოგზაურობასა და ჯანდაცვას“, — დასძენს მეგანი.

    მოგზაურები კორონავირუსთან დაკავშირებული ახალი რეგულაციების კურსში რომ იყვნენ, ჩვენ, ასევე, ვთანამშრომლობთ ონლაინსერვისთან Sherpa, რომელიც რეალურ დროში აგროვებს და აქვეყნებს ინფორმაციას მსოფლიო მასშტაბით მოქმედი წესების შესახებ. Sherpa‑ს ვებსაიტიდან მასპინძლებსა და სტუმრებს შეუძლიათ შეიტყონ ტესტირებასთან დაკავშირებით მოქმედი მოთხოვნების, კარანტინისა და სხვა შეზღუდვების შესახებ.

    როგორ მოვიქცე, როცა ჩემს რეგიონში კორონავირუსთან დაკავშირებით ამოქმედებული შეზღუდვების გამო მასპინძლობას ვერ ვახერხებ?
    Sherpa‑ს ვებსაიტიდან შეგიძლიათ შეიტყოთ ტესტირებასთან დაკავშირებით მოქმედი მოთხოვნების, კარანტინისა და სხვა ადგილობრივი შეზღუდვების შესახებ. თუ ვარაუდობთ, რომ მთავრობის მიერ დაწესებული შეზღუდვების გამო მომავალი ჯავშნის გაუქმება მოგიწევთ, გირჩევთ, მაქსიმალურად ადრე გააფრთხილოთ სტუმრები ამის შესახებ.

    გამოცდილი მასპინძლების თქმით, ისინი სტუმრებს მომავალ თარიღებში ხელახლა დაჯავშნას ურჩევენ, ზოგჯერ კი დღეების დამატებას ან სხვა ფასდაკლებებს სთავაზობენ, რომ მაქსიმალურად დააინტერესონ სტუმრები არსებული ჯავშნის სხვა პერიოდზე გადატანით.

    თუ ჯავშნის გაუქმება დაგჭირდებათ ავადმყოფობის ან მთავრობის მიერ მოგზაურობასა თუ მასპინძლობასთან დაკავშირებით დაწესებული შეზღუდვის გამო, გირჩევთ, შეძლებისდაგვარად მალე დაუკავშირდეთ გაერთიანების მხარდაჭერის გუნდს თქვენი შემთხვევის ინდივიდუალურად განსახილველად. თუ ჯავშანს გააუქმებთ, ანაზღაურება არ გერგებათ, თუმცა, შესაძლოა, სხვა საჯარიმო სანქციები არ დაგაკისროთ და ამან არც სუპერმასპინძლის სტატუსზე იმოქმედოს.

    შემიძლია თუ არა, სტუმრებს მოვთხოვო ვაქცინაციის ან ტესტზე უარყოფითი პასუხის დამადასტურებელი დოკუმენტი?
    მასპინძლებს შეუძლიათ სახლის წესების დადგენა, მათ შორის, მხოლოდ იმ სტუმრების მიღება, რომლებსაც შეუძლიათ ვაქცინაციის ან ტესტზე უარყოფითი პასუხის დამადასტურებელი დოკუმენტის წარმოდგენა (თუ აღნიშნულს მოქმედი კანონები ან რეგულაციები არ კრძალავს).

    თუ ამ მოთხოვნის დაწესებას აპირებთ, გთხოვთ, მკაფიოდ აღნიშნოთ ეს როგორც საცხოვრებლის აღწერილობაში, ისე სახლის წესებში, გაუგებრობა თავიდან რომ აიცილოთ.

    რა უახლესი რეკომენდაციებია დასუფთავებასთან, სოციალურ დისტანცირებასთან და ნიღბების ტარებასთან დაკავშირებით?
    მოსახლეობის კორონავირუსის გავრცელებისგან დაცვის მიზნით, მასპინძლებმა კვლავ უნდა შეასრულონ განსაკუთრებული დასუფთავების 5‑ეტაპიანი პროცედურა სტუმრობებს შორის. დეტალური ინსტრუქციისა და საკონტროლო სიების გასაცნობად ჩამოტვირთეთ დასუფთავების სახელმძღვანელო, რომელიც მომზადდა სამედიცინო ექსპერტებთან თანამშრომლობით.

    ვინაიდან Airbnb‑ს მეშვეობით შემოთავაზებული საცხოვრებლები მსოფლიოს სხვადასხვა წერტილში მდებარეობს, კორონავირუსთან დაკავშირებული შეზღუდვები კი ყველგან განსხვავდება, მასპინძლებსა და სტუმრებს ვთხოვთ, დაიცვან ადგილობრივი კანონები და ოფიციალური მითითებები ნიღბების ტარებასა თუ სოციალურ დისტანცირებასთან დაკავშირებით. მასპინძლებმა და სტუმრებმა უნდა ატარონ ნიღაბი და ერთმანეთთან შეხვედრისას დაიცვან ორმეტრიანი დისტანცია, თუ აღნიშნულს ადგილობრივი ხელისუფლება მოითხოვს.

    შეიტყვეთ ვრცლად კორონავირუსის პირობებში მისაღები უსაფრთხოების ზომების შესახებ

    რა არის საპატიო მიზეზების დებულება და კვლავ ვრცელდება თუ არა ის კორონავირუსის გამო გაუქმების შემთხვევებზე?
    საპატიო მიზეზების დებულება მოქმედებს, როცა სტიქიური უბედურების, სანიტარული კრიზისის ან სხვა გაუთვალისწინებელი შემთხვევის გამო, სტუმრობა შეუძლებელი ან არაკანონიერი ხდება. მასპინძლებსა და სტუმრებს, რომლებსაც აღნიშნული დებულებით გათვალისწინებული შემთხვევა შეეხო, უფლება აქვთ, ჯარიმის გარეშე გააუქმონ ჯავშანი.

    საპატიო მიზეზების დებულება ვრცელდება გაუთვალისწინებელ შემთხვევებზე, კორონავირუსი კი უკვე ყოველდღიურობის ნაწილად იქცა. 2022 წლის 31 მაისს ან მომდევნო პერიოდში გაფორმებული ჯავშნების შემთხვევაში, კორონავირუსთან დაკავშირებული გარემოებები არ იქნება გათვალისწინებული ჩვენი დებულების მიხედვით. ეს ნიშნავს, რომ კორონავირუსით ინფიცირების მიზეზით ჯავშნის გაუქმების შემთხვევაში სტუმრები ვერ დაიბრუნებენ თანხას სრულად, თუ აღნიშნული არ არის დაშვებული მასპინძლის მიერ დადგენილი გაუქმების წესების მიხედვით.

    2022 წლის 31 მაისამდე (და როგორც სამხრეთ კორეის, ისე კონტინენტური ჩინეთის ფარგლებში) გაფორმებული ჯავშნებისთვის კორონავირუსთან დაკავშირებული ზოგიერთი მიზეზი კვლავ გათვალისწინებული იქნება.

    ვრცლად კორონავირუსის საპატიო მიზეზად არჩათვლის შესახებ

    როგორ მოვიქცე, თუ მე ან სტუმარი კორონავირუსით დავინფიცირდებით?
    თუ ბოლო 14 დღის განმავლობაში მასპინძელმა ან სტუმარმა ტესტზე დადებითი პასუხი მიიღო, ან ის კონტაქტში იყო ინფიცირებულ პირთან, ანდაც მას კორონავირუსის სიმპტომები აღენიშნება, Airbnb‑ს წესების მიხედვით, სტუმარი არ უნდა დაბინავდეს და არც მასპინძელს შეხვდეს, ხოლო მასპინძლები არ უნდა შევიდნენ სტუმრებისთვის შეთავაზებულ საცხოვრებლებში და არც მჭიდრო კონტაქტი ჰქონდეთ სტუმრებთან.

    თუ სტუმარი 2022 წლის 31 მაისს ან შემდგომ პერიოდში გაფორმებულ ჯავშანს კორონავირუსით ინფიცირების მიზეზით გააუქმებს, იმოქმედებს მასპინძლის მიერ დადგენილი გაუქმების წესები.* თუ სტუმარი უკვე დაბინავდა და მას ან თქვენ COVID‑19 აღმოგაჩნდათ, დაუკავშირდით Airbnb‑ს.

    აისახება თუ არა კორონავირუსის მიზეზით ჯავშნის გაუქმება სუპერმასპინძლის სტატუსზე?
    თუ ჯავშნის გაუქმება ავადმყოფობის გამო დაგჭირდებათ, გირჩევთ, შეძლებისდაგვარად მალე დაუკავშირდეთ გაერთიანების მხარდაჭერის გუნდს თქვენი შემთხვევის ინდივიდუალურად განსახილველად. თუ ჯავშანს გააუქმებთ, ანაზღაურება არ გერგებათ, თუმცა, შესაძლოა, სხვა საჯარიმო სანქციები არ დაგაკისროთ და ამან არც სუპერმასპინძლის სტატუსზე იმოქმედოს.

    სხვა რა უნდა ვიცოდე კორონავირუსის პირობებში სუპერმასპინძლის სტატუსის შესანარჩუნებლად?
    2020 წელს, კორონავირუსის პანდემიის დაწყების შემდეგ, არსებული სუპერმასპინძლებისთვის რამდენიმე კრიტერიუმი დროებით გავაუქმეთ. ეს პერიოდი დასრულდა და ახლა სუპერმასპინძლებისთვის დაწესებულ სტანდარტულ მოთხოვნებს დავუბრუნდით. შესაბამისად, სუპერმასპინძლის სტატუსის მოსაპოვებლად ან შესანარჩუნებლად საჭიროა 4‑ვე კრიტერიუმის დაკმაყოფილება.

    ვრცლად სუპერმასპინძლების შეფასებაში შეტანილი ცვლილებების შესახებ

    შეკითხვები დამრჩა. ვის მივმართო?
    დამატებითი ინფორმაციისთვის გაეცანით რესურსებს კორონავირუსის პირობებში უსაფრთხოების შესახებ ან ეწვიეთ დახმარების ცენტრს. თუ საკითხი გადაუდებელია, მიმართეთ გაერთიანების მხარდაჭერის გუნდს.

    *2022 წლის 31 მაისამდე (და როგორც სამხრეთ კორეის, ისე კონტინენტური ჩინეთის ფარგლებში მოგზაურობისთვის) გაფორმებული ჯავშნებისთვის კორონავირუსთან დაკავშირებული რამდენიმე გარემოება კვლავ გათვალისწინებული იქნება საპატიო მიზეზების დებულების მიხედვით.

    სტატიაში მოცემული ინფორმაცია, შესაძლოა, შეცვლილიყო მისი გამოქვეყნების შემდეგ.

    ყველაზე მნიშვნელოვანი

    • მასპინძლებმა კვლავ უნდა შეასრულონ დასუფთავების 5‑ეტაპიანი პროცედურა
    • სახლის წესებში შეგიძლიათ მიუთითოთ, რომ სტუმრებისგან ვაქცინაციის ან ტესტზე უარყოფითი პასუხის დამადასტურებელ დოკუმენტს ითხოვთ (სადაც ეს დაშვებულია მოქმედი კანონმდებლობით)

    • მასპინძლებმა უნდა დაიცვან ოფიციალური მითითებები ნიღბების ტარებასა თუ სოციალურ დისტანცირებასთან დაკავშირებით

    Airbnb
    5 მარ, 2020
    სასარგებლო იყო?

    სხვა საინტერესო

    სხვა საინტერესო

    გაეცანით სხვა თემებს