გთავაზობთ რამდენიმე რჩევას, რომლებიც დაგეხმარებათ, თქვენც და თქვენი შენობის ადმინისტრაციაც ერთნაირად გაერკვეთ Airbnb‑ს მეშვეობით მასპინძლობის საკითხში:
საცხოვრებლის შეთავაზების დაწყებამდე შეიტყვეთ, რომელი ხელშეკრულებები და წესები გეხებათ, მაგალითად, საიჯარო ხელშეკრულებები, კონდომინიუმის საბჭოს ან კოოპერატივის წესები, ბინათმესაკუთრეთა ასოციაციის წესები ან მოიჯარეების ორგანიზაციების მიერ დადგენილი წესები. განსაკუთრებული ყურადღება მიაქციეთ სტუმრებთან ან ქვეიჯარასთან დაკავშირებულ ნებისმიერ წესს, ხოლო თუ რაიმეში დარწმუნებული არ იქნებით, მიმართეთ შენობის მმართველს.
საცხოვრებლის განთავსებამდე აუცილებლად გაეცანით ამ წესებს და დაიცავით ისინი. თუ საცხოვრებელი უკვე განათავსეთ, დაუთმეთ დრო ამ წესებისა და სხვა კანონების გაცნობას თქვენს ქალაქში ან შტატში, რათა დარწმუნდეთ, რომ მათ იცავთ.
აცნობეთ თქვენი შენობის ადმინისტრაციას, ვინ ხართ, როგორ ზრუნავთ თქვენს საცხოვრებელზე და რატომ გსურთ Airbnb‑ს მეშვეობით მასპინძლობა.
აცნობეთ თქვენი შენობის ადმინისტრაციას, რომ Airbnb‑ს გაერთიანება ნდობაზეა აგებული. Airbnb‑ზე ყველას აქვს პროფილი, რომელიც ეხმარება სხვა სტუმრებს ან მასპინძლებს, ერთმანეთის გაცნობაში. მიმოხილვები შესანიშნავი საშუალებაა მასპინძლებისა და სტუმრებისთვის, ერთმანეთისთვის გამოხმაურება გაუწიონ. გარდა ამისა, Airbnb გთავაზობთ პროგრამას „AirCover მასპინძლებისთვის“, რომელიც მასპინძლებს კომპლექსურ დაცვას უზრუნველყოფს. აღნიშნული მოიცავს სტუმრების ვინაობის დადასტურებას, ჯავშნების შემოწმებას, მასპინძელთა ზარალისგან დაცვას 3 მილიონი აშშ დოლარის ფარგლებში, მასპინძელთა პასუხისმგებლობის დაზღვევას 1 მილიონი აშშ დოლარის ფარგლებში და უსაფრთხოების სადღეღამისო სამსახურს. ვრცლად AirCover‑ის შესახებ: https://www.airbnb.com/aircover.
ითანამშრომლეთ თქვენი შენობის ადმინისტრაციასთან, რათა დაადგინოთ მითითებები იმის შესახებ, თუ როდის და როგორ უმასპინძლებთ სტუმრებს. იმისთვის, რომ შენობის ადმინისტრაციას აჩვენოთ, რომ პასუხისმგებლიანი მასპინძელი ხართ, და ის უფრო მშვიდად იყოს:
გამოიჩინეთ პასუხისმგებლობა, როგორც მასპინძელმა, და აცნობეთ მეზობლებს, რომ მათ შეუძლიათ დაგიკავშირდნენ ან შეგვატყობინონ Airbnb მასპინძელთან ან სტუმართან დაკავშირებული პრობლემის შესახებ, რის შემდეგაც ჩვენ დავუკავშირდებით მათ პრობლემის მოსაგვარებლად.
შენობის მფლობელებსა და მმართველებს შეუძლიათ მისცენ მობინადრეებს Airbnb‑ს მეშვეობით მასპინძლობის უფლება, რა შემთხვევაშიც მათ ექნებათ კონტროლისა და ხილვადობის შესაძლებლობა მასპინძლობის აქტივობასთან დაკავშირებით. ამას გარდა, მენეჯერებს შეუძლიათ ჯავშნებიდან მიღებული შემოსავლის ნაწილის გაზიარებაც. იმისთვის, რომ თქვენი შენობის მენეჯერი დაუკავშირდეს Airbnb‑ს Airbnb‑სთან თანამშრომლობის შესახებ, სთხოვეთ მას, შეავსოს ფორმა ამ გვერდზე.
თუ თქვენი შენობის მმართველი უარყოფს Airbnb‑ს მეშვეობით მასპინძლობის თქვენს მოთხოვნას, ნუ შეგეშინდებათ, ჰკითხოთ მიზეზი. შესაძლოა, მისი შეშფოთების მიზეზების აღმოფხვრა და Airbnb‑ს შესახებ მეტი ინფორმაციის მიწოდება შეძლოთ. თუ ეს არ გამოვა და გადასვლასაც არ წინააღმდებთ, სხვა Airbnb‑სთან თანამშრომლობაზე ორიენტირებული ბინების პოვნა შეგიძლიათ აქ: airbnb.com/airbnb-friendly.