შემოთავაზებულ შედეგებზე წვდომისთვის გადადით წინ

    წვეულებებისა და ღონისძიებების გამართვის წესები

    შენიშვნა: 2020 წლის 20 აგვისტოს მდგომარეობით, ჩვენი გაერთიანების წესების მიხედვით, Airbnb საცხოვრებლებში მსოფლიო მასშტაბით აკრძალულია წვეულებებისა და ღონისძიებების გამართვა, ასევე, 16 სტუმარზე მეტის მიღება. წვეულებების აკრძალვა შეეხება ყველა მომავალ ჯავშანს Airbnb-ზე და ძალაში დარჩება განუსაზღვრელი ვადით, შემდგომი მითითებების მიღებამდე.

    Airbnb-ს გაერთიანების სტანდარტები ყველა წევრს ავალდებულებს, დაიცვას საზოგადოებრივი წესრიგი და არ შეაწუხოს მეზობლები. ამისთვის მასპინძლებმა და სტუმრებმა ზედმიწევნით უნდა შეასრულონ საცხოვრებელში შეკრებასთან დაკავშირებით მოქმედი წესები. მართალია, სტუმრების უმეტესობა წესრიგის დაცვას პასუხისმგებლობით ეკიდება, თუმცა წვეულებებისა და ღონისძიებების გამართვის წესებში უფრო მკაფიოდ განვმარტავთ, რას მოველით ჩვენი გაერთიანების თითოეული წევრისგან. შემდგომი მითითებების მიღებამდე წესებით იკრძალება:

    • 16 ადამიანზე მეტის ერთად შეკრება
    • სხვების შემაწუხებელი წვეულებებისა და ღონისძიებების გამართვა

    სხვების შემაწუხებელი წვეულების გამართვა ან 16 ადამიანზე მეტის ერთად შეკრებასთან დაკავშირებით სხვა წესების დარღვევა გამოიწვევს სტუმრის Airbnb ანგარიშის მოქმედების დროებით შეჩერებას ან წაშლას ჩვენი პლატფორმიდან. ზოგიერთ შემთხვევაში, სტუმრების მიერ ამ ტიპის წვეულებების შემდეგ დატოვებული მიმოხილვებიც წაიშლება. შესაძლოა, იმ მასპინძლების განცხადებებიც წავშალოთ, რომლებიც წვეულების გამართვის ნებართვას აღნიშნული წესების დარღვევით გასცემენ. თუ საზოგადოებრივი წესრიგის დარღვევის შესახებ შევიტყობთ, მასპინძელს წესების განახლებას ვთხოვთ ან შესაბამისი განცხადების მოქმედებას შევაჩერებთ.

    სხვების შემაწუხებელი წვეულებები საერთოდ რომ არ გაიმართოს, წვეულებებთან დაკავშირებული წესების გამკაცრების პარალელურად რისკების ამოცნობის ტექნოლოგიებსაც ვაუმჯობესებთ.

    ხალხმრავალი შეკრებები

    ჩვენი წესები ამ ეტაპზე კრძალავს 16 ადამიანზე მეტის ერთად შეკრებას (როგორც ღამისთევით, ისე დროებით) იმის მიუხედავად, აქვთ თუ არა სტუმრებს მასპინძლის ნებართვა.

    წვეულებები და ღონისძიებები

    ჩვენი წესები ამ ეტაპზე კრძალავს სხვების შემაწუხებელი ნებისმიერი წვეულებისა და ღონისძიების გამართვას. იმ სტუმრების ანგარიშები, რომლებიც ამგვარ ღონისძიებებს გამართავენ, შესაძლოა, წაიშალოს. შესაბამისი ზომები შეიძლება გატარდეს იმ მასპინძლების ანგარიშებთან დაკავშირებითაც, რომლებიც აღნიშნულ წესს დაარღვევენ და წვეულებების გამართვის ნებართვას გასცემენ.

    წესრიგის დარღვევის შესახებ შეტყობინება

    თუ მეზობლები Airbnb საცხოვრებელში ზედმეტი ხმაურით, უწესრიგო წვეულებით, 16‑ზე მეტი ადამიანის შეკრებით, სახიფათო ქცევით ან სხვა არასასიამოვნო ვითარებით შეწუხდებიან, აღნიშნულის შესახებ შეუძლიათ შეგვატყობინონ მეზობლების მხარდაჭერის, გვერდიდან, რომელზეც ვთავაზობთ როგორც გადაუდებელი დახმარების სამსახურების, ისე მეზობლების მხარდაჭერის გუნდის საკონტაქტო ინფორმაციას (მაგალითად, მიმდინარე წვეულების შესახებ შესატყობინებლად). პრობლემის შესახებ შეტყობინების მიღების შემდეგ Airbnb ელფოსტით შეატყობინებს მომდევნო მოქმედებს.

    წვეულებების უნებართვოდ გამართვის აღკვეთა

    საცხოვრებლებში უნებართვო წვეულებების აღკვეთა დიდი ხანია, Airbnb‑ს ერთ‑ერთი ყველაზე პრიორიტეტული ამოცანაა. ჩვენ არაერთ ზომას მივმართავთ, რომ მოგზაურობა უსაფრთხო და პასუხისმგებლობით აღსავსე იყოს. საერთაშორისო მასშტაბით წვეულებების გამართვაზე ჩვენ მიერ დაწესებული აკრძალვებიდან გამომდინარე, ჯავშნები, რომლებშიც წვეულებებს უნებართვოდ გამართვის შედარებით მაღალი რისკი იკვეთება, დაიბლოკება.

    განცხადებების კონტენტთან დაკავშირებული მითითებები

    წინამდებარე დებულების თანახმად, მასპინძლებმა განცხადებაში არ უნდა მიუთითონ, რომ საცხოვრებელი წვეულებებისა თუ ღონისძიებებისთვის შესაფერისია, ან შესაძლებელია 16 ადამიანზე მეტის ერთად შეკრება.

    თუ განცხადების სათაური, აღწერილობა, სახლის წესები, ფოტოები ან სხვა ნაწილი ამ წესებს დაარღვევს, შესაძლოა, მისი მოქმედება შეჩერდეს მიუღებელი კონტენტის წაშლამდე. თუ აღნიშნული წესის დარღვევასთან დაკავშირებით საჩივრებს მივიღებთ, შესაძლოა, განცხადების მოქმედება 30 დღითაც შევაჩეროთ, მასპინძელს კი ვთხოვოთ, რომ განცხადებაში მკაფიოდ მიუთითოს წვეულებებისა და ღონისძიებების აკრძალვის შესახებ.

    იმ იშვიათ შემთხვევებში, როცა იკვეთება, რომ ობიექტი განკუთვნილია მხოლოდ წვეულებებისა თუ ღონისძიებების გასამართად (მაგალითად, შეთავაზებულია წვეულებების ან ღონისძიებების ჩატარების ადგილები), ასევე, როცა მნიშვნელოვნად წუხდებიან მეზობლები, შესაძლოა, განცხადება სამუდამოდ წავშალოთ Airbnb‑დან.

    წესები სხვადასხვა ტიპის საცხოვრებლისთვის

    ტრადიციული სასტუმრო ობიექტები

    მასპინძლებს შეუძლიათ დამოუკიდებლად განსაზღვრონ ტრადიციული მასპინძლობის ობიექტებში (მაგალითად, ბუტიკ‑ოტელებში) ღონისძიებების გამართვისა და შესაბამისი ნებართვების გაცემის წესები. თუ ამ საცხოვრებლებთან და ღონისძიებებთან დაკავშირებით საჩივრებს მივიღებთ, ან წესებთან შეუსაბამო ღონისძიებების გამართვის შესახებ შევიტყობთ, საკითხს მასპინძლებთან გავარკვევთ.

    მიიღეთ სათანადო დახმარება?

    დაკავშირებული სტატიები